Rôm 8:30 - Kálara Zyɛ̌m Edwán é mpʉ̌n

³⁰ Baa nye a bɛa tiile é leme ó, bé ópɛhɔ ɛ, bé ó nye a jebe e. Baa nye a jebe e, bé ó nye a dwe mokebe é mih me e. Bʉr nye a dwe mokebe e, bé nteme ó nye a kab kum we e.

Kálar Nzyɛ̌m : Ejwán é Sáá

³⁰ Bʉr o nyé á boo twâr bá, bé ó nyé á jébe bá. Baá nyé á jébe bá, bé ó nyé á dwe nkam ɨ́ míh mé bá. Bʉr o nyé á dwe nkam bá, bé ó nyé á dwe ntémé kûm bá.

Rôm 8:30 ပူးပေါင်းရင်းမြစ်များ

Mɨngwiha 17:14

Bé ólʉo dɔm e Ma Ntœme, Ma Ntœme nyɛɛ lé entaa be é nkul dɔm, ebe, nye ó ndɨ Tî otî le Njwɨɨ ojwɨɨ. Bʉr o bé e boo nɔɔ lé entaa, bula e l'esaa é koo e, bé ó baa nye a jebe, le epɛh ɛ. Bé nteme, bé ó bʉr be ebuʼla.»

Rôm 8:28

Bɨna bé egʉa ga ó, Zyɛm, nye ebɛa cye bɨsa bibyɛh ó, byé diʼe e nyɔm é l'efu e bʉr o ndɨ ekpɛl nye, baa nye a jebe, duho é tiʼa nye a nʉa ɛ.

Éfɛsɔs 1:11

Bɨh oYʉden, bɨ syɛŋa é Yesʉs-Krɨst tʉŋlʉ ebe pɛha Zyɛm a pɛh bɨh ó, bɨh diʼe baa be, lé edu mɨtiila mɨ leme we. Nye ó mʉr lé egba nyʉl é sa ye yiyɛh, waa ndɨ esa ó, bɨsa bibyɛh, byé duʼo bɨgwɨma bɨ leme we e.

Ebrœ̂ 9:15

Ebe no ó Krɨst ndɨ mosàa-mɔm lé eduula paʼra wina boo Zyɛm ɨ. Nye a cyelɔ é dia mosàa-mɔm yaa ó, Zyɛm nkʉʼ de edwan e mpʉn ɨ. Nye a de mpʉn waa ó, e bʉr nye a jebe e, ó bé biʼe tiʼ molu mo mpoʼ mɨmɛh nye a kɛʼ be e. Ebe, Krɨst a si kɛha tiʼ ye lé ejala e mɨsyem ga mina, ó nye kʉrɨ bɨna ga. Mɨsyem myaa, myé a dɨ mɛr bɨna ga ó, taare é jɔʼ bɨna bé a be ga é mpʉn nye a taare de e bɨmpam ga bina ɛ.

Éfɛsɔs 1:5

nye a bɛa tiile é leme we ó, nye cyel bɨna ga é dia bwan o mobœʼa be ó, dumo e Yesʉs-Krɨst. Nye a sa no ó, njɨ ebe kpɛl ye ndwe e bɨgwɨma bɨ leme we.

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

1 Korɛnt 6:11

No nteme ó, bʉʉ bʉr o mbɛr Zyɛm win, bé a be-be e! Sa gwar, bɨn bé a si sohlɔ, pubɔ. Bɨn bɨ bi mokebe é mih mo Zyɛm lé ejyɛʼ taa buʼo yin boo Da Yesʉs-Krɨst, cwɨɨ é zi Mbɨambɨa Sisim.

1 Pyɛr 3:9

Mʉr beʼ l'abala ebebe e l'ebebe. Laa ó, go bala molwɨɨ go lwɨɔ ɛ, fuo sʉ yɛɛ baanya-molwɨɨ mocyɛʼ mo mpom. Zyɛm a jebe bɨn ó, bɨn saʼ no, bɨn nkʉʼ sʉŋɔ nkɔb é mocyɛʼ mo mpom nye lé esʉ bʉr be e.

Yʉanes 17:22

«É mpʉ bɨna di sa gwar ɨ, kum go a dwe me e, nye ó, ebe zyɛŋa waa. Ebe no, mɨ dwe be kum mpwar waa ó, bé diʼe sa gwar.

2 Pyɛr 1:10

Obɨɔ ga bam aa! Me elɛɛ bɨn ó nɛɛ: gbaʼ ga monyʉl lé esea é dwiii é l'efu ó, bɨn gʉŋa cyecye ó, Zyɛm a si jebe bɨn, le epɛh bɨn, ebe, ǃbɨn si sa no nɛʼɛ, bɨn bé ákwoʼ duma é syem.

1 Korɛnt 1:9

Zyɛm, nye ó mʉr ebuʼla. Nye ó b'a jebe bɨn ó, bɨn diʼe é zyɛŋa win boo Mwan we, Tî ga wina Yesʉs-Krɨst.

1 Tesalonika 2:12

Bɨh bé a si tɨe bɨn, le esa ó, bɨn tʉmɨ nyʉl ndwe le eboʼlo ó, bɨn bé ejala le ekœʼ ebò e cyen Zyɛm lé ekpɛl ó, bʉr kœʼœ œ. Tiʼa ga no, ebe, nye a jebe bɨn ó, bɨn niʼe é jwɨ̀ʼa ye, gumo kum we ndɨ epan ɨ.

1 Korɛnt 1:2

Bɨh bé etile ó, bʉr o mbɛr Zyɛm ndɨ ɨ Korɛnt ɨ. Yesʉs-Krɨst a si pubo bɨn. Zyɛm a jebe bɨn ó, bɨn diʼe mɨsaŋ mɨ bʉr be, bɨn e bʉr bɨbɛh ndɨ esa Tî ga wina Yesʉs-Krɨst mɨnjwɨʼla bɨgumo bɨgumo e. Nye ó Tî ga wina boo nɔɔ.

2 Timotɛ 2:11

Lɔɔ wi, wé ó lɔɔ ebuʼla: «ǃBɨna si syɛŋa ga e Krɨst é l'efie le wa, bɨna bé óbi ga tiʼ molu mo mpoʼ mɨmɛh, bɨna ga e boo nɔɔ.

Mɨngwiha 19:9

No ó engles a lɛɛ e me ó: «Tila: “Mocyɛʼ mo mpom, mé e bʉr o b'a baŋlɔ ó, bé toʼ, to de mode é zɔɔ eba mo Ma Ntœme e.”» Nye ze bâʼle lɛɛ e me ó: «Mokan ma, mé ó kʉ be cyecye. Mé eduho ó, é nʉm mo Zyɛm!»

Yʉanes 17:24

«Da, go a be ó si dwe me ba. Me ekpɛl ó, bé diʼe gumo me ódi ɨ. Bé óbee me é dia moncɛnba mam, dia go a bɛa dwe me ebe kpɛl yo, taare é jɔʼ kʉ e si, byé a baapa cyeŋɔ ɛ.

1 Pyɛr 5:10

Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

Kolosi 3:4

Krɨst ó ndɨ edwe bɨna ga tiʼ molu mo mpoʼ mɨmɛh. É jɔʼ nye óbâʼle nyin bʉr é mih é kpɛŋlɛm ɨ, bɨn e boo nɔɔ, bé ódweŋɔ kum sama.

Éfɛsɔs 4:4

Nyʉl mo Krɨst, nye ó ngwar. Mbɨambɨa Sisim, nye ó ngwar. Mɨleme ga mina, myé ó mɨlwɨŋla e mbɛla ngwar, waa Zyɛm a gba bɨn é mɨleme é jɔʼ nye a jebe bɨn ɨ.

2 Korɛnt 4:17

ebe, bwa o mɨtuu mɨ apyɛbpyɛb bɨh lé ebee é bananaʼ ɛ, myé elaa mpʉ ngul mpaa. Mɨtuu myaa, myé ó sa lé esa ó, bɨh biʼe buobuo kum ódi njʉmdia e njʉmdia ɛ.

Yʉanes 5:24

«Me elɛɛ bɨn cyecye ó nɛɛ: mʉr ójoʼo lwib yam le ejyɛʼ taa buʼo ye boo mʉr a ntɨh me e, nyi bi tiʼ molu mo mpoʼ mɨmɛh. Zyɛm, nye aŋa ka dwe nye mobe. Nyi bɛa dwihɔ é l'efie, ntɔʼ dweŋɔ tiʼ molu mo mpoʼ mɨmɛh.

Éfɛsɔs 2:6

Zyɛm a si pɛ̀h bɨna ga e boo Yesʉs-Krɨst é mofoo, ntɔʼ dil bɨna ga e boo nɔɔ é dia taʼa é jobo kʉ, é zyɛŋa wina boo Krɨst.

Rôm 8:1

Banana, bʉr o ndɨ é zyɛŋa wɔɔ boo Yesʉs-Krɨst ɨ, Zyɛm, nye aka láa be bɨbaa bɨ ebebe byɔɔ, nkʉ kab be bɨntɨʼa ndɨ ejala e le e.

Rôm 1:6

Bɨn nteme, bé ó é bʉr baa, bɨn bʉr o b'a jebɔ, dumo e Yesʉs-Krɨst ɨ.

Rôm 8:21

Zyɛm ópɛʼ mɨcyea bɨsa bibyɛh byaa é dia tɨtoʼo yaa, byé l'aka be sa lé ebo e. Byé óbe ó é dia otî, jwɨʼ gwar e bwan o mobœʼa mo Zyɛm bɨbɛh. Bé óbe ó e kum é dia otî yaa.

Rôm 11:29

ebe, é jɔʼ nye mu si tiʼe é leme we ó, nye jebe ó mʉr fih mʉr kɛ̀l, le edwe nye mɨndwɛa mye e, nye aŋa ka siila mɨtiʼa mɨ efoʼ myaa pie tɨ.

1 Korɛnt 2:7

Bɨh bé eyeʼle bʉr ó, ocyoo mo Zyɛm. Wé a taare be ó é lwib odim, sa Zyɛm a bɛa fol ɨ. Nye l'apa cye kʉ e si, nye a bɛa bà jwɨʼ ó, nye dwe ó bɨna ga ocyoo waa ndwe e kum tɨ.

Galásia 1:6

Me é jehe lé ebee wáa mbi bɨn bɨ ka lɨ tumo Zyɛm koo e, nyɛɛ waa a jebe bɨn é zi ncwɨncwɨa mo Krɨst ɨ! Bɨn bɨ bana liʼe nye, cen mɨleme min é nko paʼ fih, gumo bɨn lé ejoʼo ó, yé e guu lɔɔ fih ndɨ é bul mbɨa ɛ.

Galásia 1:15

Sa gwar, Zyɛm nyɛɛ a ka bee embɨa é nko paʼ we ó, nye lɛʼla me ncwɨncwɨa. No ó, nye a bɛa cyel me é dia syɛl mosa we ó, me dina é mo mo ayo.

Galásia 5:8

Mʉr a nyiŋ bɨn ó, bɨn cyɛʼɛ buʼo yin ɨ, nye aduho boo Zyɛm, waa a taare jebe bɨn ɨ.

Éfɛsɔs 3:11

É jɔʼ kʉ e si, byé a baapa be e, Zyɛm a bɛa tiʼe é leme we ó, nye óze dira jwɨʼ ye ó, é zi mo Tî ga wina Yesʉs-Krɨst.