Títos 3:4 - Kálara Zyɛ̌m Edwán é mpʉ̌n

⁴ É jɔʼ yaa ó Zyɛm, Tiʼbʉr ga wina a ka lɛʼle bɨna ncwɨncwɨa we e.

Kálar Nzyɛ̌m : Ejwán é Sáá

⁴ Jɔʼ yaá ó Nzyɛ̌m, Tiʼbʉr gá wɨ́ná á ka lɛ̂ʼle mɨná mpam nyé yɨ́.

Títos 3:4 ပူးပေါင်းရင်းမြစ်များ

1 Timotɛ 4:10

Zyɛm wina ndɨ kublakubla ɛ, a si kʉ gba bɨna mbɛla é mɨleme. Nye ó waa ndɨ Tiʼbʉr é l'efu e bɨkul bibyɛh, kʉ bul be baa ndɨ obuʼla ɛ. Lɔɔ waa wé ome ó lé esa ó, bɨh jaʼra e mɨtuu bɨsyɛɛ, ndwe le efwɛmla ɛ.

Ebrœ̂ 9:26

Nkʉ Krɨst a be ó be, be lé edwe Zyɛm nyʉl we zɔʼ e zɔʼ tɔɔ motwina nɛʼɛ, mpa nye a be ó si bee tuu zɔʼ e zɔʼ, duho é l'etɛɛrɨ e si nwaʼ ɛ. To kœb ó, nye a kʉ ka nyin é si nwaʼ ó njɨ é jɔʼ gwar e gwar é kpɔŋ. Yé a be ó é jɔʼ esie e mbi jɔʼ yi, lé a pyal bɨna ga ɛ. Nye ze kɛha nyʉl we, lé epɛʼ bʉr bɨbaa Zyɛm a niʼe be é lɔb mɨsyem myɔɔ é jɔʼ gwar é bɨjɔʼ bibyɛh.

Rôm 2:4

Zyɛm nyɛɛ yɛɛ si lɛʼle go ncwɨncwɨa we laŋle. Nye nteme a si bee mɨsyem myo, alwib. Nye a si bul dihbe le. Zê go mu ó lé epyeh bɨsyɛɛla bye byaa ɛ? Zê go agʉa bim embɨa nye a sa go e? Embɨa le, lé ejala le elɛʼle leme go zi egwɨma mobebe mo, le edwir leme.

Títos 1:3

Nye a ka lomlo mpaŋla tiʼ molu mo mpoʼ mɨmɛh waa ó, é jɔʼ nye a jala le egʉŋɔ é kpɛhla ɛ. Zyɛm, Tiʼbʉr ga wina, a gwih bʉr lɔɔ we ó, cwɨɨ é zi wam. Nye a ntɨh me wa ó, me baʼla we.

2 Timotɛ 1:10

Ncwɨncwɨa waa a ka nyin é kpɛŋlɛm ó, é l'epyal mo Yesʉs-Krɨst, Tiʼbʉr ga wina. Nyi gbah efie. Nyi lɛʼle bɨna é zi Mbɨambɨa Lɔɔ nteme ó, bɨna bé ebi tiʼ molu mo mpoʼ mɨmɛh é zyɛŋa wina boo Krɨst.

1 Timotɛ 2:3

Zyɛm, Tiʼbʉr ga wina, nye ebee syɛɛla yaa mbɨmbɨa.

1 Timotɛ 1:1

Mɛm Pol lʉmlʉ mo Yesʉs-Krɨst, ó lé etile go kalara nwa. Zyɛm, Tiʼbʉr ga wina, bé e Yesʉs-Krɨst, waa lé egba bɨna ga mbɛla é mɨleme e, bé ó b'a nʉa tiʼa ó, me diʼe lʉmlʉ.

Lʉkas 1:47

Leme wam, wé ó lwɨŋla e bɨsʉhʉ, ebe Zyɛm, Tiʼbʉr wam,

1 Pyɛr 2:3

ebe, «Bɨn mu ó lé egʉa Da, gʉa nteme ó, nye é mbɨa.»