Rôm 9:30 - Kálara Zyɛ̌m Edwán é mpʉ̌n

³⁰ Yé be no nɛʼɛ, bɨna kaʼ lɛɛ ga é yé, tiibe e bʉr o ndɨ abe oYʉden ɨ? Bʉr o b'a baasaa zi ebi mokebe é mih mo Zyɛm ɨ, bé ó b'a ka bi mokebe maa. Sa gwar, bé a bi me ó, ebe taa buʼo bé a jyɛʼ boo Krɨst ɨ.

Kálar Nzyɛ̌m : Ejwán é Sáá

³⁰ Mpʉ yé dí nó yɨ́, mɨná bé ókǎ lɛ́ɛ gá nyá? Nzyɛ̌m lɛ́ɛ́ yé, dumo e bʉr o dí abe óYúden bá? Bʉr o b'á be asáa nzɨ̌ ebi nkâm ɨ́ míh mé Nzyɛ̌m bá, bé ó b'á ka bi nkam ɨ́ míh mé. Sâ gwár, bé á si dweŋɔɔ mbi nkâm dí edweŋɔɔ ɨ́ lɔ̌b búʼó nyɨ́.

Rôm 9:30 ပူးပေါင်းရင်းမြစ်များ

Filipi 3:9

Me egwɨm ó, Zyɛm beŋɨ njɨ ó, me ó é zyɛŋa wih boo nɔɔ. Me agwɨm bi mokebe é mih me ebe mbi me lé edu motie e. Me egwɨm ó, nye dweʼ me mokebe ebe taa buʼo me lé ejyɛʼ boo Krɨst ɨ.

Ebrœ̂ 11:7

É zi buʼo, Noe a si joʼo é jɔʼ Zyɛm a bal nye é lɔb sa yé a be ó, yé ósyɛɛlɨ ɨ. Nye l'apa bee ye e dih, nye a be ó si nʉa lwib mo Zyɛm yaa, gba é nkɔb, ntɔʼ kpaʼ byɛl, du mpʉ Zyɛm a tɨe nye ó, nye saʼ ɛ. Nye ze ni tɨ, bé e mbɛr bʉr we, bɨbɛh ntɔʼ tiʼe. É mbi waa ó nye a dwe bʉʉ bʉr mobe e, nyɛɛ ntɔʼ bi mokebe é mih mo Zyɛm, maa lé eduho é buʼo e.

Galásia 2:16

To kœb ó, bɨna mu lé egʉa ga ó, mʉr, nye aŋa bi mokebe é mih mo Zyɛm ebe mbi nye lé edu motie e. Mʉr, nye ebi mokebe é mih mo Zyɛm ó, ebe taa buʼo nye lé ejyɛʼ boo Yesʉs-Krɨst ɨ. Bɨna bɨ jyɛʼ ga taa buʼo yina nteme boo Krɨst é l'efu ó, bɨna nkʉʼ bi ga mokebe é zi buʼo gwar yaa. Abe e mʉr lé ebi mokebe ebe mbi nye lé edu motie e. Mʉr ákwoʼ bi mokebe é mih mo Zyɛm ebe mbi nye lé edu motie me e.

Rôm 4:11

Sɛa mpʉn, wé a cyelɔ é nko paʼ mo Abraham ó, mpʉ dweʼle. Wé a be ó dweʼle, sa lé elɛʼle ó, nye a be ó si bi mokebe ebe taa buʼo nye a jyɛʼ boo Zyɛm ɨ, nye l'apa saŋɔ mpʉn. Zyɛm a dwe nye mokebe no ó, nye nkʉʼ be sɔŋ é l'efu e bʉr bɨbɛh ndɨ ejyɛʼ taa buʼo yɔɔ boo nye, baa l'apa saŋɔ mpʉn ɨ. Nye enʉa be e boo nɔɔ mpʉ ocɨcyel o bʉr.

Éfɛsɔs 2:12

Toŋla ga nteme mpʉ bɨn bé a taare be-be e. É til molu yaa, Lœma mulo mo Zyɛm a baakunbo e bɨn. É nko paʼ kul bwa b'Ɨzraɛl, bɨn bé a si pɨmɔ é sama yɔɔ, duho mya. É nko paʼ mpʉn Zyɛm a de e bɨmpam byɔɔ ɛ, ndwe e monkɛʼ nye a liʼe bye e ma ɛ, bɨn bé a baabe ba e nkɔb tɨ. É til molu yaa yiyɛh, mɨleme min, myé a baabe ba e mbɛla. É si nwaʼ nyiwɛh, bʉr o bɨkul bin, bé a be ó, lé ejeʼe Zyɛm.

Galásia 5:5

É wih paʼ, bɨh bɛɛ, bé a si jyɛʼ taa buʼo yih boo Zyɛm. Ebe buʼo yaa ó Mbɨambɨa Sisim lé egba bɨh mbɛla é mɨleme e. Bɨh bé e mbɛla ó, bɨh bé óbana bi mokebe é mbo mo Zyɛm.

Rôm 10:20

Pie tɨ, ngwiha mɨlɔb Ezayi a bana kʉ lɛɛ ó: «Zyɛm, nye elɛɛ ó: “Bʉr o b'a baasaa me e, bɛɛ ó b'a bee me. Me a si lɛʼle me mʉr tɨʼ é pono boo bʉr o b'a baagwɨm yʉʉ sɔʼɔ e me e.”»

Rôm 10:6

To kœb ó, yé ó e zi ebi mokebe mofih é mih mo Zyɛm. Bʉr o ndɨ ejyɛʼ taa buʼo yɔɔ boo nye e, bé ó ndɨ ecwɨɨ tɨ, ntɔʼ bi mokebe maa, é mpʉ yé ndɨ tila ɛ. Bé a tile é Kalara Zyɛm ó: «Adî é leme go tʉŋlʉ ó: “Zé óto é jobo kʉ?”» (No yé elɛɛ ó: mʉr ayi pahle ó, nuu mʉr óto é jobo kʉ, lé eto baŋle Krɨst, ó nye fula.)

Rôm 9:14

Yé be no nɛʼɛ, bɨna kaʼ lɛɛ ga é yé? Zê Zyɛm, nye lé esa bɨsyɛɛla ndɨ ozyɛhozyɛh ɛ? Hɨʼɨ, yé abe ba no,

1 Pyɛr 4:3

Bʉr, bɨ bul lɛŋ buobuo jɔʼ lé eloŋlo bɨgwɨma bɨ nyʉl bɨpuno, lé edu ebò e cyen mo bʉr o ndɨ abe oYʉden ɨ. Byé ó bi: egba monyʉl mɔɔ lé esa bɨmala zam e l'ekomo, ebe e bɨgwɨma bɨsa, egba monyʉl lé ebɛble monwoʼ, elɔʼba lé ebwalɔ mozɔɔ, efwaʼ monwoʼ, le edwiibɨ bɨbaŋabaŋa bɨdweʼle. (Sa nɨ, yé ó sa ndɨ kɔmlʉ ɨ!) Bim syɛɛla nɨ, yé kaʼ jala!

1 Timotɛ 6:11

Gwɔɔ mʉr mo Zyɛm! Cɛra e bɨsa bɨnɨ bibyɛh. Duʼo njɨ syɛɛla ndɨ cɨcyel ɨ. Dwaaba Zyɛm, lé ejyɛʼ taa buʼo yo boo nye, le ekpɛl bʉr. Diʼe mʉr bihbe. Tala nteme njwɨr.

Galásia 3:24

Motie maa, mé a be-be ó mbɔʼlʉ ga wina a liʼle bɨna ga boo Krɨst ɨ. Yé a syɛɛlɨ no ó, bɨna nkʉʼ pʉʼa ga é nkar, sɔba é feerɨ é zi buʼo.

Galásia 3:8

Bé a si bɛa tile é Kalara Zyɛm ó, Zyɛm ódwe bʉr o bɨkul mokebe é mih me ó, ebe taa buʼo bé ójyɛʼ boo nye e. No ó, Mbɨambɨa Lɔɔ wi, wé a taare tunɔ ó, Abraham. Zyɛm a lɛɛ e nye ó: «Me ósʉ bɨkul bɨfih mocyɛʼ mo mpom ó, é zi go,»

Rôm 10:10

ebe, leme go, wé ó fum go jyɛʼɛ taa buʼo yo boo Zyɛm ɨ, nye ntɔʼ dwe go mokebe é mih me. No ó, ǃgo si mɛʼle ocyecye, lé elɛɛ ó: «Yesʉs ó ndɨ Njwɨɨ» nɛʼɛ, go óbi tiʼ molu mo mpoʼ mɨmɛh.

Rôm 9:31

Bwa b'Ɨzraɛl bɛɛ, bé a saa-saa ó, bé biʼe mokebe é mih mo Zyɛm ebe mbi bé a be lé edu motie e. To kœb ó, bé a baabi mokebe maa.

Rôm 5:1

Zyɛm mu ó si dwe bɨna ga mokebe ebe taa buʼo bɨna lé ejyɛʼ boo Krɨst ɨ. Ebe no ó bɨna ga e boo Zyɛm mu mbɨmbɨa, dumo e Tî ga wina Yesʉs-Krɨst ɨ.

Rôm 4:22

No yé a tilɔ ó: «Zyɛm ze bee buʼo ye mbɨmbɨa, nye ntɔʼ nʉa nye mpʉ cɨcyel mʉr.»

Rôm 4:13

Zyɛm a kɛʼ Abraham bé e l'onta be ó, nye ódwe be si nwaʼ nyiwɛh, jala e nkɔb wɔɔ. Nye a baalɛɛ no ebe mbi Abraham a du motie me e. Nye a liʼe be e boo nɔɔ e nkɛʼ waa ó, ebe mokebe nye a láa ó, Abraham mu e me, maa nye a bi ebe taa buʼo nye a jyɛʼ boo Zyɛm ɨ.

Rôm 4:9

Zê mocyɛʼ mo mpom me maa, mé ó njɨ é l'efu e bʉr o b'a taare saŋɔ mpʉn ɨ? Hɨʼɨ, bʉr o b'a baasaŋɔ mpʉn ɨ, bé ósʉŋɔ nteme mocyɛʼ mo mpom, ebe, bɨh si kʉ lwanbe lɛɛ wâʼ ó, Abraham a si jyɛʼ taa buʼo ye boo Zyɛm. Zyɛm ze bee buʼo ye mbɨmbɨa, nye ntɔʼ nʉa Abraham mpʉ cɨcyel mʉr.

Rôm 3:5

Nuu mʉr óbɛm lɛɛ ó: «Bɨsyɛɛla bɨ ozyɛhozyɛh ga bɨna, byé egul Zyɛm ó, nye lɛʼla bʉr mpʉ nye ndɨ cɨcyel ɨ.» Bɨna bé óka lɛɛ ga é yé? Bɨna bé óbɛm yɨm nkpaa lé eko tɨʼ ó: «Zê Zyɛm, nye akœʼ é l'ozyɛhozyɛh é jɔʼ nye lé ekpaa empime e bɨna ga ɛ?» (Gumo me lé elwib nɨ, me elwib ó, é mpʉ mɨzɨze mɨ bʉr lé elwib ɨ!)