Yʉanes 1:13 - Kálara Zyɛ̌m Edwán é mpʉ̌n

¹³ Bé a baabyɛl bwan mo Zyɛm é zi bɨpuno, nkʉ é gwɨma bɨpuno byɔɔ, nkʉ ebe gwɨma mo mʉrʉm. Bé a byɛl ó byɛlɨ no, ebe gwɨma mo Zyɛm.

Kálar Nzyɛ̌m : Ejwán é Sáá

¹³ Bé á bé atyélɔɔ bwán mé Nzyɛ̌m ɨ́ nkǒ páʼ métié, nkʉ̂ ɨ́ lɔ̌b bígwɨ́má ményʉ́l mɔ́ɔ́, nkʉ̂ ɨ́ lɔ̌b gwɨ́má mʉ̂r. Bé á byɛ̂l ó byɛ́lɨ́ɨ nó, ɨ́ gwɨ́má mé Nzyɛ̌m.

Yʉanes 1:13 ပူးပေါင်းရင်းမြစ်များ

1 Yʉanes 3:9

Mʉr nyiwɛh ndɨ mbyɛla é zi nkul mo Zyɛm ɨ, nye abe e nkul eto dolo lé esa mɨsyem, ebe, tiʼ lé eduho boo Zyɛm ɨ, yé ó é nye tʉŋlʉ. Nye abe e nkul eto dolo lé esa mɨsyem, ebe, nye a byɛl ó, é zi nkul mo Zyɛm.

Jacques 1:18

Nye mʉr tɨʼ ó b'a bya bɨna ga é zi gwɨma ye. Nye a sa no ó, é jɔʼ nye a lɛʼle bɨna ga lwib ye ndɨ cyecye e, bɨna ntɔʼ buʼla ga ye. Ebe no, é nko paʼ mɨcyea bɨsa bibyɛh, bɨna ga ó ndɨ mpʉ tom nye a pɛʼ é peme ye e.

1 Pyɛr 1:23

No ó, bɨn mu ó si bâʼle byɛl. Bɨn bé a baabyɛl ebe mpœʼ ndɨ e nkul ebo e. Mpœʼ yé a sa ó, bɨn byɛlɨ ɨ, yé ó mpœʼ ndɨ abe e nkul ebo e. Mpœʼ yaa, yé ó lwib mo Zyɛm. Yé ekubla bɨn é mɨleme. Abe e yʉʉ jɔʼ yé ópʉʼa tɨ.

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.

1 Yʉanes 5:4

ebe, mʉr nyiwɛh ndɨ mbyɛla é zi nkul mo Zyɛm ɨ, nye entaa ebebe e si nwaʼ é nkul. Nkul nye ndɨ e nye, waa lé esa ó, nye bula e l'esaa é koo e, nye ó buʼo ga yina.

1 Yʉanes 4:7

Obɨɔ o kpɛl bam aa! Bɨna kpɛla ga paʼra ga wina, ebe, kpɛl, yé eduho ó boo Zyɛm. Mʉr nyiwɛh ndɨ e kpɛl ɨ, nye ó ndɨ mbyɛla é zi nkul mo Zyɛm. Nye nteme, nyi gʉa Zyɛm.

Títos 3:5

Nye a dwe bɨna ga tiʼ molu mo mpoʼ mɨmɛh ó, é zi njwɨʼa-nkoo we. Nye a baadwe bɨna ga nkɔb tiʼ yaa é lɔb mɨmpaŋ bɨsyɛɛla bɨna bé a dɨ sa é l'ocɨcyel ga wina ɛ. Yé a be ó, ebe puba nye a pubo bɨna ga cwɨɨ é Sisim we e. Wé ó b'a sa ó, bɨna byɛlɨ ga mbyɛla edwan, le esa ó, bɨna beʼ modwan mo bʉr. Nye a si ntɨh bɨna Sisim we é ntuʼ-ntu-ntuʼ, dumo e Tiʼbʉr ga wina Yesʉs-Krɨst.

Filipi 2:13

Ebe, Zyɛm ó ndɨ edwe bɨn gwɨma edu mpaŋ zi waa. Nye nteme ó ndɨ edwe bɨn nkul ó, bɨn kœʼœ tɨʼ mbɨmbɨa.

1 Korɛnt 3:6

Mɛm, me a si bè mpœʼ; Apolos nyɛɛ ze sʉ modibe. Sa gwar, Zyɛm ó b'a sa ó, yé paha.

1 Yʉanes 5:1

Mʉr nyiwɛh lé ebuʼla ó, Yesʉs, nye ó Lœma mulo mo Zyɛm ɨ, nye ó ndɨ mbyɛla é zi nkul mo Zyɛm. Waa nyiwɛh lé ekpɛl mʉr a bya mwan ɨ, nye ekpɛl nteme, mwan mʉr waa a bya ɛ.

1 Yʉanes 5:18

Bɨna bé egʉa ga ó, mʉr nyiwɛh mu mbyɛla é zi nkul mo Zyɛm ɨ, nye ákwoʼ ka to dolo lé esa syem. Mwan Zyɛm Sɔŋ a bya ɛ, nye ekamle e mbi mʉr waa. Ebe no, abe e sa gwar Bɨbla-mʉr ndɨ e nkul esa nye.

Yʉanes 3:3

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, abâʼle byɛl nɛʼɛ, nye abe e nkul ebee Jwɨ̀ʼa mo Zyɛm.»

Mataos 3:9

Adɨ lɛɛla ga paʼra win ó: “Bɨna ga bé e sɔŋ ó Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

1 Pyɛr 2:2

Gwɨmɨ ga ó, bɨn jwɨʼɨ mɨmpaŋ mɨyeʼla, myaa ndɨ ejala e bɨn ɨ. Myé ó ngo sa ó, bɨn gwɨa é zi we, bɨn ntɔʼ bi tiʼ molu mo mpoʼ mɨmɛh. Saʼ ga no mpʉ bɨcyee ndɨ egwɨm monyaŋ ɨ,