Títos 1:3 - Kálara Zyɛ̌m Edwán é mpʉ̌n

³ Nye a ka lomlo mpaŋla tiʼ molu mo mpoʼ mɨmɛh waa ó, é jɔʼ nye a jala le egʉŋɔ é kpɛhla ɛ. Zyɛm, Tiʼbʉr ga wina, a gwih bʉr lɔɔ we ó, cwɨɨ é zi wam. Nye a ntɨh me wa ó, me baʼla we.

Kálar Nzyɛ̌m : Ejwán é Sáá

³ Nye á ka túno lɔ̌b twiʼ yaá ó, ɨ́ jɔʼ yé á jala le egwíhɔɔ yɨ́. Nzyɛ̌m, Tiʼbʉr gá wɨ́ná á gwîh bʉr lwǐb yé ó, ɨ́ nzɨ̌ nyǎm. Nye á tíʼe ɨ́ léme ó, nyě tyél ó me ɨ́ dǐ lɛ́a lɔ́ɔ wé. Nye á tímle syɛ́ɛ́ yaá ó me.

Títos 1:3 ပူးပေါင်းရင်းမြစ်များ

1 Timotɛ 1:11

Sikʉlʉ yaa, yé ó yaa lé eduho é Mbɨambɨa Lɔɔ ndɨ e kum ɨ. Zyɛm bɨna lé eseʼle e, a timle me lɔɔ waa ó, me baʼla we.

1 Timotɛ 1:1

Mɛm Pol lʉmlʉ mo Yesʉs-Krɨst, ó lé etile go kalara nwa. Zyɛm, Tiʼbʉr ga wina, bé e Yesʉs-Krɨst, waa lé egba bɨna ga mbɛla é mɨleme e, bé ó b'a nʉa tiʼa ó, me diʼe lʉmlʉ.

Títos 2:10

Bé ajala le ejaa mobo é nko paʼ mobi mo omasa bɔɔ. Bé ejala le elɛʼle be ó, bé ó e nkul ebuʼla be ntinɨ e ntinɨ. Ebe no ó bé ósa ó, bʉr dwaaba sikʉlʉ bɨna lé edwe be, tiibe e Zyɛm, Tiʼbʉr ga wina ɛ.

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

1 Timotɛ 4:10

Zyɛm wina ndɨ kublakubla ɛ, a si kʉ gba bɨna mbɛla é mɨleme. Nye ó waa ndɨ Tiʼbʉr é l'efu e bɨkul bibyɛh, kʉ bul be baa ndɨ obuʼla ɛ. Lɔɔ waa wé ome ó lé esa ó, bɨh jaʼra e mɨtuu bɨsyɛɛ, ndwe le efwɛmla ɛ.

1 Timotɛ 2:3

Zyɛm, Tiʼbʉr ga wina, nye ebee syɛɛla yaa mbɨmbɨa.

1 Tesalonika 2:4

Bɨh bé a lwib e bɨn ó, lé edu mpʉ Zyɛm lé ekpɛl ɨ. Nye a ntɨh bɨh Mbɨambɨa Lɔɔ we ó, bɨh lɛŋɨ bʉr wa. Bɨh bé a baasaa enyin mbɨmbɨa é mih mo bʉr, njɨ é mih mo Zyɛm, waa lé epahle mɨleme ga mina ɛ.

Kolosi 1:23

Yé be ó, bɨn bé eto dolo lé ejyɛʼ taa buʼo yin boo Zyɛm le ecyɛb é nkʉʼʉ nɛʼɛ, lɛɛ ó, mɨleme min, myé ódi é puuu. Mʉr apɨŋla ga é zi buʼo. Mʉr beʼ l'abir ó, bé saʼ ó, bɨn dehba, nkʉ jɨha Mbɨambɨa Lɔɔ wé a gba bɨn mbɛla é mɨleme e. Mbɨambɨa Lɔɔ waa, wé a ntɨhɔ ó, é si nwaʼ nyiwɛh, é nko paʼ sa yiyɛh Zyɛm a cye é si nwaʼ ɛ. Mɛm Pol a cyelɔ é syɛɛ ó, me lɛŋɨ bʉr wa.

Kolosi 1:6

Mbɨambɨa Lɔɔ, wé emyɛma é bɨn tʉŋlʉ, myɛma é si nwaʼ nyiwɛh, lé etɨe bʉr motum modwan, mpʉ wé esa é mbɛr Zyɛm win ɨ. Bɨn bé a be ó si joʼo bʉr lé elab lɔb ncwɨncwɨa mo Zyɛm, bɨn ntɔʼ gʉa jwɨʼ ocyecye ndɨ tɨʼ ɨ.

Éfɛsɔs 2:17

Krɨst a ze é si nwaʼ ó, nye ntaʼ, ze tuno bɨn, bʉr o b'a be é ncɛra e nye e, lɔɔ wi: Zyɛm, nyi gba motala paʼra ga wina boo nɔɔ. Nye a tuno lɔɔ motala ngwar e ngwar waa nteme ó, boo bɨh oYʉden, dam be mpʉ bɨh bé a be-be kunokuno e Zyɛm ɨ.

Galásia 4:4

Yé ntɔʼ ka pyal é mbɨambɨa jɔʼ Zyɛm a bɛa cyel ɨ. É jɔʼ yaa ó nye a ntɨh Mwan we, ó nye ntaʼ, ze byɛl é mo mo nuu mʉma. Mwan waa a be ó é monkara mo mɛra motie.

1 Korɛnt 9:17

Nkʉ me a be ó be, pɛh syɛɛ elɛɛ lɔɔ waa nɛʼɛ, mpa yé ó syɛɛ me lé ebono myɛna e tɨʼ ɨ. No ó, é mpʉ yé ndɨ ó, me a lomɔ ó loma, agban gbana syɛɛ yaa ɛ, me ekʉ lɛɛ lɔɔ we ó, é l'efu le eloŋlo syɛɛ me a timlɔ ɛ.

Filipi 1:13

Obɔʼlʉ o mɨmbʉʼ bɨbɛh ndɨ wâʼ é bii mo njwɨɨbʉr ɨ, bé e bʉr ofih, bé mu ó lé ebɛa gʉa ó, me ó mbʉʼ é l'efu e syɛɛ mo Krɨst me lé esea ɛ.

Rôm 16:26

yaa nye a ka gwih bɨna ga ɛ. Mpaŋla waa a bɛa be ó tila é l'okalara be ogwiha o mɨlɔb. Bʉr o bɨkul bibyɛh, bé mu ka gʉa nye ó, é mpʉ Zyɛm a bɛa lɛɛ é l'efu lɔɔ ɛ. Zyɛm ndɨ njʉmdia e njʉmdia ɛ, a cen be mpaŋla lé etiibe e mʉr waa ó, bé nkʉʼ jyɛʼ taa buʼo yɔɔ boo nye, le esa nye mojoʼo.

Rôm 15:19

Zyɛm a be ó si sa bɨdweʼle bɨ nkul we ndwe e bɨsa bɨ jehe é zi wam é nkul mo Mbɨambɨa Sisim. Me a ze sa tuno é lɔb Mbɨambɨa Lɔɔ lé etiibe e Yesʉs-Krɨst ó, bɨgumo bibyɛh, taare ɨ Yerʉsalɛm, to pyal é Iliri.

Rôm 5:6

Molu pihe, é jɔʼ bɨna bé a baapa bi nkul ɨ, Krɨst a ka ze jala e mobyaʼ ga mɨna, bɨna bʉr o b'a baadwiibɨ Zyɛm ɨ. Nye a dwè ó, é mpaŋ jɔʼ Zyɛm a bɛa pɛh ɛ.

Mɨlʉmlʉ 17:26

Taare é mʉr ngwar, nye a sa ó, bʉr bòna bɨkul bibyɛh ndɨ é si nwaʼ nyiwɛh, nye osi bɛa cyel bɨjɔʼ bé ódi tɨʼ ɨ, le egba mɨnjɨ é si nwa, lé elɛʼle bɨgumo bé ódi ɨ.

Mɨlʉmlʉ 10:36

Bɨn bé egʉa lɔɔ Zyɛm a ntɨh bwa b'Ɨzraɛl ɨ. Mbɨambɨa Lɔɔ waa, wé ó wi: Zyɛm óbula gba mʉr motala é leme ó, dumo e Yesʉs-Krɨst, ndɨ Tî bʉr bɨbɛh ɛ.

Lʉkas 1:47

Leme wam, wé ó lwɨŋla e bɨsʉhʉ, ebe Zyɛm, Tiʼbʉr wam,

Markus 16:15

No ó nye a lɛɛ e be ó: «Toʼ ga é si nwaʼ nyiwɛh, lé eto le elɛɛ mɨcyea bɨsa bibyɛh Mbɨambɨa Lɔɔ.

Markus 13:10

Sa efoʼ, yé ekʉ jala ó, Mbɨambɨa Lɔɔ taara lɛɔ é bɨkul bibyɛh.

Mɨngwiha 14:16

No ó engles a be ndindil é nkur kʉ ɨ, a ze cen pa we é si nwa, ze pɛʼ mode mé a be é peme e.

Éfɛsɔs 1:10

Jwɨʼ ye yaa, yé a ka ze gwihɔ ó, pie bɨjɔʼ byé a jala le etaare laa ɛ, byé a si sil lé elaa. Zyɛm a bɛa tiʼe é leme we ó, bɨsa ndɨ é jobo e l'ejyoo le ebantɛn ɨ, bé e byaa bɨ si nwa, bibyɛh, byé ejala le efwal ó, é jwɨ̀ʼa mo mʉr ngwar, Krɨst.

Markus 1:15

Nye a lɛɛ-lɛɛ ó: «Jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ! Gwɨma ga mobebe mɨn ɔɔ! Bɨn bé à dwir mɨleme ɔɔ! Buʼla ga Mbɨambɨa Lɔɔ ɔɔ!»

Rôm 16:25

A bwaʼ nkul Zyɛm ndɨ e nye ee! Nkul waa ó mu lé elɨl bɨn lé edu mpʉ Mbɨambɨa Lɔɔ me lé elɛɛ ɛ, ndɨ ɨ. Mpaŋla waa, nye etiibe ó e Yesʉs-Krɨst. Nye edu nteme lwib odim yé a taare be mɨfela mɨmbu é buobuo,

2 Timotɛ 4:17

Tî wam ó b'a ze me é nkɔm, ndwe le egba me nkul é nyʉl. Nye a sa no ó, nye nkʉʼ cen mpaŋla waa é zi wam, mɛm cyela mɨtuno we, lé esa ó, bʉr o bɨkul bibyɛh nkʉʼ joʼo nye. No nteme ó me a syɛbɔ é nʉm ngbampwɨɨ ɨ.