Rôm 8:7 - Kálara Zyɛ̌m Edwán é mpʉ̌n

⁷ Baa ndɨ edu njɨ bɨgwɨma bɨ nyʉl bɨpuno e, bé ó bʉr o dɔm mo Zyɛm. Bé agum ka du motie Zyɛm a tiile bʉr ɨ. Bé ákwoʼ mɛʼle du me.

Kálar Nzyɛ̌m : Ejwán é Sáá

⁷ Baá mílémé myɔ́ɔ́ dí edû njɨ njwɨr myâ bá, bé lɨ́ elwímla e Nzyɛ̌m, asâ métié mé mejóʼo. Milémé myɔ́ɔ́ abá be e nkul esâ métié maá mejóʼo.

Rôm 8:7 ပူးပေါင်းရင်းမြစ်များ

1 Korɛnt 2:14

Mʉr ndɨ ndu, abe e Mbɨambɨa Sisim ɨ, nye abe e nkul ebi ocyecye lé eduho é Sisim waa ɛ. Ocyecye waa, wé ó nye ogʉ. Nye abe e nkul egʉa we, ebe, mʉr ndɨ epahle ocyecye waa ɛ, nye ó njɨ waa ndɨ e Mbɨambɨa Sisim ɨ.

Jacques 4:4

Odul be ozyɛm ofih ba! Zê bɨn bé apa gʉa ó, é jɔʼ bɨn lé etia efo e si nwaʼ ɛ, bɨn mu ó lé elɛʼle Zyɛm ó, bɨn bɨ tumo nye koo ɛ? ǃBɨn si nʉa tiʼa é leme win ó, bɨn bé ótia efo e si nwaʼ nɛʼɛ, yé elɛʼle ó, bɨn bɨ lihba bʉr o dɔm mo Zyɛm.

Rôm 7:22

Gwɨma, yé eduho me é mo si ó, me duʼo motie mo Zyɛm.

Ebrœ̂ 8:10

Ebe no ó Da lé elɛɛ ó: “Pie molu maa, mpʉn me óde e bwa b'Ɨzraɛl ɨ, nye óbe ó, é mbi wi: Me ógba motie mam é mɨpɛhla myɔɔ. Motie maa, mé óbe nteme ó mɨtila é mɨleme myɔɔ. Me óbe ó Zyɛm wɔɔ; bɛɛ, bé óbe ó baa bam.

2 Timotɛ 3:4

Bé ókɛha bʉr o nduo yɔɔ. Bé ósa bɨsa bibyɛh mpʉ mɨcehle mɨ ogʉ. Bé óbul nkɛɛ monyʉl mɔɔ. Bé ókʉ kpɛl ó, njɨ bɨsyɛɛla bɨpuno byɔɔ lé ebul gwɨm ɨ, akpɛlɔ Zyɛm.

Kolosi 1:21

Molu pihe, bɨn bé a be ó é ncɛra e Zyɛm. Taare é mɨleme min, kumo e bɨsyɛɛla bɨ ebebe bɨn bé a sa-sa ɛ, bɨn bé a be ó njɨ bʉr o dɔm mo Zyɛm.

Rôm 8:4

Nye a jaʼra e bɨntɨʼa é nyʉl we ó, nye nkʉʼ du ocɨcyel o motie mɨmɛh Zyɛm a tiile bʉr ɨ. Bɨna bé ebi ga mopoʼ mo syɛɛla ye yaa ó, é jɔʼ bɨna lé ekœʼ ga ebò e cyen Mbɨambɨa Sisim lé etɨe bɨna ga ɛ, aka be lé edu bɨgwɨma bɨ nyʉl bɨpuno ga wina.

Rôm 5:10

É jɔʼ bɨna bé a be ga bʉr o dɔm mo Zyɛm ɨ, Mwan mo Zyɛm a si dwè é l'efu ga lɨna, lé esa sàa paʼra ga wina boo Zyɛm. Krɨst pa taare cwɨa e bʉr o dɔm be, a dwɛʼra e bɨna ga, bʉr o sàa waa! Zyɛm ókʉ baʼle bɨna ga bɨtiʼ ó, é zi nkul ndɨ é tiʼ mo Mwan we e.

Rôm 1:28

Bʉr baa, bé a baabee ó, yé ejala ó, bé gʉŋa Zyɛm. No ó Zyɛm a fuo ka bir be ó, pɨʼ wɔɔ beʼ ntul ɨ. Nye ebir be ó, bé saʼ bɨsa bɨ fwon byaa ndɨ ajala ɛ.

Yʉanes 7:7

Bʉr o ndɨ egumo e si nwaʼ ɛ, bé abe e nkul enwim bɨn. Bé nwim ó me ome, ebe, me enwahle bɨsyɛɛla bɨ ebebe bé lé esa ɛ.

Rôm 3:31

É jɔʼ bɨh lé elɛɛ lɔɔ buʼo ga yina ɛ, zê bɨh bé lé egbɛɛ motie ɛ? Hɨʼɨ, yé abe ba no. Bɨh bé elɨl motie maa ó, lɨl lɨlɨ.

Rôm 1:30

ka kɛl movoʼ. Bé nteme, bé ebene Zyɛm, le epyeh bʉr. Bé e nkɛa nyʉl, ndwe e jaale. Bé ekʉ ka saa ó njɨ mopɨʼ mo ekuhlo mʉʉ mobebe mofih. Bé ajoʼo obyɛl bɔɔ.

Mataos 12:34

Kampaŋa bɨgurokɔɔ yi, wáa mbi bɨn ndɨ e nkul elɛɛ mɨmpaŋ bɨsɔʼɔ ɛ? Ebe, bɨn bé é bebe! Sa mʉr ndɨ e ye lwɨŋla é leme e, yé ó nʉm we lé epyɛl kʉl ɨ.

2 Pyɛr 2:14

mih mɔɔ lé esaa bʉba bé saʼ mɨfyɛba e be e. Bé agbala ba lé esa mɨsyem. Bé ekwab bʉr o ndɨ é pɨŋla é l'ebò e cyen lɔɔ ɛ. Bɨ gba nyʉl lé ejwɨʼ edu bɨgwɨma bɨ nyʉl bɨpuno wɔɔ é dwiii. Zyɛm, nyi káale be.

Mataos 5:19

«Ebe no, ǃɨ mʉr si ntaa etie, dam be ó, laa ndɨ é bul twaʼbe e, le eyeʼle bʉr ó, bé ntaŋa motie no nɛʼɛ, nye óbe ó mpʉ mʉr twaʼa é sama bʉr o jwɨ̀ʼa mo Da. To kœb ó, mʉr nyiwɛh ódu motie maa le eyeʼle bʉʉ bʉr esa no e, nye ócyelɔ é dia nɨnɨ é jwɨ̀ʼa mo Da.

1 Korɛnt 9:21

É jɔʼ me ndɨ esyɛŋa zi e bʉr o ndɨ adu motie mo Moyiz ɨ, bɨh e boo nɔɔ, bé e l'ebò e cyen egwar. Yé anwɨɨla ó, me ó é monkara mo mɛra motie. Me esa no ó, me nkʉʼ dulo bʉr o bɨkul bɨfih onɨ. É l'ocyecye, me agwɨm dwih nyʉl wam é nkara motie mo Zyɛm, ebe, me ó é nkara mo Krɨst.

Kolosi 2:18

É mpʉ bɨn ndɨ afil monyʉl si e beengles, nkʉ dwiibɨ be e, ǃɨ mʉr si dwe bɨn mobe mo mpene tɨʼ nɛʼɛ, anʉa ga lwib ye, gba é nkɔb. ǃBé si bee bɨsa mpʉ bé lé enyin-nyin é lima nɛʼɛ, bɨsa byaa ó bé lé enʉa, gba é nkɔb. Mɨmbi mɨ bʉr myaa, myé ó lwɨŋla e nkɛa nyʉl. Bé enkɛɛ-nkɛɛ monyʉl mɔɔ ó, mbɛh, ebe, mɨpɛhla myɔɔ, myé ekʉ ka duho ó njɨ é nkul ebebe lɔɔ tʉŋlʉ.