Títos 1:2 - Kálara Zyɛ̌m Edwán é mpʉ̌n

² É mbi waa ó bé ódi e mbɛla ó, bé óbi tiʼ molu mo mpoʼ mɨmɛh, yaa yé a bɛa kɛʼɔ be, kʉ e si l'apa cyeŋɔ ɛ. Zyɛm ó b'a kɛʼ be tiʼ yaa, nyɛɛ waa ndɨ abe lé elɛɛ mpʉl ɨ.

Kálar Nzyɛ̌m : Ejwán é Sáá

² Bé lɨ́ etyɛ̂b mekʉ̌ sí ɨ́ sɨ́ŋ ɨ́ lɔ̌b mpûʼla gá nyɨ́ná nyɨ̂: ó, Nzyɛ̌m ódwe mɨ́ná gá twǐʼ njʉ̌m dǐ. Nzyɛ̌m, mʉr dí alɛ́ɛ bíbɛr nyá, á kɛʼ mɨná gá twiʼ yaá ó, jɔʼ kʉ́ e sí, byé á be apǎ bě kuhá yɨ́.

Títos 1:2 ပူးပေါင်းရင်းမြစ်များ

1 Yʉanes 2:25

No ó, Zyɛm Sɔŋ nye mʉr tɨʼ a be ó si kɛʼ bɨna ga tiʼ molu mo mpoʼ mɨmɛh.

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

Yʉ̂d 1:21

Gbaʼ ga monyʉl lé edi é kpɛl mo Zyɛm. Bona ga dobo Tî ga wina Yesʉs-Krɨst óbula ze e. Nye óze ó, ze jwɨʼ bɨna ga nkoo, le eliʼle bɨn, to pyal é tiʼ molu mo mpoʼ mɨmɛh.

2 Timotɛ 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile go e. Me etile ó, é l'efu le etuno nkɛʼ tiʼ molu mo mpoʼ mɨmɛh nye a liʼe bɨna ga e wa ɛ. Bɨna bé óbi tiʼ molu mo mpoʼ mɨmɛh yaa ó, é zyɛŋa ga wina boo Yesʉs-Krɨst.

Títos 3:7

Nye a dwe bɨna tiʼ molu mo mpoʼ mɨmɛh ó, bɨna pʉʼa ga é nkar, sɔba é feerɨ ebe ncwɨncwɨa we. Bɨna ga mu ó baa nye a kɛʼ tiʼ molu mo mpoʼ mɨmɛh ɛ. Nkɛʼ waa ó lé esa ó, mɨleme ga mina, myé loŋla e mbɛla.

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

2 Timotɛ 2:15

Saŋa zi edi mbi mʉr Zyɛm ójwɨʼ é lor, ntɔʼ bee ó, wé e nyɔm ɨ. Saŋa ó, go diʼe syɛl mosa ndɨ asɔma é syɛɛ ye e. É jɔʼ go ólwib-lwib e bʉr é sa lé etiibe e l'ocyecye mo Zyɛm ɨ, duʼo ntɨn.

2 Timotɛ 2:13

ǃBɨna dam gwaʼ ga lé ebe bʉr be ebuʼla wa, nyɛɛ é we paʼ, nye ó mʉr ebuʼla.» Nye ákwoʼ kɛla ó, nye abe mʉr ebuʼlɔ.

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Títos 2:7

Kœʼœ ebò e cyen empa, lé esa mɨmpaŋ bɨsyɛɛla é buobuo. Sikʉlʉ yo, yé beʼ l'abe mbaʼra e bɨkʉʉŋʉ, ó bʉr beŋɨ go nteme e modile.

1 Tesalonika 5:8

Sa gwar, bɨna ga bé ó bʉr o moho. Bɨna bé ejala le emɛr ga mɨleme. Diʼe ga nteme e buʼo ndwe e kpɛl tɔɔ bɨnkoho bɨnkɔɔ lé ebuuro mompɨr e tɨʼ ɨ. Dɨʼe baʼle ga mbɛla é mɨleme ó, bɨn bé óbi tiʼ molu mo mpoʼ mɨmɛh. Mbɛla waa, wé diʼe tɔɔ kʉŋʉ dɔm lé ekamle e lʉ nkɔɔ ɛ.

Rôm 6:23

Myɛna mo mʉr lé esa syem ɨ, mé ó njɨ efie. To kœb ó, ndwɛa Zyɛm a dwe bʉr edwɛna ɛ, wé ó tiʼ molu mo mpoʼ mɨmɛh é zyɛŋa ga wina boo Tî ga wina Yesʉs-Krɨst.

Mataos 25:46

«Bʉr baa, bé óto é Bɨ-siʼe, to sia e ntɨʼa ndɨ njʉmdia e njʉmdia ɛ. Ocɨcyel o bʉr bɛɛ, bé óto ó, to bi tiʼ molu mo mpoʼ mɨmɛh.»

Mataos 25:34

«É jɔʼ yaa, njwɨɨbʉr, wé ólɛɛ e baa ndɨ nye é mbo ejʉm ó: “Ntaʼ ga, bʉr Sɔŋ wam a sʉ mocyɛʼ mo mpom me e. Ntaʼ, ze nʉa ga bɨdia é jwɨ̀ʼa nye a bɛa komlo bɨn, duho é l'etɛɛrɨ e si nwaʼ ɛ,

Mɨngwiha 17:8

Tir go a bee e, a bɛa ó be é jɔʼ mya. To kœb ó, nye aka be. Yi ka liʼ titia, nye ópàh, ze pʉʼa é Bɨ-siʼe. ǃNye si pʉʼa tɨʼ nɛʼɛ, nye òdwè. Zyɛm a si tile mie mo bʉr é kalara tiʼ tʉŋlʉ, duho é l'etɛɛrɨ e si nwa. No ó, bʉr o mie mɔɔ ndɨ l'anyin é kalara tiʼ waa ɛ, bé óbul jehe tir waa, ebe, bé óbee ó, nye a be ó si taare tiʼe. Nye ze dwè. Bé óbee nye nteme lé ebula pàh.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

2 Timotɛ 2:10

Ebe no ó me ndɨ edihbe mɨtuu mimyɛh ɛ. Yé ó é l'efu e bʉr o Zyɛm a pɛh ɛ, ó bé biʼe tiʼ molu mo mpoʼ mɨmɛh ndwe e kum é zyɛŋa wɔɔ boo Yesʉs-Krɨst.

1 Timotɛ 6:19

Bé ekomo-komo bé bʉr o tɨʼ ó, ekʉm empa, é l'efu e molu lé eze e. Bé esa no ó, bé nkʉʼ mɛr tiʼ é kpɨɨɨ, yaa ndɨ kʉ be mpaŋ tiʼ ɨ.

Rôm 5:21

Jwɨʼ gwar e gwar mpʉ Syem, wé a jwɨ̀ʼ bʉr, ntɔʼ jʉ be e, jwɨʼ gwar e gwar yaa nteme ó Ncwɨncwɨa mo Zyɛm mu lé ejwɨʼ bɨna ga ɛ. Nye edwe bɨna ga mokebe é mih me ó, nye nkʉʼ dwe bɨna ga tiʼ molu mo mpoʼ mɨmɛh dumo e Tî ga wina Yesʉs-Krɨst.

Mɨlʉmlʉ 15:18

waa lé ebɛa gʉa bye, taare mya ɛ.”»

Yʉanes 17:2

ebe, go a si dwe nye nkul ejwɨʼ bʉr bɨbɛh. Nye e nkul edwe bʉr o go a ntɨh nye e, tiʼ molu mo mpoʼ mɨmɛh.

Yʉanes 10:28

Me edwe bye tiʼ molu mo mpoʼ mɨmɛh. Byé ákwoʼ dim é nkɔb bʉr. Abe e mʉr ópɛʼ me bya é mobo.

Yʉanes 6:68

Simɔn Pyɛr, nye e nye ó: «Da, bɨh bé óka to boo zé fih? Go ó ndɨ e motɨɨ lé edwe bɨh tiʼ molu mo mpoʼ mɨmɛh ɛ.

Yʉanes 6:54

Mʉr nyiwɛh lé ede bɨpuno byam le ebɛble motié mam ɨ, nye ó ndɨ ebi tiʼ molu mo mpoʼ mɨmɛh. Me ópɛ̀h nye é foo é moho epihe, ntible-bɨkaŋa,

Yʉanes 5:39

Bɨn bé egba monyʉl lé ejwɨʼ Kalara Zyɛm é dwiii, bɨn lé ebee ó, tɨʼ ó bɨn bé óbi tiʼ molu mo mpoʼ mɨmɛh ɛ. To kœb ó, Kalara Zyɛm ngwar e ngwar waa ó ndɨ eboʼlo é lɔb wam!

1 Timotɛ 6:12

Bɨn e bʉr lé ejyɛʼ taa buʼo yɔɔ boo Zyɛm ɨ, fwɛmla ga, tɛlɨ ga mbɨmbɨa, bɨn biʼe tiʼ molu mo mpoʼ mɨmɛh. Zyɛm a jebe go ó, go biʼe tiʼ yaa. Yé a pyal go ó, é jɔʼ go a mɛʼle ocyecye é mih mo bʉr é buobuo e.

1 Tesalonika 2:15

OYʉden baa ó b'a jʉ Da Yesʉs. Bé ó b'a taare jʉ ogwiha o mɨlɔb. Bé nteme ó b'a fo bɨh é lal wɔɔ. Bé ó bʉr Zyɛm lé ekʉ kpaa empime e be e. Bé elwimla ó, e bʉr bɨbɛh.

Rôm 16:25

A bwaʼ nkul Zyɛm ndɨ e nye ee! Nkul waa ó mu lé elɨl bɨn lé edu mpʉ Mbɨambɨa Lɔɔ me lé elɛɛ ɛ, ndɨ ɨ. Mpaŋla waa, nye etiibe ó e Yesʉs-Krɨst. Nye edu nteme lwib odim yé a taare be mɨfela mɨmbu é buobuo,

Rôm 5:4

É jɔʼ bɨna bé óbe si di ga e bihbe waa ɛ, bɨna bé ócyɛb ga é nkʉʼʉ é mobʉbla. ǃBɨna si cyɛb ga é mobʉbla nɛʼɛ, mbɛla, wé óloŋlo mɨleme ga mina é tur.

Rôm 5:2

Yesʉs-Krɨst ó b'a kar zi é l'efu ó, Zyɛm nkʉʼ lɛʼle bɨna ga ncwɨncwɨa we. Bɨna mu ó lé ebi ga ncwɨncwɨa waa ó, é zi buʼo ga yina, lé ekʉ mɨɨla e mbɛla mu lé eloŋlo mɨleme ga mina ɛ. Bɨna bé ga e mbɛla é mɨleme ó, bɨna bé ópyal ga é dia kum mo Zyɛm.

Rôm 2:7

Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ.

Rôm 1:2

Mbɨambɨa Lɔɔ waa, Zyɛm a si bɛa kɛʼ é zi ogwiha o mɨlɔb ó, nye óntɨh bɨna ga wa. Nkɛʼ waa, nye ó tila é Kalara Zyɛm.

Yʉanes 17:24

«Da, go a be ó si dwe me ba. Me ekpɛl ó, bé diʼe gumo me ódi ɨ. Bé óbee me é dia moncɛnba mam, dia go a bɛa dwe me ebe kpɛl yo, taare é jɔʼ kʉ e si, byé a baapa cyeŋɔ ɛ.

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

Markus 10:30

ódi, abâʼle bi bye zɔʼ nter é mbi jɔʼ yi. Nye óbula bi mɨmbɛr e bɨpeme. Nye ókœb obɨɔ ndwe e l'okɛl, e l'onyɔŋ, ka kɛl bwan. Nye ótíilɔ nteme. No ó, pie e l'esie e mbi jɔʼ yi, mʉr waa óbi nteme tiʼ molu mo mpoʼ mɨmɛh.

Markus 10:17

Mpʉ Yesʉs a be, nye mu lé etɨ cyen ɨ, nuu mʉr ze to kam, to kur moboo si é mih me, ntɔʼ dî e nye ó: «Mbɨambɨa yeʼle, me saʼ wáa mbi sɔʼɔ é l'efu ó, me biʼe tiʼ molu mo mpoʼ mɨmɛh?»