Rôm 8:3 - Kálara Zyɛ̌m Edwán é mpʉ̌n

³ Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Kálar Nzyɛ̌m : Ejwán é Sáá

³ Yé á bé abána ó, mɨná bíʼee gá twiʼ ɨ́ mbaʼlá métié, ebě njwɨr myâ wɨ́ná, wé á be ɨ́ tyɛʼ. Metyɛʼ mé njwɨr myâ waá, mé ntɔ̂ʼ teʼle métié maá. Sá métié mé Moyɨ̂z, mé á be akoʼo lɨ́ esâ yɨ́, Nzyɛ̌m nyɨɛ á si bana sâ yê. Nye á dwe mɨná gá twiʼ ó ɨ́ nzɨ̌ Mwân wé nyé á ntɨh ɨ́ sí yɨ̂ʼ nyá. Mwân waá nzě byɛ̂l mʉ̂r. Nyʉ̂l bipúno nyé, nye á kʉ nwɨɨla ó e nyaá gá nyɨ́ná, osyɛ̂l o mísyóm. Nye á nze ó ɨ́ lɔ̌b syóm gá wɨ́ná. Nye á nze pɛʼ ó wê. Nzyɛ̌m nzě dwě Yésʉs mebě, le entɨ̂ʼ nyʉ̂l bipúno nyé ɨ́ jɔʼ nyé á búra e misyóm myaá yɨ́.

Rôm 8:3 ပူးပေါင်းရင်းမြစ်များ

Mɨlʉmlʉ 13:39

Bʉr bɨbɛh ndɨ ejyɛʼ taa buʼo yɔɔ boo nye e, bé óbi mokebe é mih mo Zyɛm. Mʉr, nye epɛʼɔ bɨbaa bɨ ebebe bibyɛh, dam be byaa motie mo Moyiz, mé a baakoʼo epɛʼ ɛ.

Galásia 3:13

Yesʉs-Krɨst a si jɛna mobyaʼ ga mɨna, lé epɛʼ bɨna ga é sama bʉr o b'a jala le ekáalɔ ɛ. Nye a nʉa bɨkɔ́ɔlʉ bibyɛh byaa ó, é l'efu ga lɨna, ebe, yé ó tila é motie mo Zyɛm ó: «Mʉr nyiwɛh a cyèlɔ é lɨ kʉ ɨ, nye ó ndɨ waa Zyɛm a káale e.»

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

Ebrœ̂ 10:14

Nyɛɛ a kʉ dwe ó njɨ ndwɛa ngwar, bʉr o b'a be ó, bé pubɔ ɛ, bé ntɔʼ puba mbɨmbɨa é mɨpaʼ mimyɛh. Bé ódi-di no ó njʉmdia e njʉmdia.

1 Pyɛr 2:24

Krɨst nye mʉr tɨʼ a si nkɛɛ mɨsyem ga mina é nyʉl we, ntɔʼ dwè é klos. Nye a sa no ó, bɨna dwèʼ ga é nko paʼ mo Syem, bɨna nkʉʼ kœʼ ga ebò e cyen ndɨ cɨcyel ɨ. Bɨna bé a be ga ó mɨsyoblʉ. Bɨna ntɔʼ ka tiʼe ga ebe mopɨɨ me,

Rôm 6:6

Bɨna bé egʉa ga ó, é jɔʼ Yesʉs-Krɨst a cyèlɔ é klos ɨ, Zyɛm a si bomlo mɨnjʉ̌m motum ga mɨna tɨʼ nteme é l'efu ó, nye dwihɨ bɨna ga nyʉl ndɨ eyɨm bɨna ó, bɨna saʼ ga mɨsyem ɨ, ndwe nteme, bɨna l'ayi ka bâʼle di ga molʉa, lé esil lé esa mɨsyem mimyɛh bɨgwɨma ga bina ndɨ eyɨm bɨna ó, bɨna saʼ ɛ,

Galásia 3:21

Yé be no nɛʼɛ, zê yé lé elɛɛ ó, motie le nkɛʼ mo Zyɛm waa, byé e ziila? Hɨʼɨ, yé abe ba no! Ziila, nye abe tɨ. Nkʉ yé a be ó be, be e lʉʉ etie lé edwe bʉr tiʼ molu mo mpoʼ mɨmɛh nɛʼɛ, mpa bʉr mu ó lé ebi mokebe é mih mo Zyɛm é zi etie laa.

Rôm 8:32

Zyɛm nyɛɛ a baakamle e Mwan we. Nye a dwe tiʼ Mwan we ó, é ziila e bɨna ga bɨbɛh. Zyɛm pa taare dwe bɨna ga Mwan we, a dwɛʼra e bɨsa bɨfih bibyɛh! Nye óbana dwe bɨna ga bya nteme, mpʉ nye a taare dwe bɨna ga Mwan we e.

Rôm 3:20

Mʉr ákwoʼ bi mokebe é mih mo Zyɛm ebe mbi nye lé edu motie e. Motie, mé ekʉ ka sea syɛɛ ó njɨ yaa elɛʼle bɨna ga ó, bɨna ga bé ó bʉr o mɨsyem.

Ebrœ̂ 2:14

Ebe no, mpʉ bwan nye lé elwib, tiibe e be e, bé ó bʉr o bɨpuno le motié e, é jwɨʼ gwar e gwar yaa nteme ó Yesʉs a byɛl mʉr ɨ, nye ntɔʼ dwè é l'efu ó, nye teʼla mʉr a be-be e nkul efie e. Mʉr waa, nye ó Njwɨɨ moleme!

Filipi 2:7

Laa ó, nye nyinɨ njɨ é cye yaa, nye a fuo fil yɛɛ nyʉl we si, ze kʉ nyin mpʉ elʉa. É mbi waa ó nye a ka fuʼla mʉr mpʉ bɨna ndɨ ga ɛ.

Ebrœ̂ 10:12

To kœb ó, Krɨst nyɛɛ a si dwe Zyɛm motwina mompwar é jɔʼ gwar lé epɛʼ mɨsyem é l'efu e bɨjɔʼ bibyɛh. Nye ze to di si é mbo ejʉm we.

Ebrœ̂ 4:15

Ebe, njwɨɨ opara bɨna ga ndɨ e nye e, nye ó waa ndɨ e nkul ejwɨʼ bɨna ga nkoo é jɔʼ nye lé ebee ecyɛʼ ga lɨna ɛ. Nye a si boblɔ mɨmbi mimyɛh, jwɨʼ gwar e gwar e bɨna ga; sa gwar, nyɛɛ l'aduma, nkʉ sa ba syem.

Ebrœ̂ 2:17

Ebe, yé a jala ó, nye diʼe kʉ be mpʉ jyɛɛ ye é mɨpaʼ mimyɛh. Nye a nwɨɨla e bɨna ga é l'efu ó, nye nkʉʼ lɛʼle bɨna ga ncwɨncwɨa, le edi njwɨɨ opara ndɨ mʉr ebuʼla ɛ. Nye ó lé ejala le esea é mɨlɔb mimyɛh ndɨ edwɛʼ Zyɛm ɨ. Nye ó mʉr a dwè, jala e mɨsyem ga mina ɛ. Efie le, lé ó b'a leʼe empime mo Zyɛm.

Rôm 9:3

Wé ekpaa me ó, lé ebee obɨɔ bam, bʉr o bɨh e boo nɔɔ bé a byɛl ɨ, bé mu é bɨkɔ́ɔlʉ tʉŋlʉ. Nkʉ Zyɛm be ó be, mɛʼle nɛʼɛ, mpa mɨ fuo ka lɛɛ ó, nye pɛʼɛ be bɨkɔ́ɔlʉ byɔɔ byaa, nye dihba káale yɛɛ me, dam be ó, bɨh e Krɨst, bé ófuo bɔʼa mpa.

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Yʉanes 9:24

OFarizyɛŋ, bé ze bâʼle baŋle mʉr a tiʼɔ ɛ. Bé e nye ó: «Lɛŋɨ ocyecye é mih mo Zyɛm. Bɨh bé egʉa ó, mʉr nɨ, nye ó syɛl mɨsyem.»

Markus 15:27

Bé a cyèl nye kʉ ó, sama e bɨzilngan bɨba, ze cyèlɔ nteme bye é bɨklos: yiʼ klos, é nko paʼ mbo ejʉm mo Yesʉs; yʉʉ, é nko paʼ mbo emyɛl. [

Rôm 7:18

Ebe no, me egʉa mbɨmbɨa ó, sa mpa, yé abe é me. (Me si jala le etile yɛɛ ó: «é nyʉl bɨpuno wam tʉŋlʉ».) Ebe sa lé ekunbo e me e, yé ó, me gwɨmɨ mɨmpaŋ bɨsyɛɛla. To kœb ó, nkul ndɨ ó, me saʼ bɨsyɛɛla byaa ɛ, nye akunbo e me.