Rôm 8:6 - Kálara Zyɛ̌m Edwán é mpʉ̌n

⁶ Ebe, bʉr o ndɨ epahle njɨ bɨgwɨma bɨ nyʉl bɨpuno e, byé edaʼre ó efie é monyʉl mɔɔ. Gwɨma mo Mbɨambɨa Sisim yɛɛ, yé edwe bʉr tiʼ molu mo mpoʼ mɨmɛh ndwe e motala.

Kálar Nzyɛ̌m : Ejwán é Sáá

⁶ Yé bé njwɨr myâ gá wɨ́ná, wé lɨ́ epalwo mʉ̂r ɨ́ léme nó, eswie ó ngá jala e mʉr waá. Ɨ́ jɔ̌ʼ Sísǐm mé Nzyɛ̌m dí edi mʉ̂r ɨ́ léme yɨ́, mʉr waá óbǐ mpǎŋ twiʼ. Lémé wé, wé ólóno ɨ́ mepyɛbla.

Rôm 8:6 ပူးပေါင်းရင်းမြစ်များ

Galásia 6:8

Mʉr lé edu bɨgwɨma bɨ nyʉl bɨpuno we e, nye óbi efie, duho é bɨsyɛɛla bɨ tɨ. To kœb ó, waa lé edu zi Mbɨambɨa Sisim lé ekpɛl ɨ, nye óbi tiʼ molu mo mpoʼ mɨmɛh é zi mo Mbɨambɨa Sisim.

Rôm 8:7

Baa ndɨ edu njɨ bɨgwɨma bɨ nyʉl bɨpuno e, bé ó bʉr o dɔm mo Zyɛm. Bé agum ka du motie Zyɛm a tiile bʉr ɨ. Bé ákwoʼ mɛʼle du me.

Rôm 8:13

ǃBɨn si du bɨgwɨma bɨ nyʉl bɨpuno win nɛʼɛ, lɛɛ ó, bɨn bé ójala e l'ebebe laa. Sa gwar, ǃbɨn si lele nkul é zi Mbɨambɨa Sisim, ntɔʼ teʼle bɨsyɛɛla bɨ nyʉl bɨpuno nɛʼɛ, lɛɛ ó, bɨn bé óbi tiʼ molu mo mpoʼ mɨmɛh.

Rôm 13:14

Diʼe ga é zyɛŋa win boo Da Yesʉs-Krɨst. Bwara ga nye mpʉ kan. Acen ga mɨleme min é nko paʼ bɨsyɛɛla nyʉl bɨpuno win lé egwɨm sa ɛ.

Rôm 6:23

Myɛna mo mʉr lé esa syem ɨ, mé ó njɨ efie. To kœb ó, ndwɛa Zyɛm a dwe bʉr edwɛna ɛ, wé ó tiʼ molu mo mpoʼ mɨmɛh é zyɛŋa ga wina boo Tî ga wina Yesʉs-Krɨst.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,

Yʉanes 14:27

«Motala ó me lé eliʼe bɨn e ma ma. Motala mam ó me lé edwe bɨn ma. Me adwe bɨn motala mam mpʉ bʉr o si nwaʼ lé edweela bɨsɔʼɔ, ka bula dɛn bye e. Asyɛl ga ba. Ajoʼo ga bʉa.

Rôm 6:21

Wáa nyɔm bɨn bé a dira e mɨsyem bɨn bé a sa ɛ? Banana, bɨn mu ó lé ejoʼo fwon lé etoŋlo bɨsyɛɛla bɨ ebebe byaa. Byé ó ndɨ eto e bʉr nko efie.

Rôm 14:17

Jwɨ̀ʼa mo Zyɛm, yé abul dwɛʼ lɔb ede le enyʉl. Yé ó jwɨ̀ʼa ocɨcyel, motala, ndwe e bɨsʉhʉ bɨna lé ebi ga é zi mo Mbɨambɨa Sisim ɨ.

Rôm 7:5

É jɔʼ yiyɛh bɨna bé a be lé edu ga bɨgwɨma bɨ nyʉl bɨpuno ga wina ɛ, motie mo Zyɛm, mé a be-be nteme ó, lé eto le eyɨm bɨfum bɨ nyʉl ga bina ó, byé loŋla bɨsyɛɛla bɨ ebebe bɨna bé a kʉ gwɨm ɨ. Byé ntɔʼ daʼre efie é monyʉl ga mɨna.

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Rôm 7:11

Jɨh tɨʼ motie, mé a nee Syem zi, wé ntɔʼ bee ó, wé mu ó e zi mbeʼ ó, wé dimla me é zi bɨkʉʉŋʉ bye. Wé a jʉ me ó, jʉ jʉʼo, lé ebɨlan e motie Zyɛm a tiile e.

Rôm 5:10

É jɔʼ bɨna bé a be ga bʉr o dɔm mo Zyɛm ɨ, Mwan mo Zyɛm a si dwè é l'efu ga lɨna, lé esa sàa paʼra ga wina boo Zyɛm. Krɨst pa taare cwɨa e bʉr o dɔm be, a dwɛʼra e bɨna ga, bʉr o sàa waa! Zyɛm ókʉ baʼle bɨna ga bɨtiʼ ó, é zi nkul ndɨ é tiʼ mo Mwan we e.

Rôm 5:1

Zyɛm mu ó si dwe bɨna ga mokebe ebe taa buʼo bɨna lé ejyɛʼ boo Krɨst ɨ. Ebe no ó bɨna ga e boo Zyɛm mu mbɨmbɨa, dumo e Tî ga wina Yesʉs-Krɨst ɨ.

Yʉanes 17:5

No ó, Da! Banana, dweʼ me kum mpʉ waa me a be e nye go ye, é jɔʼ kʉ e si, byé a baapa cyeŋɔ ɛ.

Rôm 8:27

Zyɛm, nye ebee sa ndɨ é mɨleme mɨ bʉr ɨ, le egʉa nteme sa Sisim we lé egwɨm ɨ. Nye esa nye mɨnjwɨʼla ó, é l'efu e mɨsaŋ mɨ bʉr mo Zyɛm é mbi ndɨ ejala ɛ.