Rôm 8:9 - Kálara Zyɛ̌m Edwán é mpʉ̌n

⁹ Bɨn bɛɛ, bé abe bʉr o ndɨ edu bɨgwɨma bɨ nyʉl bɨpuno win ɨ. Bɨn bɛɛ mu lé ejoʼo ó, njɨ e Mbɨambɨa Sisim, ebe, Sisim waa, wé ó ndɨ é bɨn. ǃƗ mʉr baabe é zyɛŋa wɔɔ boo Sisim mo Krɨst nɛʼɛ, lɛɛ ó, mʉr waa, nye abe mʉr mo Krɨst.

Kálar Nzyɛ̌m : Ejwán é Sáá

⁹ Bɨ̌n bɨɛ, bé abe tʉ́ŋlʉ̌ bʉr o dí edû njwɨr myâ gá wɨ́ná bá. Bɨ̌n bɨɛ dú ó, Sísǐm mé Nzyɛ̌m, ebě, Sísǐm waá, wé ó, ɨ́ bɨ̌n. Mʉ̂r óbe, abe e Sísǐm mé Krîst waá ɨ́ nyʉ̂l nyé nó, go ó, mʉr waá, nyé abe mʉ̂r mé Krîst ó tɨ̂ʼ yɨ́.

Rôm 8:9 ပူးပေါင်းရင်းမြစ်များ

Galásia 4:6

Ebe, bɨn mu ó bwan Zyɛm a ntɨh Sisim mo Mwan we e. Wi ze ni é mɨleme ga mina. Wé ó lé etine-tine bɨna ga ó, bɨna jeba ga Zyɛm, «Abba! Da!»

1 Korɛnt 3:16

Zê bɨn bé agʉa ó, bɨn bé ó kʉ be Mpah Zyɛm ɛ? Zê bɨn bé lé ejeʼe ó, Mbɨambɨa Sisim, nye edi é bɨn ɛ?

2 Timotɛ 1:14

Baʼla sikʉlʉ go a bɛa timlɔ ɛ. Mbɨambɨa Sisim lé edi é bɨna ɛ, wé ókʉ kɛm go tɨ.

1 Korɛnt 6:19

No ó, zê bɨn bé agʉa ó, monyʉl mɨn, mé ó bana kʉ be odia mo Mbɨambɨa Sisim ɛ? Sisim mu lé edi é bɨn ɨ, wé ó waa Zyɛm a ntɨh bɨn ɨ. Bɨn bé ajoʼo e bɨn bʉr o tɨ,

Rôm 8:11

No nteme, ǃɨ Mbɨambɨa Sisim, mʉr a pɛ̀h Yesʉs-Krɨst é foo e, di é bɨn nɛʼɛ, lɛɛ ó, nye ópɛ̀h monyʉl mɨn é foo, maa lé edwè e. Nye ódwe monyʉl mɨn tiʼ é zi Sisim we ndɨ é monyʉl mɨn ɨ.

Yʉanes 14:17

Nye ó ndɨ Sisim Ocyecye. Bʉr o ndɨ egumo e si nwaʼ ɛ, bé abe e nkul enʉa nye é monyʉl mɔɔ, ebe, bé abe e nkul ebee nye, nkʉ gʉa nye. Bɨn ó ndɨ egʉa nye, ebe, nye edi ó, bɨn e boo nɔɔ. Nye nteme, nye ó é l'esama lɨn.

Éfɛsɔs 1:13

É zyɛŋa win boo Krɨst, bɨn bɨ ŋmɛhɔ sitam mo Zyɛm é monyʉl, duho é jɔʼ bɨn bé a jyɛʼ taa buʼo yin boo Krɨst ɨ, ndwe é jɔʼ bɨn bé a joʼo Mbɨambɨa Lɔɔ, ndɨ cyecye e, bɨn ntɔʼ buʼla we. Wé ó lɔɔ ndɨ edwe bɨn tiʼ molu mo mpoʼ mɨmɛh ɛ. Sitam Zyɛm a ŋmɛh bɨn ɨ, yé ó Mbɨambɨa Sisim nye a ntɨh bɨn, waa nye a kɛʼ bʉr be, duho mya ɛ.

Galásia 5:24

Bʉr o ndɨ baa mo Yesʉs-Krɨst ɨ, bé a si cyèl nyʉl bɨpuno wɔɔ é klos kʉ, bé e bɨbebebebe bɨgwɨma bye bibyɛh.

Éfɛsɔs 2:22

Da Yesʉs ó lé esa nteme ó, bɨn cyelɔ é bɨcye bin, mɨfuma é l'odia Zyɛm ódi ɨ. Sisim we ó ndɨ elɛʼle bɨgumo bɨn lé ejala le ecyɛb é odia waa ɛ.

Rôm 8:2

Bɨna bé a be ga ó mɨmɛra é mpila mɨsyem. Mɨsyem myaa, myé ó b'a liŋ bɨna ga odwè é mih mo Zyɛm. Mbɨambɨa Sisim ze dwe bɨna ga tiʼ molu mo mpoʼ mɨmɛh é zyɛŋa ga wina boo Yesʉs-Krɨst.

Yʉanes 3:6

Sa mamʉr lé ebya ɛ, yé ó njɨ mamʉr bɨpuno e motié. To kœb ó, Mbɨambɨa Sisim ó ndɨ ebya mʉr ndɨ e sisim ndɨ kublakubla ɛ.

Filipi 1:19

ebe, me egʉa ó, me ótiʼɔ ebe mɨnjwɨʼla min ndwe e Sisim mo Yesʉs-Krɨst lé eze me é nkɔm ɨ.

1 Yʉanes 4:13

Bɨna bé egʉa ga ó, bɨna bé etiʼe ga é zyɛŋa wina boo Zyɛm, nyɛɛ é zyɛŋa ga wina. Bɨna bé egʉa no ó, ebe, nye a si ntɨh bɨna ga Sisim we.

Lʉkas 11:13

Bɨn pa taare be bɨbɨbla bɨ bʉr mpʉ bɨn ndɨ nɨ, bɨn yɛɛ bé edwe bwan bɨn mɨmpaŋ bɨsɔʼɔ, a dwɛʼra e Sɔŋ win ndɨ é jobo kʉ ɨ! Nye óntɨh Mbɨambɨa Sisim, duho é jobo kʉ, dwe bʉr o ndɨ ejaʼ ɛ, laa naa.»

1 Yʉanes 4:4

Bɨn bɛɛ bwan bam, bɨn bé ó baa mo Zyɛm. Bɨn bɨ ntaa bʉr o dɔm mo Krɨst onɨ, ebe, Sisim bɨn ndɨ e we e, wé ó, é lele nkul, laa waa ndɨ é bʉr o si nwaʼ ɛ.

1 Korɛnt 15:23

Sa gwar, mʉr nyiwɛh ópàh ó, é ye cye: Krɨst efoʼ, mpʉ tom wé a pɛʼɔ peme e; bʉr be, bé óze bɔma e nye é dobo nye óbula ze e.

1 Yʉanes 3:24

Mʉr lé edu motie mo Zyɛm ɨ, nye edi ó, é zyɛŋa wɔɔ boo Zyɛm; Zyɛm nteme é zyɛŋa wɔɔ boo mʉr waa. Bɨna bé egʉa ga ó, Zyɛm, nye é zyɛŋa ga wina boo nɔɔ ó, ebe, nye a si ntɨh bɨna ga Sisim we.

2 Korɛnt 6:16

Zê opara ndɨ esea é l'Odia mo Zyɛm tʉŋlʉ ɨ, bé e baa lé eto é mpah bé ndɨ edwiibɨ bɨbaŋabaŋa bɨdweʼle e, bé ó e nkul emɛʼle mɨlɔb é mbi ngwar ɛ? Ebe, monyʉl ga mɨna, mé ó bana kʉ be Odia mo Zyɛm ndɨ kublakubla ɛ! Zyɛm nye mʉr tɨʼ a lɛɛ ó: «Me ódi é sama yɔɔ, lé ekœʼ e be. Me óbe ó Zyɛm wɔɔ. Bɛɛ, bé óbe ó bʉr bam.»

Yʉanes 3:34

Mʉr Zyɛm a lomo e, nye lé entɛŋ ó, mokan mo Zyɛm, ebe, Zyɛm ó lé elomlo nye Mbɨambɨa Sisim, ntinɨ e ntinɨ.

1 Pyɛr 1:11

Bé a be ó lé egwɨm gʉa mʉr Sisim mo Krɨst a lwib-lwib é lʉ we e, le jɔʼ mʉr waa óbɛm byɛl ɨ. Mbɨambɨa Sisim a boʼlo, tiibe e Lœma mulo mo Zyɛm ó, nye a jala ó, le esia e mɨtuu, ntɔʼ ni é kum we, pie tɨ. Nye a boʼlo no ó, bɨsyɛɛla bɨ tɨʼ apa syɛɛlɨ.

Mɨngwiha 20:15

Bʉr o b'a be, abe e mie mɨtila é kalara tiʼ ɨ, bé nteme, bé a si guhɔ é Bɨ-siʼe.

Mɨngwiha 13:8

No ó, odil o si nwaʼ bɨbɛh, bé ódwiibɨ tir waa, pɛʼ njɨ baa Zyɛm a bɛa tile mie mɔɔ é kalara tiʼ we e. Kalara waa a bɛa be tila ó, duho é l'etɛɛrɨ e si nwaʼ ɛ. Nye ó é mobo mo Ma Ntœme bé a bɛa jʉ ɨ.

2 Korɛnt 10:7

Gʉa dwɛʼ ga bɨsa lé enyin é mih é pono e. ǃƗ mʉr si kʉ gʉa é zi buʼo ó, nye ó waa mo Krɨst cyecye nɛʼɛ, nye gʉŋa nteme ó, bɨna ga e boo nɔɔ bɨbɛh, bé ó baa mo Krɨst ngwar waa.

Yʉanes 14:23

Yesʉs ze bɨha e nye ó: «Mʉr lé ekpɛl me e, nye óbaʼle sikʉlʉ me a dwe bɨn ɨ, ndwe le edu ye. Sɔŋ wam ókpɛl nye. No ó, bɨh e Sɔŋ wam, bé óze boo nye, ze komlo odia wih tɨ.

Mɨlʉmlʉ 16:7

É jɔʼ bé a pyal kunokuno e lal Misia ɛ, bé a si saa eto Bitini. Sa gwar, Sisim mo Yesʉs, wé a baamɛʼle jwɨʼ yɔɔ yaa.

Rôm 7:5

É jɔʼ yiyɛh bɨna bé a be lé edu ga bɨgwɨma bɨ nyʉl bɨpuno ga wina ɛ, motie mo Zyɛm, mé a be-be nteme ó, lé eto le eyɨm bɨfum bɨ nyʉl ga bina ó, byé loŋla bɨsyɛɛla bɨ ebebe bɨna bé a kʉ gwɨm ɨ. Byé ntɔʼ daʼre efie é monyʉl ga mɨna.

Rôm 8:1

Banana, bʉr o ndɨ é zyɛŋa wɔɔ boo Yesʉs-Krɨst ɨ, Zyɛm, nye aka láa be bɨbaa bɨ ebebe byɔɔ, nkʉ kab be bɨntɨʼa ndɨ ejala e le e.

1 Korɛnt 6:17

No ó, mʉr ndɨ é zyɛŋa wɔɔ boo Da Yesʉs ɨ, nye óbe ó e sisim ngwar, bé e nɔɔ.

Éfɛsɔs 3:17

Me ejwɨʼla nteme e nye ó, Krɨst komla odia we é mɨleme min tʉŋlʉ, ebe buʼo yin. Me ejwɨʼla nteme e nye ó, bɨn cyɛba é nkʉʼʉ ebe leme ncwɨncwɨa win.