Títos 3:3 - Kálara Zyɛ̌m Edwán é mpʉ̌n

³ Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.

Kálar Nzyɛ̌m : Ejwán é Sáá

³ Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Títos 3:3 ပူးပေါင်းရင်းမြစ်များ

Kolosi 1:21

Molu pihe, bɨn bé a be ó é ncɛra e Zyɛm. Taare é mɨleme min, kumo e bɨsyɛɛla bɨ ebebe bɨn bé a sa-sa ɛ, bɨn bé a be ó njɨ bʉr o dɔm mo Zyɛm.

Rôm 6:17

Bɨna dweʼ ga Zyɛm ekiba! Bɨn bé a taare be ó mpʉ molʉa, lé esa mɨsyem. No ó, bɨn mu é bananaʼ ó, si sa mojoʼo e mɨleme min mimyɛh, lé edu mbi sikʉlʉ mu lé ebaʼle bɨn ɨ.

Kolosi 3:7

Molu pihe, é jɔʼ bɨn bé a kœʼ bebebebe ebò e cyen lɨn ɨ, lé a be nteme ó no.

Rôm 6:22

Banana, Zyɛm, nyi sa ó, bɨn diʼe é dia otî é nko paʼ Syem. Bɨn mu ó é dia osyɛl o mosa mo Zyɛm. Mpumo lé ecyèl é bɨtiʼ bin ɨ, nye ó ndɨ ebò e cyen ndɨ ti é mih mo Zyɛm ɨ. Ndumlo tɨ, wé ó tiʼ molu mo mpoʼ mɨmɛh.

1 Pyɛr 1:14

Mpʉ bɨn lé ebɛa sa-sa Zyɛm mojoʼo e, adu ga bɨbebebebe bɨgwɨma bɨn bé a taare be-be e bye é jɔʼ bɨn bé a be, agʉa Zyɛm ɨ.

2 Korɛnt 12:20

ebe, me ekpɛɛ ó, me amu be, abâʼle bɔma e bɨn lé epyal lam mpʉ me lé egwɨm ɨ. Bɨn bé amu kœb me, abe mpʉ bɨn lé egwɨm ɨ. Yé amu be nteme ó, me kœbɨ bɨn lé esa mpɔʼa monkɔm, zii, mompime, zyee lé efuo bɨdia, movoʼ, mpuʼ, nkɛa nyʉl, le bɨntʉ.

Yʉanes 8:34

Yesʉs, nye e be ó: «Me elɛɛ bɨn cyecye ó nɛɛ: mʉr nyiwɛh lé esa syem ɨ, nye ó elʉa mo Syem.

Mataos 21:29

Nyɛɛ ze bɨha e sɔŋ ó: “Mé ato.” Pie tɨ, nye ze gwɨma ebɨh le, ntɔʼ to, to sea é peme yaa.

Jacques 1:26

ǃƗ mʉr si kʉ lɛɛ ó, nye ó é l'esama e bʉr o ndɨ egʉa du mɨlɔb mo Zyɛm nɛʼɛ, nye mɛrɨ nʉm we lé elwib sa ebebe. ǃNye baamɛr nʉm we no nɛʼɛ, nye egomlo nye mʉr tɨʼ é bebebebe zi. Buʼo mo mʉr waa, yé ó mbɛh e mbɛh.

Galásia 6:3

Ebe, yé be ó, nuu mʉr, nye enʉa nye mʉr tɨʼ mpʉ mʉr nɨnɨ, nye l'abe nye nɛʼɛ, lɛɛ ó, mʉr waa, nyi gʉmla é bebebebe zi, ntɔʼ dim.

Lʉkas 21:8

No ó Yesʉs a lɛɛ ó: «Diʼe ga ncye! Abir ga ó, mʉr gomla bɨn é bebebebe zi. Buobuo bʉr, bé óze e die lam, lé elɛɛ-lɛɛ ó: “Mɛm ó di Lœma mulo mo Zyɛm!” Bé ólɛɛ nteme ó: “Jɔʼ nɨ, yé mu ó kunokuno le epyal!” Sa gwar, mʉr adu ga be.

Mɨngwiha 18:2

Nye a si lwib lé eyɨm twii ó: «Babilɔn, nkana nɨnɨ, yi duma ɔɔ! Yé mu ó gumo moleme lé edi yi ɔɔ, gumo bɨbɨbla mɨsisim ndɨ edi yi ɔɔ, yaa ndɨ é l'efu e bɨnɔn ndɨ é lwaʼbe, byaa bé lé ebul nwim bi ɔɔ!

Mɨngwiha 13:14

ebe, nye a si dweŋɔ nkul esa bɨdweʼle bɨ nkul we no é mih mo tir monyan efoʼ waa. Nye egomlo odil o si nwaʼ bɨbɛh é bebebebe zi é lɔb esa be mosima. Nye elɛɛ e be ó, bé kpaʼa dweʼle yé ónwɨɨla e tir monyan efoʼ, waa a pa kparɔ e fòŋ, nyɛɛ l'adwè e.

Rôm 6:6

Bɨna bé egʉa ga ó, é jɔʼ Yesʉs-Krɨst a cyèlɔ é klos ɨ, Zyɛm a si bomlo mɨnjʉ̌m motum ga mɨna tɨʼ nteme é l'efu ó, nye dwihɨ bɨna ga nyʉl ndɨ eyɨm bɨna ó, bɨna saʼ ga mɨsyem ɨ, ndwe nteme, bɨna l'ayi ka bâʼle di ga molʉa, lé esil lé esa mɨsyem mimyɛh bɨgwɨma ga bina ndɨ eyɨm bɨna ó, bɨna saʼ ɛ,

Rôm 6:12

É mpʉ yé ndɨ no e, daʼ mɛʼle ga ó, Syem, wé bâʼla mɛr bɨn, dil bɨn é dia olʉa. Wé l'ayi jwɨ̀ʼ bɨn é nko paʼ nyʉl ndɨ edwè e. Daʼ bir ga ó, Syem, wé ntaŋa bɨn é nkul, ó bɨn saʼ we mojoʼo, nkʉ du bɨgwɨma bye.

Rôm 11:30

Bɨn, bʉr o ndɨ abe oYʉden ɨ, bɨn bé a si sa Zyɛm ebɨh é molu pihe. Banana, mpʉ oYʉden bɛɛ mu si sa nye ebɨh ɨ, Zyɛm, nyi ka ze jwɨʼ bɨn nkoo.

2 Timotɛ 3:6

Bʉr o sama yɔɔ, bé óni é mɨmbɛr mɨ bʉr myoonkan é myaaa, lé esaa ekwab bʉba ndɨ luʼo pɨʼ ɨ, le edilɔ be molʉa mɔɔ. Bʉba baa, bé a si sa syem é buobuo, bé ntɔʼ liʼ e bɨjyɛʼ é nyʉl é luu-lu-luu. Bé óbe ó molʉa, bɨgwɨma byɔɔ lé ejwɨʼ be mɨmbi mimyɛh.

2 Timotɛ 3:13

Bɨbɨbla bɨ bʉr, ndwe e baanya-bɨkʉʉŋʉ bɛɛ, bé óto le elɨŋa é buʼo ó, to-to ó toʼ. Bé óto dolo lé egomlo bʉr é bebebebe zi. Bʉʉ bʉr, bé óto gomlo be é mɔɔ mozi mo ebebe.

Títos 1:16

Bé ekʉ boʼlo ó, bé egʉa Zyɛm. Sa gwar, bɨsyɛɛla byɔɔ, byɛɛ yɛɛ lé ekʉ lɛʼle ó, bé dina ó lé ekʉ lɛʼle ó, bé agʉa nye. Bʉr baa, bé é lwaʼbe. Bé ó baajoʼo-motɨɨ. É bɨsyɛɛla bɨ ncwɨncwɨa bibyɛh mʉr ndɨ bɛm sa ɛ, abe e syɛɛla gwar bé ndɨ e nkul ekoʼo e.

Títos 2:12

Ncwɨncwɨa waa ó ndɨ edib bɨna ga zi egwɨma ebɨh é nko paʼ mo Zyɛm ndwe le ebene bɨgwɨma bɨ nyʉl bɨpuno, é l'efu le ekœʼ ebò e cyen lé ódwe bʉr mɨmpaŋ mɨpɛhla ɛ. Ebò e cyen laa, lé ó cɨcyel, le yaa ndɨ edu mpʉ Zyɛm lé ekpɛl ɨ, dam be é mbi jɔʼ yi.