Títos 1:9 - Kálara Zyɛ̌m Edwán é mpʉ̌n

⁹ Yé ejala ó, nye mɛrɨ sikʉlʉ bé a taare dwe nye e, é kpɨɨɨa. Lɔɔ waa, wé ó lɔɔ ebuʼla. No ó nye óbe e nkul egʉa dwe bʉʉ bʉr mpaŋ sikʉlʉ bɨna lé ejwɨʼ ga ɛ. Bʉr o ndɨ etɨ mɨlɛa ga mina ɛ, nye óbula dwe be mobe.

Kálar Nzyɛ̌m : Ejwán é Sáá

⁹ Nye díʼee lará e lɔ́ɔ́ búʼó yɨ́ná, waá bé dí eboó lɛ̂ʼle wɨ́. Nó ó nyé óbe e nkul egwá tɨ́e bʉ́ʉ́ bʉ̂r yɨ́. Lɛ́ʼlá mpâ mɨ́ná dí edwe gá wɨ́, wé ólɛ̂ʼle bʉ̂r o dí epére mékǎn e mɨná bá bigwǐh byɔ́ɔ́.

Títos 1:9 ပူးပေါင်းရင်းမြစ်များ

2 Tesalonika 2:15

Ebe no, obɨɔ ga bam aa! Cyɛba ga é nkʉʼʉ. Duʼo ga mɨnjwɨr bɨh bé a ntɛŋ bɨn ɨ, dam be é zi lwib, nkʉ é zi kalara bɨh bé a tile e.

2 Timotɛ 1:13

Gʉa baʼle mpaŋ sikʉlʉ go a joʼo me lé edwe e. Yé diʼe go dweʼle, sa go óto le entɛŋ bʉʉ bʉr ɨ. Dɨʼe yeʼle é mbi waa, e buʼo, ndwe e kpɛl, mpʉ bɨna lé ebi ga bye é zyɛŋa wina boo Yesʉs-Krɨst ɨ.

1 Timotɛ 6:3

Tî ga wina Yesʉs-Krɨst a si kʉ dwe bɨna ga mpaŋ sikʉlʉ lé eyeʼle bɨna ga mpʉ mʉr jala le edwaabe Zyɛm ɨ. Yé be ó, mʉr fih mʉr kɛ̀l, nye amɛʼle sikʉlʉ nɨ, nkʉ du ye, bula to dwe bʉr bɨsikʉlʉ bɨfih nɛʼɛ, lɛɛ ó, nye mu ó lé enkɛɛ nyʉl.

1 Timotɛ 1:10

osyɛl o bɨmala ndwe e mɨfyɛba, bʉrʉm ndɨ etɛbla paʼra wɔɔ ɛ, bʉr o ndɨ ecen bʉʉ bʉr é l'okomo e, mɨmpʉmpʉl ndwe e baa lé ebuʼo bʉʉ bʉr mɨlɔb ɨ. Zyɛm a tiile mʉʉ motie nteme ó, lé ekamle bʉr lé esa bɨsyɛɛla bibyɛh ndɨ ajala e mpaŋ sikʉlʉ bɨna lé ejwɨʼ ga ɛ.

Mɨngwiha 3:3

Ebe no, toŋla ga sikʉlʉ bɨn bé a joʼo é molu pihe e. Toŋla ga nteme mpʉ bɨn bé a taare nʉa ye e. Gwɨma ga mobebe mɨn. Bɨn bé à dwir mɨleme. ǃBɨn si bene di nkehe nɛʼɛ, gʉŋa ga ó, me ópyal bɨn mpʉ ndiblʉ, bɨn l'abuʼla. Bɨn bé aŋa gʉa ewala me óze e.

1 Timotɛ 1:15

Lɔɔ wi, wé ó lɔɔ ebuʼla, waa bʉr bɨbɛh lé ejala le emɛʼle e: Yesʉs-Krɨst a ze kaʼ é si nwaʼ ó, nye ntaʼ, ze dwe osyɛl o mɨsyem tiʼ molu mo mpoʼ mɨmɛh. No ó, é sama osyɛl o mɨsyem yaa, mɛm ó b'a be si sahle!

Títos 2:1

Gwɔɔ, dɨʼe dwe bʉr sikʉlʉ é sa yiyɛh lé ejala e mpaŋ sikʉlʉ bɨna lé ejwɨʼ ga ɛ.

Títos 1:11

Yé ekʉ jala ó, go dibla be mɨnʉm. Bé egomlo mɨmbɛr mɨ bʉr é bebebebe zi, ndwe le eyeʼle sa ndɨ ajala ɛ. Bé esa no ó, é l'efu ó, bé biʼe myɛna ndɨ ambɨa ɛ, é zi sikʉlʉ yaa. Yé é bul sa yɛɛ fwon lé ebi myɛna no!

2 Timotɛ 4:3

Ebe, jɔʼ, yé eze, é jɔʼ bʉr, bé ópyeh mpaŋ sikʉlʉ bɨna lé ejwɨʼ ga ɛ. Bé ókʉ joʼo-joʼo ó, njɨ bɨsikʉlʉ lé etine be ó, bé toʼ le edu bɨgwɨma bɨ nyʉl bɨpuno wɔɔ. Bé ósyɛŋ esama le oyeʼle, lé ódɨ dwe be njɨ bɨsikʉlʉ byaa ɛ, bé nkʉʼ gʉa soho lé ejoʼo mye.

1 Tesalonika 5:21

Timla ga bɨsa bibyɛh. Sa ndɨ é mbɨa ɛ, mɛrɨ ga ye é kpɨɨɨ.

Mɨngwiha 3:11

Me mu ó kunokuno le eze. Mɛrɨ ga sa bɨn ndɨ e ye e, é kpɨɨɨ, ebe, nuu mʉr amu jaa kpah mopʉʼlʉ bɨn lé ejala le ebwar ɨ.”

Mɨngwiha 2:25

Sa ndɨ tɨʼ yé ó, baʼla ga sa bɨn ndɨ e ye e, to pyal é dobo me óbula ze e.

Yʉ̂d 1:3

Obɨɔ o kpɛl bam aa! Me a taare bee ó, sa ndɨ ekʉ jala ɛ, yé a be ó, me tila bɨn é lɔb tiʼ molu mo mpoʼ mɨmɛh, e mpʉ bɨna bé a bi ga tiʼ yaa mbi ngwar ɨ. No ó, me a ze bee ó, me ófuo ka tile bɨn ó, bɨn lwimla dɔm. Dɔm laa, lé ó, bɨna kamla ga e buʼo ga yina, yé diʼe mpʉ Zyɛm a bɛa ntɨh mɨsaŋ mɨ bʉr be ya ɛ.

2 Timotɛ 2:25

Yé ejala ó, nye gʉa tɨe bʉr o ndɨ edo e nye e, e njwɨr é tala tala. ǃNye si sa no nɛʼɛ, Zyɛm óbɛm cyɛb be é mɨleme, ó bé gwɨma mobebe mɔɔ, le edwir mɨleme. Bé ògʉa ocyecye é jɔʼ yaa.

2 Timotɛ 2:2

Sikʉlʉ yiyɛh go a joʼo me lé edwe, yaa buobuo oboʼla bé a joʼo e, pɛhɛ bʉr be ebuʼla. Go à dwe be ya. Bɛɛ bé ófuʼla to le edwe bʉʉ bʉr sikʉlʉ gwar yaa.

1 Timotɛ 4:9

Lɔɔ wi, wé ó lɔɔ ebuʼla, le waa bʉr bɨbɛh ndɨ ejala le enʉa, gba é nkɔb ɨ. Wé ó:

1 Timotɛ 1:19

Go óbaʼle buʼo yo e mɨpɛhla mɨ leme ndɨ é pyɛɛɛ ɛ. Bʉʉ bʉr, bé a si tine buʼo yina, buʼo yɔɔ yaa ntɔʼ lɨra, mpʉ titima lé edɨ é modibe, dim ɨ.

Mɨlʉmlʉ 18:28

ebe, é jɔʼ nye a pyal ɨ, bé e l'oYʉden, bé a si do é po, nyɛɛ lé entaa be. Nye a si lɛʼle bʉr, duho é Kalara Zyɛm ó, Lœma mulo mo Zyɛm ó ndɨ Yesʉs.

1 Korɛnt 14:24

To kœb ó, ǃbɨn bɨbɛh si be lé egwih-gwih mɨlɔb mo Zyɛm nɛʼɛ, bʉr o ndɨ abuʼla ɛ, nkʉ mɨnjeʼe-Zyɛm, si ni wa, bé ójoʼo bɨn lé egwih mɨlɔb myɔɔ mimyɛh é kpɛŋlɛm. Bé òmɛʼle ó, bé ó osyɛl o mɨsyem. Bɨn bé ólwib mɨlɔb myɔɔ.

2 Timotɛ 3:14

No ó, sa go a jwɨʼ, gʉa nteme ó, yé ó tɨʼ ɨ, yé diʼe go mboʼla é leme. Anyamle jɨha mɨmbi mɨ bʉr o b'a dwe go sikʉlʉ yaa ɛ!