Yʉanes 1:1 - Kálara Zyɛ̌m Edwán é mpʉ̌n

¹ É l'etɔɔrʉ, mʉr a be die «Lwib» ɨ, a bɛa ó be. Lwib bé e Zyɛm ó b'a be. Lwib a be ó Zyɛm.

Kálar Nzyɛ̌m : Ejwán é Sáá

¹ Nzyɛ̌m dína apǎ kuho kʉ́ e sí, mʉr á be e díe ó, “Lwǐb” nyá, á boo be ó tɨ̂. Lwǐb, bé e Nzyɛ̌m ó b'á be. Lwǐb á be ó Nzyɛ̌m.

Yʉanes 1:1 ပူးပေါင်းရင်းမြစ်များ

Yʉanes 17:5

No ó, Da! Banana, dweʼ me kum mpʉ waa me a be e nye go ye, é jɔʼ kʉ e si, byé a baapa cyeŋɔ ɛ.

Mɨngwiha 19:13

Nye a bwar-bwar ó, len kʉr wé a dubɔ é motié e. Bé ejebe nye die ó, Lɔɔ Zyɛm.

Kolosi 1:17

Nye a bɛa ó be, sa gwar apa cyeŋɔ. Bɨsa bibyɛh ndɨ tɨʼ ɨ, byé tɨʼ ó njɨ ebe syɛɛ ye.

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Mɨngwiha 22:13

Me ó ekan le efoʼ ndwe e laa le epihe, mʉr efoʼ e waa epihe, etɔɔrʉ ndwe e l'efehle.

Yʉanes 1:2

No ó Lwib bé e Zyɛm, bé a bɛa be ó é l'etɔɔrʉ.

Mɨngwiha 1:8

Da Zyɛm, nye elɛɛ ó: «Me ó ndɨ waa efoʼ ndwe e waa epihe. Me ó waa a bɛa be, waa dina, waa ófuʼla ɛ. Me ó ndɨ Zyɛm Nkul nyiwɛh.»

Filipi 2:6

Nye a bɛa be ó, mbi tiʼ we, bé e waa mo Zyɛm Sɔŋ asiila ɛ. No ó, nye a baabee ó, cye Zyɛm ye yaa, yé a be ó sa nye a jala le emɛr é kpɨɨɨ ɨ.

Mataos 1:23

«Ndu esehe e mʉma, wé ónʉa ebum, bya ma mʉrʉm. Bé ójwɨr nye die ó “Emmanuel”.» No yé edwirɔ ó: «Zyɛm, nye e bɨna ga.»

Mɨngwiha 21:6

Nye e me ó: «Yi sie! Me ó mʉr efoʼ ndwe e waa epihe. Me nteme, me ó etɛɛrɨ e sa yiyɛh ndwe e l'efuʼla e tɨ. Mʉr lé ejoʼo dweh modibe e, mɛm ódwe nye ma edwɛna. Modibe maa, mé ó maa lé egʉ, duho é l'eno e tiʼ ɨ.

Ebrœ̂ 13:8

Mpʉ Yesʉs-Krɨst a be kʉʼ ɨ, mpʉ yaa nteme ó nye ndɨ muh. Nye ódi nteme ó no, njʉmdia e njʉmdia.

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

1 Timotɛ 3:16

Yé ejala ó, buʼo yina, yaa ndɨ é lwib odim ɨ, yé é laŋle bwaʼ. Yé ó: «Nye a ze nyin é si nwaʼ ó e nyʉl bɨpuno. Mbɨambɨa Sisim ze lɛʼle bɨna ga nya, bɨna gʉŋa ga ó, nye abe e mobe. Beengles, bé a si siŋle nye. Bʉr o bɨkul bɨfih, bé a si joʼo lɔɔ lé etiibe e nye e. Bʉr o si nwa, bé a si jyɛʼ taa buʼo yɔɔ boo nye. Nye a si to é jobo kʉ, é fum nye a dweŋɔ kum ɨ.»

Yʉanes 16:28

Me a si kʉ duho nye ye, ze pyal kaʼ é si nwa. Me óbula mʉa, liʼe si nwa, bere nko Sɔŋ wam ndɨ ɨ.»

Mɨngwiha 1:17

É jɔʼ me a bee nye e, me ze bɨʼ mpom wam si é mih me, me mu mpʉ muu, mpur é sehe. Nye ntɔʼ kɛl mbo ejʉm we é nyʉl wam. Nye e me ó: «Ajoʼo bʉa. Me ó ndɨ mʉr efoʼ ndwe e mʉr epihe.

Yʉanes 20:28

Tomas ze lɛɛ e nye ó: «Go ó Tî wam ndwe e Zyɛm wam!»

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

Ebrœ̂ 7:3

Yé abe e mʉr ndɨ egʉa sɔŋ nkʉ nyɔŋ mo Mɛlkisedɛk. Abe e mʉr a be e nkul eláa ntan ye. Mʉr, nye agʉa mpʉ Mɛlkisedɛk a byɛl ɨ, agʉa nteme nkʉ nye a si ka dwè. É paʼ waa, nye enwɨɨla ó e Mwan mo Zyɛm. Nye ó é dia para ye njʉmdia e njʉmdia.

Mɨngwiha 3:14

«Tila kalara. Go à cen engles lé edwiile mbɛr Zyɛm ndɨ ɨ Laodisea ɛ. Lɛŋɨ nye ó: Waa ndɨ e die ó, Amɛn ɨ, nye nteme ó ndɨ mpaŋ mboʼla, le mʉr ebuʼla. Nye ó waa Zyɛm a cye kʉ e si é zi we e. Nye elɛɛ e go ó:

Éfɛsɔs 3:9

Nye a dwe me syɛɛ nteme ó, me pɛʼla lwib odim nye a bɛa fol ɨ, pyɛl ye é myɛn. Molu pihe, Zyɛm, waa a cye bɨsa bibyɛh ɛ, a be ó si taare fol jwɨʼ ye yaa.

Mɨngwiha 1:2

Me ó mboʼla é nko paʼ bɨsa bibyɛh me a bee e. Me eboʼlo ó, tiibe e mɨlɔb mo Zyɛm ndwe e sa Yesʉs-Krɨst lé eboʼlo é kalara nwaʼ ɛ.

1 Yʉanes 5:7

To kœb ó, bɨsa lé eboʼlo ocyecye, tiibe e Mwan mo Zyɛm ɨ, byé ó bɨlɛl:

Rôm 9:5

Bɛɛ ó ndɨ mpoŋbʉr mo Abraham, e Ɨzak ndwe e Yakɔb. Krɨst nye mʉr tɨʼ a byɛl mʉr ó, é kul bʉr yina nɨ. Nye ó ndɨ Zyɛm, njwɨɨ sa yiyɛh. Kum diʼe e nye njʉmdia e njʉmdia! Amɛn.

Yʉanes 1:18

Abe e mʉr ngwar ndɨ si pa bee Zyɛm Sɔŋ. Etiʼe e Mwan e kpɛl le, lé ome, waa ndɨ nteme Zyɛm ɨ, ó b'a lɛʼle bɨna ga Zyɛm.

Mɨngwiha 2:8

«Tila nteme engles lé edwiile mbɛr Zyɛm ndɨ ɨ Smirna ɛ. Lɛŋɨ nye ó: Waa ndɨ mʉr efoʼ ndwe e waa epihe, waa a dwè, ntɔʼ bula pàh ɛ, nye elɛɛ e bɨn ó:

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

Mɨngwiha 1:11

Nye e me ó: «Sa go lé ebee e, tila ye é kalara. Go à pile nye, cen mɨmbɛr mɨ Zyɛm tambɛl ndɨ ɨ Efɛɛz, ɨ Smirna, ɨ Pɛrgamos, ɨ Tiatir, ɨ Sardɛs, ɨ Filadɛlfi, ndwe ɨ Laodisea ɛ.»

Lʉkas 24:53

No ó bé a be-be é jɔʼ yiyɛh ó, é jahla bii mo Zyɛm, lé edwe Zyɛm kum.

Yʉanes 8:58

Yesʉs, nye e be ó: «Me elɛɛ bɨn cyecye ó nɛɛ: Abraham l'apa be, Me-ó-tɨ.»

Kolosi 1:15

Yesʉs-Krɨst ó ndɨ gulo mo Zyɛm Sɔŋ, mʉr ndɨ abe lé ebeɔ ɛ. Zyɛm a si cyel Mwan we é nkʉŋ efoʼ ndɨ é bul bwaʼ ɛ. Nye ó é cye yaa, é mɨcyea bɨsa bibyɛh kʉ,