Yʉanes 1:10 - Kálara Zyɛ̌m Edwán é mpʉ̌n

¹⁰ Lwib a be ó é si nwa. Zyɛm a cye si waa ó, é zi we. To kœb ó, bʉr o ndɨ egumo e si nwaʼ bɛɛ, bé a baadweʼe nye.

Kálar Nzyɛ̌m : Ejwán é Sáá

¹⁰ Lwǐb á be ó ɨ́ sí yɨ̂. Nye ó mʉ̌r Nzyɛ̌m á lómo lɨ́ ebono kʉ́ e sí nyá. Nó ó, bʉr ó sí yɨ̂ʼ bɨ́ɛ, bé á bé adweʼe nyê.

Yʉanes 1:10 ပူးပေါင်းရင်းမြစ်များ

Yʉanes 17:25

Sɔŋ Ocɨcyel, bʉr o ndɨ egumo e si nwaʼ ɛ, bé agʉa go. Me ome ó lé egʉa go. Bʉr ba, bé mu si gʉa mbɨmbɨa ó, go ó b'a lomo me.

1 Yʉanes 3:1

Mbe ga: é mpʉʼ ó Zyɛm Sɔŋ ndɨ ebul kpɛl bɨna ga ɛ! Nyi gban bɨna ga, le elɛɛ ó, bɨna ga bé ó bwan be. Bɨna ga bé ó baa be é l'ocyecye. Bʉr o si nwa, bé apa gʉa Sɔŋ ga wina. Ebe no ó bé ndɨ agʉa bɨna ga ɛ.

1 Korɛnt 2:8

Abe e guu njwɨɨbʉr é mbi jɔʼ yi, wé a gʉa we. Nkʉ myé a be ó be, gʉa we nɛʼɛ, mpa myé a baacyèl Tî ga wina ndɨ e moncɛnba ɛ, é klos kʉ.

1 Korɛnt 1:21

Zyɛm, é l'ocyoo nye ndɨ e we e, nyi nʉa tiʼa ó, bʉr o mbi jɔʼ yi, bé aŋa gʉa nye njɨ ebe ocyoo wɔɔ. Nye a bee embɨa é nko paʼ we ó, baa nye ódwe tiʼ molu mo mpoʼ mɨmɛh ó, ndɨ ebuʼla mpaŋla bɨh bé a cen be e, mpaŋla waa, nye yɛɛ sa bʉʉ bʉr lé ebee mpʉ lwib bɨgʉ ɨ.

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

Ebrœ̂ 11:3

É zi buʼo, yé ó bɨna lé egʉa ga ó, Zyɛm ó b'a cye kʉ e si e lwib ye e. No ó, sa yiyɛh lé enyin ɨ, yé a duho ó, é yaa ndɨ anyin ɨ.

Yʉanes 1:18

Abe e mʉr ngwar ndɨ si pa bee Zyɛm Sɔŋ. Etiʼe e Mwan e kpɛl le, lé ome, waa ndɨ nteme Zyɛm ɨ, ó b'a lɛʼle bɨna ga Zyɛm.

Yʉanes 1:5

Myɛn, wé epan é l'edurʉ; edurʉ l'ákwoʼ mara we.

Mɨlʉmlʉ 14:17

Dam be no, nye a baaliʼe be é mozi maa tɨtoʼo. Nye a si boʼlo, tiibe e nye mʉr tɨ. Nye a si bul cwɨa e bʉr bɨbɛh. É yiʼ jɔʼ, nye efil bɨn ompie, duho é jobo kʉ. É yʉʉ jɔʼ, nye edwe bɨn nkul eto é mɨngol. Nye edwe-dwe bɨn mode, le esa ó, bɨn díla. Nye egba bɨsʉhʉ é mɨleme min.»

Yʉanes 5:17

No ó Yesʉs a ze lɛɛ e be ó: «Sɔŋ wam, nye esea ó, é jɔʼ yiyɛh, ze pyal é banana. Mɛm nteme, me esea no.»

Yʉanes 1:3

Zyɛm a cye sa yiyɛh ó, é zi mo Lwib. Abe e yʉʉ sɔʼɔ yé a syɛɛ, Lwib abe.

Yʉanes 1:11

Nye a ze ó, é lal we. Sa gwar, jyɛɛ ye, anʉa nye.

1 Korɛnt 8:6

é mbea ga wina, bɨna ga bé ó njɨ e Zyɛm ngwar, waa ndɨ Sɔŋ ga wina ɛ. Nye ó b'a cye sa yiyɛh. Bɨtiʼ ga bina, byé ekʉ dwɛʼ ó njɨ nye e nye. Yé nteme, yé ó njɨ Tî ngwar, Yesʉs-Krɨst. Sa yiyɛh, yé a cyeŋɔ ó, é zi we. Bɨna bé etiʼe ga ó, é zi we.

Kolosi 1:16

ebe, Zyɛm a cye sa yiyɛh ó, é zi we: bɨsa ndɨ é jobo e l'ejyoo e, e byaa ndɨ é si nwaʼ ɛ, bɨsa lé enyin ndwe e byaa ndɨ anyin ɨ, mɨsisim mɨ apum ndɨ é dia taʼa ɛ, le myaa ndɨ e monkul monɨnɨ ɨ, le myaa ndɨ e jwɨɨ, nkʉ myaa ndɨ e nkul ɨ. Sa yiyɛh, yé a cyeŋɔ ó, njɨ lé ebœʼ kum we.