Títos 3:2 - Kálara Zyɛ̌m Edwán é mpʉ̌n

² Bé beʼ l'afœʼ nuu mʉr. Bé l'ayi sa bɨtom. Bé diʼe é tala njwɨr. Bé tala njwɨr e bʉr bɨbɛh.

Kálar Nzyɛ̌m : Ejwán é Sáá

² Bé sá asâ nyʉ́ʉ́ mʉ̂r mesyɛ́ɛla. Bé ayɨ́ di báányâ-bitɔm. Bé díʼee e lémé mpâm, ɨ́ tyɛ̌ʼ njwɨr ɨ́ nkǒ páʼ bʉ̂r bɨ́bɛ̂h.

Títos 3:2 ပူးပေါင်းရင်းမြစ်များ

Éfɛsɔs 4:31

Pɛʼɛ ga edwie e leme e l'empime é mɨleme min. Adi ga okpɔɔ, e bʉr o montɛɛ ndwe e baanya-movoʼ. Pɛʼɛ ga mobebe mɨmɛh.

Éfɛsɔs 4:2

Filɨ ga monyʉl si paʼra win. Diʼe ga bʉr o ndɨ é tala njwɨr ɨ, le bʉr o bihbe. Dihba ga paʼra win e leme ncwɨncwɨa.

1 Timotɛ 3:3

abe nunwoʼ, nkʉ mʉr ndɨ é feha ɛ. Nye ejala le ebe ó é tala njwɨr. Nye abe mʉr bɨtom. Nye alaʼ lʉ é kpɛl mɔn.

1 Pyɛr 3:10

Ebe, yé ó tila ó: «Mʉr nyiwɛh lé egwɨm tiʼe mbɨmbɨa ndwe le ebee molu mo embɨa ɛ, nye beʼ l'alɛɛ sa ndɨ é bebe e. Nye gwaʼa bɨlwib bɨkʉʉŋʉ.

1 Pyɛr 3:8

Sa epihe, yé ó nɛɛ: diʼe ga e mbi pɛhla ngwar. Joʼa ga njwɨʼa-nkoo ngwar. Kpɛla ga paʼra win kpɛl obuʼla. Lɛʼla ga kpɛl ndɨ eduho é leme tʉŋlʉ ɨ. Filɨ ga monyʉl si paʼra win.

Jacques 4:11

Obɨɔ ga bam aa! Mʉr asa ga movoʼ paʼra win. Waa nyiwɛh lé efœʼ mɨɔ we, nkʉ dwe nye mobe e, nye mu ó mpʉ sa lɛɛ, nyi bee etie mo Zyɛm e bɨgwɨh. Mbi mʉr waa, nye aka be lé edu motie me. Nye mu lé ejwɨʼ ó, nye ó mbɨra kʉ, motie mɛɛ lé eliʼ si.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

Mataos 11:29

Niʼe ga é jwɨ̀ʼa yam. Bɨn bé à joʼlo motɨɨ mam, ebe, me é tala njwɨr e nyʉl fila si. Bɨn nkʉʼ bi egbala é mɨsisim min,

1 Pyɛr 2:1

Ebe no, myaha ga bɨsyɛɛla biʼ bibyɛh: bɨn, e bɨlwib bɨkʉʉŋʉ, e bɨlwib bɨba bɨba, e zii ndwe e mɨmbi movoʼ mimyɛh.

Jacques 3:17

Mpaŋ ocyoo lé eduho boo Zyɛm ɨ, wé ó é pememe. Mʉr ndɨ e l'ocyoo waa ɛ, nye esa ó, bʉr diʼe é motala. Nye ó é tala njwɨr, lé ekpahbe joʼo bʉʉ bʉr. Nye ejwɨʼ bʉr nkoo ndwe le ecwɨa e be. Nye abe lé eto mʉr é nkɔm ebe nduula bé e nɔɔ ndɨ e we e. Njwɨʼa-nkoo ye, yé eduho nye é mo si.

Galásia 6:10

Ebe no, ǃbɨna si bi ga epʉla tɨʼ nɛʼɛ, bɨna gbaʼ ga monyʉl ó, bɨna cwɨa ga e bʉr bɨbɛh. Sa gwar, kʉ bul cwɨa ga e bʉr o Mbɛr-Zyɛm ga wina, ndɨ bʉr o buʼo gwar ɨ.

Galásia 6:1

Obɨɔ ga bam aa! ǃBɨn si bee ó, mʉr fih mʉr kɛ̀l, nyi sa syem nɛʼɛ, bɨn bʉr o ndɨ e Mbɨambɨa Sisim é mɨleme lwɨŋla ɛ, gulɨ ga nye ó, nye duha é mpila mɨsyem waa. Nʉŋa ga nye é motala. Mʉr nyiwɛh é l'esama lɨn, nye dwɛʼa nteme mpʉ nye mʉr tɨʼ ndɨ ɨ, ebe, nye nteme amu duma é mobʉbla.

1 Timotɛ 3:11

Bʉba bɔɔ nteme, bé ejala le ebe ó e modile, abe lé efœʼ bʉr. Bé ajala le efwaʼ monwoʼ. Bé ejala le ebe ó bʉr be ebuʼla é mɨpaʼ mimyɛh.

1 Tesalonika 2:7

Bɨh bé a be yɛɛ ó, bɛm lɛʼle bɨn jwɨɨ yih, ebe, bɨh bé ó mɨlʉmlʉ mo Krɨst. To kœb ó, bɨh bé a nʉa bɨn ó, e mɨnjwɨr é cyɛʼ cyɛʼ, mpʉ abyɛɛ lé epoblo bwan be e.

Filipi 4:5

Me ekpɛl ó, bɨn lɛʼla bʉr bɨbɛh mpʉ bɨn ndɨ é tala njwɨr ɨ. Da Yesʉs, nye mu ó kunokuno le ebula.

1 Korɛnt 9:19

Me dam be mʉr ndɨ é dia otî ɨ, me a si bana dwir me mʉr tɨʼ elʉa é nko paʼ mo mʉr nyiwɛh, ó me gʉa sea e nye. Yé eduho é gwɨma ó, me dula bʉr é buobuo.

2 Korɛnt 12:20

ebe, me ekpɛɛ ó, me amu be, abâʼle bɔma e bɨn lé epyal lam mpʉ me lé egwɨm ɨ. Bɨn bé amu kœb me, abe mpʉ bɨn lé egwɨm ɨ. Yé amu be nteme ó, me kœbɨ bɨn lé esa mpɔʼa monkɔm, zii, mompime, zyee lé efuo bɨdia, movoʼ, mpuʼ, nkɛa nyʉl, le bɨntʉ.

2 Korɛnt 10:1

No ó, me mʉr tɨ, Pol, me ejwɨʼla e bɨn é zyɛŋa wih boo Krɨst, a fil nyʉl we si ɨ, le mʉr ndɨ é tala njwɨr ɨ—Mɛm, mʉr bɨn lé elɛɛ ó: «Nye efil nyʉl we si é jɔʼ bɨna ga e boo nɔɔ ndɨ gumo gwar ɨ», waa bɨn lé elɛɛ nteme ó: «Nye é bul sa yɛɛ monyan e bɨna ga é jɔʼ bɨna ga e boo nɔɔ mu é ncɛra» ɛ.

Mɨlʉmlʉ 23:5

No ó Pol a bɨha e be ó: «Obɨɔ ga bam aa! Me baagʉa ó, yé ó njwɨɨ opara. Nkʉ me be ó be, gʉa ó, nye ó njwɨɨ opara nɛʼɛ, mpa me baalwib no, ebe, yé ó tila é Kalara Zyɛm ó: “Alwib e tamamʉr lal go nʉm ebebe.”»

Yʉ̂d 1:10

To kœb ó, bʉr onɨ, bé elwɨɨ-lwɨɨ ó, sa yiyɛh bé ndɨ ejeʼe e. Yaa bé lé egʉa ɛ, yé ó lé ebula dimle be! Bé ó kʉ be mpʉ otir, sa ndɨ apahle sɔʼɔ ɛ!

Yʉ̂d 1:8

É mbi ngwar e ngwar waa, bʉr onɨ, bé elɛɛ ó, sa lé edwe mɨnkar myɔɔ molele e, yé ó bɨlima bé lé ejɨm ɨ! Bé elœʼ monyʉl mɔɔ, le epyeh bʉr o ndɨ e jwɨɨ ɨ. Bé efœʼ nteme beengles ndɨ e kum ɨ.

2 Pyɛr 2:10

Nye ókʉ bul kab bɨntɨʼa ó, dwe bʉr o ndɨ edu bɨgwɨma bɨ nyʉl bɨpuno wɔɔ ɛ, bɛɛ nteme lé epyeh mojwɨ̀ʼa mo si le maa mo kʉ. Mɨmpʉmpʉl mɨ oyeʼle me lé etaŋle bɨn lɔb wɔɔ ɛ, myé ajoʼo bʉa dam be é jɔʼ bé lwɨɨ beengles ndɨ é lal bɨna ndɨ egumlo e.

1 Pyɛr 4:4

Bʉr o ndɨ abuʼla onɨ, bé mu ó lé ekʉ jehe lé ebee ó, bɨn e boo nɔɔ, bé aka lɔʼba lé enyʉl monwoʼ, le edaʼre fwon é monyʉl mpʉ bɨn e boo nɔɔ, bé a sa-sa ɛ. Bé mu ó lé elwɨɨ bɨn tɨ.

1 Korɛnt 6:10

mɨndiblʉ, bʉr o ndɨ ecen mih é bɨsa byoonkan ɨ, mɨfufwɔʼ monwoʼ, bʉr o ndɨ efœʼ bʉʉ bʉr ɨ, ndwe e baa ndɨ edɛn bɨmɔn byoonkan ɨ... bim bʉr baa bɨbɛh, bé aŋa dweŋɔ ba dia é jwɨ̀ʼa mo Zyɛm.