Rôm 9:20 - Kálara Zyɛ̌m Edwán é mpʉ̌n

²⁰ Gwɔɔ mʉr lé edo e Zyɛm ɨ, go ebee ó, go ejala le entɛŋ nye motia, dɔɔ waa yé? Sa mʉr a me e deʼe e, zê yé e nkul ebɛʼ e mel ó: «Ebe yé go a me me mpʉnʉ nɨ» ɛ?

Kálar Nzyɛ̌m : Ejwán é Sáá

²⁰ Gua mʉr dí edo e Nzyɛ̌m nyá, go nzé? Sá mʉ̂r á me e deʼé yɨ́, nzê yé óbɛ̂ʼ e mel ó: Go á me me mpʉʼ ɨ́ yé? Heʼé!

Rôm 9:20 ပူးပေါင်းရင်းမြစ်များ

Mataos 20:15

Zê me aka be e nkul ó, me biʼe bɨsa byam é mpʉ me lé egwɨm ɨ? Ebe yé go lé ejoʼo me ebebe é lɔb ncwɨncwɨa wam ɨ?”

1 Timotɛ 6:5

Esyɛb laa ó ndɨ esa ó, bʉr saʼ zyee lé esa mosono paʼra wɔɔ. Bé esa-sa no ó, bé e bʉʉ bʉr o ndɨ e bɨbol mɨpɛhla, baa b'a dɛʼɔ ocyecye e. Bé eniŋe ó, bé óbi-bi bɨmɔn é jɔʼ bʉr, bé ópaʼle be é mpʉ bé lé egʉa dwaabe Zyɛm ɨ.

1 Korɛnt 1:20

No ó, mɨcɨcyoo myɛɛ, myé lɛɛ é yé? Ogwɨa onɨnɨ bɛɛ, bé lɛɛ é yé? Bʉr o ndɨ edihbe mosono e, bé elɛɛ é yé? Sa bʉr o mbi jɔʼ yiʼ lé ejebe ó, «ocyoo» e, Zyɛm, nye ebula jebe ye ó, «ogʉ».

Jacques 2:20

Sa mbɛh mʉr aa! Zê go lé egwɨm gʉa ó, buʼo ndɨ anyin bɨsyɛɛla ɛ, yé abe e nyɔm ɛ?

Títos 2:9

Molʉa, mé ejala le esa omasa bɔɔ mojoʼo é jɔʼ yiyɛh. Mé saŋa mozi ó, omasa bɔɔ, bé gʉa kpɛl bɨsyɛɛla byɔɔ. Mé l'ayi do e be.

Rôm 2:1

No ó, gwɔɔ, mʉr lé edwe bʉr mobe e, go abe e nkar é mih mo Zyɛm! É jɔʼ go be ó, go dwe ó bʉr mobe e, nʉm go, wé ebula dwe go mʉr tɨʼ mobe, ebe, gwɔɔ yɛɛ «tiʼà mɨlɔb», gwɔɔ lé ekʉ sa nteme bɨsyɛɛla bɨmpwar byaa!

1 Korɛnt 7:16

Mʉma ndɨ mbuʼla ɛ, go ógʉa é yé? Diŋa ó, go ó ndɨ e nkul etiʼ njʉmo. Yé abe no? Mʉrʉm ndɨ mbuʼla ɛ, gwɔɔ nteme, go ógʉa é yé? Diŋa ó, go ó ndɨ e nkul etiʼ myɛlo.

Lʉkas 12:14

Yesʉs, nye e nye ó: «Wɛɛ! Zé a cyel me lɔ̀b é mɨlɔb min? Zé a pa kʉ lɛɛ ó, me kaba bɨliʼ mo sɔŋ win?»

Rôm 2:3

Gwɔɔ mʉr lé edwe bʉʉ bʉr mobe ebe bɨsyɛɛla bé lé esa ɛ, gwɔɔ nteme lé esa bɨsyɛɛla bɨmpwar byaa! Go ósa nyá ɛ? Zê go ósyɛhle tiʼa mɨlɔb mo Zyɛm ɛ?

Rôm 9:21

Hɨʼɨ, mel mompɨ, nye e nkul esa sa nye kpɛl ɨ, e deʼe le. Nye óbɛm nʉa buʼ deʼe, pɛʼ ye bɨpeh bɨba, nʉa wiʼ paʼ, me jaa daala e tɨ; nʉa guu paʼ nɛʼɛ, me yʉʉ sa daala yé óbiŋɔ-biŋɔ dobo lɨlɛh ɛ.

Rôm 9:22

Zyɛm a sa syɛɛla yaa ó, nye lɛʼla bʉr bim nye lé ekpaa empime e be e, ndwe e mpwaʼ nkul we. Ebe no ó bɨn ndɨ ebee nye lé ebul dihbe bʉr o jala le ekpaŋɔ empime e. Bɛɛ bé ó baa bé ódim ɨ.

Rôm 14:4

Gwɔɔ mʉr lé edwe syɛl mosa nyoonkan mobe e, go ebee ó, go ejʉʼa le esa nye no, dɔɔ waa yé? ǃNye si gwìh e nye, nkʉ ntɔʼ, ǃnye si gʉa sa nɛʼɛ, masa we ó lé ejala le eláa nye bɨbaa bɨ tɨ. Nye aŋa twe yɛɛ tweʼ, ebe, Da, nye ó e nkul efuʼo nye mbo é l'efu ó, nye cyɛba cɨcyel é nkʉʼʉ.

2 Timotɛ 2:20

É ntwaŋ mbɛr, yé e bɨfua mɨmbi mɨmbi. Ntʉʼ bibyɛh ndɨ mɨlula e gol, nkʉ e nkoho mɔn. Bɨfua bɨnɨ, byé e nyɔm é jɔʼ bɨsyɛɛ bɨ duu mu lé esaŋɔ ɛ. Byʉʉ bɨfua byɛɛ, byé ó mɨkpɛʼa e bɨlɨ. Byʉʉ nteme, mea e deʼe. Biha bɨfua, byé ebiŋɔ ó, njɨ é bɨsyɛɛ lé ebul pyehɔ ɛ.