Yʉanes 1:14 - Kálara Zyɛ̌m Edwán é mpʉ̌n

¹⁴ Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Kálar Nzyɛ̌m : Ejwán é Sáá

¹⁴ Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

Yʉanes 1:14 ပူးပေါင်းရင်းမြစ်များ

1 Yʉanes 4:9

Mpʉ Zyɛm a lɛʼle kpɛl ye é sama ga yina ó yi: nye a si ntɨh bɨna ga Etiʼe e Mwan le é si nwa, ó bɨna nkʉʼ bi tiʼ molu mo mpoʼ mɨmɛh dumo e nye.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

Yʉanes 1:1

É l'etɔɔrʉ, mʉr a be die «Lwib» ɨ, a bɛa ó be. Lwib bé e Zyɛm ó b'a be. Lwib a be ó Zyɛm.

Galásia 4:4

Yé ntɔʼ ka pyal é mbɨambɨa jɔʼ Zyɛm a bɛa cyel ɨ. É jɔʼ yaa ó nye a ntɨh Mwan we, ó nye ntaʼ, ze byɛl é mo mo nuu mʉma. Mwan waa a be ó é monkara mo mɛra motie.

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Yʉanes 6:51

Me ó ndɨ kublakubla mode, maa mé a duho é jobo kʉ, ze kaʼ é si nwaʼ ɛ. ǃƗ mʉr si de mode maa nɛʼɛ, gʉŋa ó, nyi bi tiʼ molu mo mpoʼ mɨmɛh. Mode me ódwe nye e, mé ó bɨpuno byam! Me edwe bʉr bɨbɛh bya ó, é l'efu ó, bé biʼe tiʼ molu mo mpoʼ mɨmɛh.»

Kolosi 1:19

Nye ecyɛb bye efoʼ ó, ebe, Zyɛm a ka bee embɨa é nko paʼ we ó, nye di ntinɨ e ntinɨ ó, é nye.

1 Korɛnt 15:47

Adam efoʼ a meŋɔ ó e bɨbwah. Adam mba a duho ó, é jobo kʉ.

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

1 Yʉanes 4:14

Bɨna bɨ bee ga sa bɨna lé eto le eboʼlo ga ɛ. Mboʼla ga wina, wé ó wi: Zyɛm Sɔŋ a ntɨh Mwan we ó, nye beʼ Tiʼbʉr é l'efu e si nwaʼ nyiwɛh.

Kolosi 2:9

Kwɨmla mo Zyɛm Sɔŋ ndɨ anwɨɨla e waa mo yʉʉ sɔʼɔ ɛ, wé nteme, wé ó waa mo Krɨst, é nyʉl we tʉŋlʉ.

2 Yʉanes 1:7

Ebe, baanya-bɨkʉʉŋʉ, bé mu ó si buo é si nwaʼ nyiwɛh. Bé akpɛl mɛʼle ó, Yesʉs-Krɨst a ze é si nwaʼ ó e nyʉl bɨpuno. Mʉr lé esoŋlo ó, buʼo ga yina, yé abe cyecye e, nye ó ndɨ anya-bɨkʉʉŋʉ le mʉr dɔm mo Krɨst.

Mɨngwiha 21:3

Me ze joʼo bwaʼbwaʼ twii a duho é dia taʼa ɛ. Nye ó: «Zyɛm mu ó lé ekomlo odia we paʼra bʉr e bʉr. Nye ódi ó e be. Bé óbe ó bʉr o jwɨ̀ʼa ye. Zyɛm nye mʉr tɨʼ ódi paʼra wɔɔ.

Ebrœ̂ 5:5

Jwɨʼ gwar e gwar yaa nteme e Krɨst. Nye a baagban dia njwɨɨ opara, nkʉ saa kum ndɨ tɨʼ ɨ. Nye a cyelɔ ó cyelɨ é dia yaa. Mʉr a cyel nye e, a lɛɛ e nye ó: «Go ó mwan wam. Mɛm, mɨ bya go muh.»

Ebrœ̂ 10:5

Ebe no, é jɔʼ Krɨst a be, nye mu kunokuno le eni é si nwaʼ ɛ, nye a lɛɛ e Zyɛm ó: «Go agwɨm ó, bé dweʼ go motwina, nkʉ mɨndwɛa. Go a cye nyʉl wam ó, nye jɛna mobyaʼ mo bʉr.

Yʉanes 11:40

Yesʉs, nye e nye ó: «Zê me baalɛɛ e go ó, ǃgo si buʼla nɛʼɛ, go óbee moncɛnba mo Zyɛm ɛ?»

Yʉanes 3:16

«Zyɛm a be ó si bul laŋle kpɛl bʉr o si nwa. Ebe no ó nye a ntɨh Etiʼe e Mwan le ó, waa nyiwɛh ójyɛʼ taa buʼo boo nye e, aka dim. Nye biʼe tiʼ molu mo mpoʼ mɨmɛh.

Yʉanes 2:11

Yiha ó ndɨ dweʼle nkul we efoʼ Yesʉs a sa ɛ, nye ndɨ ɨ Kana, é lal Galɨle. Moncɛnba me, mé ze nyin é zi syɛɛla yaa. Ompʉn be, bé ntɔʼ bâʼle bul jyɛʼ taa buʼo yɔɔ boo nye.

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Ebrœ̂ 1:5

Zyɛm, nye apa lɛɛ e engles ngwar ó: «Go ó me mwan. Mɛm, mɨ bya go muh.» Nye nteme, nye apa lɛɛ, tiibe e nuu engles ó: «Mɛm, me ó nye sɔŋ. Nye ó mwan wam.»

Yʉanes 14:9

Yesʉs ze bɨha e nye ó: «A bɛa bɨna bɨ di ga! No ó, Filip, go dina ó apa gʉa me? Mʉr mu si bee me e, nyi bee nteme Sɔŋ wam. A, ebe yé go lɛɛ ó: “Lɛʼla bɨh Sɔŋ go” e?

Lʉkas 9:32

Pyɛr bé e bʉr o nduo ye, bé a taare be ó é bɨdwo é tuʼ. Pie tɨ, bé ze jɨma, ze bee moncɛnba mo Yesʉs ndwe e maa mo bʉrʉm oba bé e boo nɔɔ, bé a be e.

Yʉanes 17:22

«É mpʉ bɨna di sa gwar ɨ, kum go a dwe me e, nye ó, ebe zyɛŋa waa. Ebe no, mɨ dwe be kum mpwar waa ó, bé diʼe sa gwar.

Yʉanes 3:18

Mʉr lé ejyɛʼ taa buʼo ye boo Mwan mo Zyɛm ɨ, nye aŋa ka dweŋɔ mobe. To kœb ó, waa ndɨ asa no e, nyiha, nyi bɛa dweŋɔ mobe, ebe, nye apa jyɛʼ taa buʼo ye boo Etiʼe e Mwan mo Zyɛm.

Lʉkas 2:11

É pum wi, é nkana mo David, Tiʼbʉr win, nyi byɛl! Nye ó Lœma mulo mo Zyɛm le Tî ga wina.

Ebrœ̂ 2:11

Yesʉs, mʉr lé epubo bʉr ɨ, bé e bʉr nye lé epubo e, bɨbɛh, bé mu ó bʉr o b'a duho é Sɔŋ ngwar ɨ. Ebe no ó Yesʉs ndɨ ajoʼo fwon lé ejebe be ó, obɨɔ bam e l'okɛl bam ɨ.

2 Korɛnt 12:9

Nye ntɔʼ bɨha ó: «Ncwɨncwɨa me lé elɛʼle go e, nye si jala go, ebe, nkul wam, nye ekʉ nyin ntinɨ e ntinɨ ó, é jɔʼ me lé eze é nkɔm mo mʉr ndɨ é cyɛʼ ɛ.» Ebe no ó me ódoʼo e l'ecyɛʼ lam, sahle e! Nkul mo Krɨst nteme, nye òdi é me.

Mataos 1:16

Yakɔb bya Yoseb, njʉm mo Maaria. Maaria ó b'a bya Yesʉs, waa bé lé ejebe ó, Lœma mulo mo Zyɛm ɨ.

Kolosi 2:3

Ocyoo le ngwɨa wiwɛh, bɨn bé ejala le esaa bye ó, é Krɨst tʉŋlʉ, fum byé ndɨ mɨfela ɛ.

Éfɛsɔs 3:8

É sama mɨsaŋ mɨ bʉr mo Zyɛm bɨh e boo nɔɔ ndɨ ɨ, bʉʉ bɨbɛh, bé ejala le etaare nʉŋɔ, gbaŋɔ é nkɔb. Dam be no, Zyɛm a si lɛʼle me ncwɨncwɨa we, ó me lɛŋɨ Mbɨambɨa Lɔɔ mo Yesʉs-Krɨst boo bʉr o ndɨ abe oYʉden ɨ, ó bé gʉŋa okum e l'ogbaa Krɨst lé eze bɨna ga e wa ɛ, dam be ó, wé ákwoʼ gʉŋɔ wiwɛh.

Rôm 9:5

Bɛɛ ó ndɨ mpoŋbʉr mo Abraham, e Ɨzak ndwe e Yakɔb. Krɨst nye mʉr tɨʼ a byɛl mʉr ó, é kul bʉr yina nɨ. Nye ó ndɨ Zyɛm, njwɨɨ sa yiyɛh. Kum diʼe e nye njʉmdia e njʉmdia! Amɛn.

Lʉkas 2:7

Nye ntɔʼ bya ma mʉrʉm, mwan modweʼe we. Nye ze dîble nye é kan, jyɛʼ nye é dwom. Dwom yaa, yé a be ó gumo bɨtab byé a de-de mode mɔɔ ɛ, ebe, yé a baaka be e ja é mbɛr ojyoo.

Mɨlʉmlʉ 13:33

nyi dwe bɨna ga ya, bɨna bwa onta bɔɔ, ebe, nyi pɛ̀h Yesʉs é foo. Yé ó mpʉ yé ndɨ tila é Sam mba é lʉ we e. Yé ó tila ó: “Go ó mwan wam. Mɛm, mɨ bya go muh.”

Yʉanes 8:32

É jɔʼ bɨn bé ógʉa ocyecye e, ocyecye waa, wé ódil bɨn é dia otî.»

Yʉanes 17:24

«Da, go a be ó si dwe me ba. Me ekpɛl ó, bé diʼe gumo me ódi ɨ. Bé óbee me é dia moncɛnba mam, dia go a bɛa dwe me ebe kpɛl yo, taare é jɔʼ kʉ e si, byé a baapa cyeŋɔ ɛ.

Yʉanes 18:37

Pilat, nye e nye ó: «No ó, go ó bana kʉ be njwɨɨbʉr!» Yesʉs ze bɨha ó: «Go mʉr tɨ, gɨ lɛɛ ó, me ó njwɨɨbʉr. Me a byɛl, ze kaʼ é si nwaʼ ó, lé eze lɛɛ bʉr ocyecye. Mʉr nyiwɛh lé egumo e mʉr lé elɛɛ ocyecye e, nye ejoʼo sa me lé elɛɛ ɛ.»

Mɨngwiha 19:13

Nye a bwar-bwar ó, len kʉr wé a dubɔ é motié e. Bé ejebe nye die ó, Lɔɔ Zyɛm.