Rôm 9:1 - Kálara Zyɛ̌m Edwán é mpʉ̌n

¹ Me ekʉ lɛɛ ocyecye é zyɛŋa wih boo Yesʉs-Krɨst. Me alɛɛ mpʉl. Mɨpɛhla mɨ leme wam, myé ekʉ boʼlo lɔɔ waa é zi mo Mbɨambɨa Sisim.

Kálar Nzyɛ̌m : Ejwán é Sáá

¹ Mě lɛ́ɛ́ ó, otyeetye, abe bíbɛr. Mě lɛ́ɛ́ ó, ɨ́ mpúhlá nyɨ́h e Yésʉs-Krîst. Mipahlá mí lémé wâm, myé lɨ́ ekʉ́ boʼlǒ lɔ́ɔ waá e nzɨ̌ Sísǐm mé Nzyɛ̌m.

Rôm 9:1 ပူးပေါင်းရင်းမြစ်များ

1 Timotɛ 2:7

Zyɛm ze cyel me é bɨdia bɨba: yaa cyela mɨtuno, ndwe e yaa lʉmlʉ we—me ekʉ lɛɛ ó ocyecye; me alɛɛ mpʉl—, me ó yeʼle mɨlɔb mo Zyɛm é l'efu e bʉr o ndɨ abe oYʉden ɨ, lé elɛʼle be é zi buʼo ga yina le ocyecye mo Zyɛm.

Rôm 1:9

É jɔʼ yiyɛh, me ejwɨʼla e nye é l'efu lɨn. Zyɛm nye mʉr tɨ, nye egʉa ó, me elɛɛ ó ocyecye. Nye waa ó me lé esea syɛɛ ye e leme wam wiwɛh ɛ. Me esea ye ó, é zi elɛɛ Mbɨambɨa Lɔɔ lé etiibe e Mwan we e.

Galásia 1:20

(Sa me tile nɨ, yé ó cyecye. É mih mo Zyɛm, me ebâʼle lɛɛ ó, me asa mpʉl.)

Filipi 1:8

Zyɛm, nye ó me mboʼla: me ekpɛl bɨn bɨbɛh mpʉ Yesʉs-Krɨst lé ekpɛl bɨn ɨ.

2 Korɛnt 11:10

Neme ocyecye mo Krɨst ndɨ é me, me ólɛɛ é lal Akayi mpʉ me a kœʼ ebò e cyen ɨ. Abe e mʉr ndɨ e nkul ekamle me lé edoʼo tɨ.

Rôm 8:16

Sisim we, wé mʉr tɨ, wé eboʼlo é mɨleme ga mina tʉŋlʉ ó, bɨna ga bé ó bwan mo Zyɛm cyecye.

1 Timotɛ 1:5

Motɨɨ go ódɨ dwe e, ndumlo tɨ, wé ó, bɨna kpɛlɨ ga Zyɛm, kpɛl yaa lé eduho bɨna é mɨmo si ɨ. Mɨpɛhla mɨleme ga mina, myé diʼe é pyɛɛɛ, mɨleme myɛɛ lwɨŋla e mpaŋ buʼo ndɨ abe mbaʼra e bɨkʉʉŋʉ ɨ.

1 Tesalonika 2:5

Bɨn bé egʉa nteme ó, bɨh bé a baabe lé ekʉa bɨn é zi moseʼla. Bɨh bé a baadwe bɨn sikʉlʉ yaa e bʉʉ otwɨɨtwɨɨ. Zyɛm, nye ó mboʼla wih é nko paʼ waa.

2 Korɛnt 12:19

Taare é molu pihe, ze pyal é banana, bɨn dina lé etoŋlo ó: «Pol mu ó lé ekar é mih ga mɨna.» Hɨʼɨ, me ekʉ ka kar ó njɨ é mih mo Zyɛm, é mpʉ Krɨst lé egwɨm ɨ. Obɨɔ o kpɛl bam aa! Bɨh bé esa bɨsyɛɛla bɨnɨ bibyɛh ó, lé esa ó, buʼo yin, yé gwɨa,

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

1 Timotɛ 5:21

Me entɛŋ go mɨnkɛla é mih mo Zyɛm, le maa mo Yesʉs-Krɨst bé e beengles Zyɛm a pɛh ɛ, ó go baʼla motɨɨ ma. Atiʼe lɔb e nkar ngwar. Ato mʉr é nkɔm ebe nduula bɨn e nɔɔ ndɨ e we e.

2 Korɛnt 11:31

Zyɛm, waa ndɨ Sɔŋ mo Da Yesʉs ɨ, nye egʉa ó, me alɛɛ mpʉl. Nye e kum njʉmdia e njʉmdia.

2 Korɛnt 1:23

Neme Zyɛm ndɨ mboʼla wam, me elɛɛ ó nɛɛ: yé be ó, me elɛɛ ó mpʉl nɛʼɛ, nye dimla tiʼ yam! Sa yé a kʉ sa ó, me l'ayi ka ze Korɛnt ɨ, yé a be ó gwɨma ebɛʼ bɨn tuu.

Rôm 2:15

É jɔʼ bé lé esa no e, bé ekʉ lɛʼle ó, sa motie lé etɨe e, yé ó tila é mɨleme myɔɔ. Mɨpɛhla mɨleme myɔɔ, myé eboʼlo nteme no. Myé enwahle é biʼ bɨjɔʼ ó, bé a si jeʼe esa. É byʉʉ bɨjɔʼ, myé elɛʼle be ó, bé a be ó si gʉa esa.

Rôm 9:2

Leme wam, wé ó lwɨŋla e l'empime. Wé nteme, wé ekpaa me é jɔʼ yiyɛh.