Rôm 9:3 - Kálara Zyɛ̌m Edwán é mpʉ̌n

³ Wé ekpaa me ó, lé ebee obɨɔ bam, bʉr o bɨh e boo nɔɔ bé a byɛl ɨ, bé mu é bɨkɔ́ɔlʉ tʉŋlʉ. Nkʉ Zyɛm be ó be, mɛʼle nɛʼɛ, mpa mɨ fuo ka lɛɛ ó, nye pɛʼɛ be bɨkɔ́ɔlʉ byɔɔ byaa, nye dihba káale yɛɛ me, dam be ó, bɨh e Krɨst, bé ófuo bɔʼa mpa.

Kálar Nzyɛ̌m : Ejwán é Sáá

³ Wé kpaa mé nó ó, ebe bɨ́ɔɔ́ bâm, bʉr o bɨ́h le onɔ́ɔ́ bé á byɛ̂l bá, dí e meswomlʉ. Yé bé Nzyɛ̌m á bě sí kam nó, lɛ́ɛ́, mɨ́ kam ó, nye dwíhɨɨ bé meswomlʉ mé, nye syɛ́mɨɨ me, damá jóʼo ó mpʉ bɨ́h e Krîst, bé óbɔ́ʼa mpɔ́ʼá mpá yɨ́.

Rôm 9:3 ပူးပေါင်းရင်းမြစ်များ

Rôm 11:14

Me esa no ó, me nkʉʼ gba kul bʉr yam egu é mɨleme. Diŋa ó, bʉʉ bʉr o sama yih, bé óze bi tiʼ molu mo mpoʼ mɨmɛh é zi waa,

Galásia 3:10

Ebe, ǃɨ mʉr si buʼla ó, Zyɛm ódwe nye mokebe ebe mbi nye lé edu motie nɛʼɛ, nye e bɨkɔ́ɔlʉ, ebe, yé ó tila é l'okalara o motie mo Moyiz ó: «Mʉr nyiwɛh ndɨ adu motie mɨmɛh ndɨ mɨtila wâʼ ɛ, nye e bɨkɔ́ɔlʉ.»

1 Korɛnt 16:22

ǃƗ mʉr bé akpɛl Da Yesʉs nɛʼɛ, Zyɛm káala nye. Da, ntaʼ!

Galásia 3:13

Yesʉs-Krɨst a si jɛna mobyaʼ ga mɨna, lé epɛʼ bɨna ga é sama bʉr o b'a jala le ekáalɔ ɛ. Nye a nʉa bɨkɔ́ɔlʉ bibyɛh byaa ó, é l'efu ga lɨna, ebe, yé ó tila é motie mo Zyɛm ó: «Mʉr nyiwɛh a cyèlɔ é lɨ kʉ ɨ, nye ó ndɨ waa Zyɛm a káale e.»

Galásia 1:8

ǃBɨh bʉr o tɨ, nkʉ engles duho é jobo kʉ, si lɛɛ bɨn Mbɨambɨa Lɔɔ, siila e waa bɨh bé a lɛɛ bɨn nɛʼɛ, Zyɛm káala mʉr waa!

1 Korɛnt 12:3

No ó, me mu ó lé eze tɨe bɨn é nko paʼ waa: mʉr ndɨ elwib é zi Sisim mo Zyɛm ɨ, nye abe e nkul elɛɛ ó: «Yesʉs, nye e bɨkɔ́ɔlʉ!» Ndwe nteme, ǃɨ Mbɨambɨa Sisim be l'abe é mʉr tʉŋlʉ nɛʼɛ, kʉ gʉa ó, mʉr waa, nye abe e nkul elɛɛ ó: «Yesʉs ó ndɨ Tî!»

Rôm 11:1

Ebe no, me edî ó nɛɛ: é mpʉ yé ndɨ no e, zê yé lé elɛʼle ó, Zyɛm a si myah kul bʉr ye ɛ? Hɨʼɨ, yé abe ba no! Me mʉr tɨ, me ó mpɛh Ɨzraɛl. Me a byɛl ó, é l'eveh mo Benjamin. Me ó mʉr mpoŋbʉr mo Abraham.

Mɨlʉmlʉ 13:26

«Obɨɔ ga bam ɔɔ! Bɨn mpoŋbʉr mo Abraham ɔɔ! Bʉr o ndɨ edwaabe Zyɛm ba ɔɔ! Bɨna ga ó b'a cenɔ mpaŋla é lɔb tiʼ Zyɛm mu lé edwe bʉr ɨ.

Mɨlʉmlʉ 22:5

Njwɨɨ opara, ndwe e sama otamabʉr, bé e nkul eboʼlo ó, sa me lé elɛɛ yi, yé ó cyecye. Bé ó b'a tile me kalara, ntɔʼ dwe me nya, ó me toʼ, to dwe obɨɔ ga bɨna, oYʉden ndɨ ɨ Damas ɨ. Me a be ó e jwɨʼ ó, me to ó mɛr obuʼla bé a be gʉʼ ɨ, bula e be mɨkɛʼa, ze e be Yerʉsalɛm é l'efu ó, bé kabɔ bɨntɨʼa wâ.»

Mɨlʉmlʉ 28:21

Bé ze bɨha e nye ó: «Nkʉ obɨɔ ga bɨna ndɨ é lal Yʉda ɛ, bɨ tile yʉʉ sɔʼɔ é lʉ go e, bɨh bé apa bi ye. No nteme, bɨh bé a baabee mɨɔ ga wina ngwar a duho gʉʼ lé eze lɛɛ bɨh yʉʉ sa ebebe é lʉ go.

Rôm 1:3

Mbɨambɨa Lɔɔ waa, wé etiibe ó e Mwan we. É nko paʼ mbyɛla we, nye a be ó mʉr mpoŋbʉr mo David.

Rôm 9:2

Leme wam, wé ó lwɨŋla e l'empime. Wé nteme, wé ekpaa me é jɔʼ yiyɛh.

Rôm 16:7

Me esoho nteme mɨmbyɛl myam, Andronikus bé e Yʉnias. Bɨh e boo nɔɔ ó b'a be é mbʉʼ. Bé ó b'a taare jyɛʼ taa buʼo yɔɔ boo Krɨst e me. Bé é bul gʉŋɔ boo sama mɨlʉmlʉ mo Da.

Rôm 16:11

Me esoho mbyɛl wam Erodion. Me esoho nteme bʉr o mbɛr bʉr mo Nasisʉs, baa ndɨ é zyɛŋa wɔɔ boo Da Yesʉs ɨ.

Rôm 16:21

Timote, mʉr nwan yam ndɨ é l'empomo e syɛɛ egwar ɨ, nye esoho bɨn. Mɨmbyɛl myam mi, Lʉsiʉs, Yasɔn, ndwe e Sosipatros, myé esoho nteme bɨn.

2 Korɛnt 12:15

No ó, mɛm, me ókʉ dimle mɔn yam, dimle nteme tiʼ yam é l'efu e bɨtiʼ bin. Zê yé ó cɨcyel é jɔʼ me lé eto dolo lé ekpɛl bɨn paʼ e paʼ, bɨn bɛɛ l'akpɛl me e?

Galásia 1:9

Bɨh bé a si bɛa lɛɛ bɨn no. No ó, banana, me ebâʼle lɛɛ bɨn ya ó, ǃɨ mʉr si lɛɛ bɨn «Mbɨambɨa Lɔɔ» fih, siila e waa me a ntɛŋ bɨn nɛʼɛ, nye nʉŋa bɨkɔ́ɔlʉ!

Éfɛsɔs 6:5

Molʉa ɛɛ! Bɨn bé ejala le esa ojwɨʼa bɨn, baa ndɨ bʉr o si nwaʼ ɛ, mojoʼo. Sea ga be syɛɛ e bʉa e mosaʼ, ndwe le egba monyʉl mɨn. Sea ga be e mpaŋ mojoʼo, mpʉ sa lɛɛ ó, bɨn bé esea ó Krɨst syɛɛ.