Rôm 8:4 - Kálara Zyɛ̌m Edwán é mpʉ̌n

⁴ Nye a jaʼra e bɨntɨʼa é nyʉl we ó, nye nkʉʼ du ocɨcyel o motie mɨmɛh Zyɛm a tiile bʉr ɨ. Bɨna bé ebi ga mopoʼ mo syɛɛla ye yaa ó, é jɔʼ bɨna lé ekœʼ ga ebò e cyen Mbɨambɨa Sisim lé etɨe bɨna ga ɛ, aka be lé edu bɨgwɨma bɨ nyʉl bɨpuno ga wina.

Kálar Nzyɛ̌m : Ejwán é Sáá

⁴ Nye á sia e bintɨ́ʼá ɨ́ nyʉ̂l nyé ó, nye nkʉ̂ lóŋlo ótîtyěl o bísyɛ́ɛla bíbyɛ̂h Nzyɛ̌m á boo lɛ́ɛ ó, bʉr sâʼ bí. Mɨná bi gá mepwaʼ bísyɛ́ɛla byé byaá ó, ebe mɨ́ná dí edû gá kʉ̌ tyěn Sísǐm mé Nzyɛ̌m dí etɨ́e wɨ́. Mɨná bé akǎ dû gá njwɨr myâ gá wɨ́ná.

Rôm 8:4 ပူးပေါင်းရင်းမြစ်များ

Galásia 5:16

Ebe no, me elɛɛ bɨn ó nɛɛ: kœʼœ ga ebò e cyen Mbɨambɨa Sisim lé etɨe bɨn ɨ. ǃBɨn óbe si sa no nɛʼɛ, bɨn bé aŋa ka du bɨgwɨma bɨ nyʉl bɨpuno ga wina,

Kolosi 1:22

No ó, banana, Zyɛm, nyi sa sàa paʼra win boo nɔɔ, ó nye nkʉʼ cyel bɨn é mih me mɨsaŋ mɨ bʉr, abe e mobe, abe e sa ebebe nye a ngbaa nwahle bɨn e tɨ. Nye a sa sàa waa ó, é zi mo Mwan we é jɔʼ Mwan we a bir tiʼ ye, le emɛʼle ó, nyʉl we, nye dwèʼ e.

Yʉ̂d 1:24

Kum, nye beʼ e mʉr ndɨ e nkul ekamle e bɨn ó, bɨn beʼ l'aduma, waa nteme ndɨ e nkul ecyel bɨn é mih me, waa ndɨ é moncɛnba ɛ, abe e sa ebebe nye a ngbaa nwahle bɨn e tɨ. Bɨn bé óbe nteme ó e bɨsʉhʉ é buobuo.

Ebrœ̂ 12:23

Bɨn bɨ pyal é gwɨhla modweʼe mo bwan mo Zyɛm. Mie mɨn boo nɔɔ, mé ó mɨtila é jobo kʉ. Bɨn bɨ dihle boo Zyɛm, mʉr ndɨ etiʼe mɨlɔb mɨ bʉr bɨbɛh ɛ. Bɨn bɨ pyal gumo ocɨcyel o bʉr ndɨ ɨ, baa mɨsisim myɔɔ mu si kumo é l'ombɨmbɨa é mɨpaʼ mimyɛh ɛ.

Mɨngwiha 14:5

Bé asa mpʉl. Abe e sa ebebe mʉr a ngbaa nwahle be e tɨ.

1 Yʉanes 3:2

Obɨɔ o kpɛl bam aa! Banana, bɨna mu ó bwan mo Zyɛm. Yé dam be no, mbi bʉr bɨna bé ódi ga ɛ, wé apa gʉa gʉŋɔ. Sa bɨna lé egʉa ga ɛ, yé ó, é dobo Yesʉs-Krɨst óbula ze e, bɨna bé ónwɨɨla ga e nye, ebe, bɨna bé óbee ga nye mbi nye ndɨ ɨ.

Rôm 2:26

ǃƗ mʉr a baapa saŋɔ mpʉn ɨ, si du motie nɛʼɛ, Zyɛm óbee nye ó, mpʉ sa lɛɛ ó, nye ó sɛa mpʉn.

Lʉkas 1:6

Bɨbɛh oba, bé a be ó ocɨcyel o bʉr é mih mo Zyɛm, lé edu mɨtiila ndwe e mompene mo Da. Ebò e cyen lɔɔ, alɨŋa ba.

Rôm 3:31

É jɔʼ bɨh lé elɛɛ lɔɔ buʼo ga yina ɛ, zê bɨh bé lé egbɛɛ motie ɛ? Hɨʼɨ, yé abe ba no. Bɨh bé elɨl motie maa ó, lɨl lɨlɨ.

2 Korɛnt 10:2

Me ejwɨʼla e bɨn ó, ǃme si ze gʉʼ bɨn ye nɛʼɛ, bɨn beʼ l'asa ó, me lɛʼla bɨn mpʉ me ndɨ e nkul lwib é kpɛŋlɛm, abaawe sɔʼɔ e mʉr ɨ. Me elɛʼle monyan maa ó e bʉr o ndɨ elɛɛ ó, me ekœʼ ebò e cyen lé ebaŋa bʉr o si nwaʼ ɛ.

2 Korɛnt 10:3

Yé cyecye ó, bɨna bé etiʼe ga ó, é si nwa. Sa gwar, dɔm bɨna lé elwimla ga ɛ, bɨna bé abe lé elwimla ga le e nkul bʉr o si nwa,