Rôm 8:23 - Kálara Zyɛ̌m Edwán é mpʉ̌n

²³ Sa gwar, yé abe njɨ mɨcyea bɨsɔʼɔ ndɨ é tuu é banana. Yé ó ndwe e bɨna ga bʉr o tɨ, baa Zyɛm a taare lé elɛʼle dweʼle nkul mo Sisim we e. Bɨna ga ó ndɨ é tuu waa é mɨsisim ga mina tʉŋlʉ. Bɨna bé óto dolo lé esime no, cye yiyɛh bɨna dina lé ebono jɔʼ nye ódil bɨna ga é dia bwan o mobœʼa be e. Yé óbe ó é dobo nye ósil dwih monyʉl ga mɨna é mpila ebebe e.

Kálar Nzyɛ̌m : Ejwán é Sáá

²³ Yé abě njɨ nó. Nzyɛ̌m mû ó sí ntɨh mɨ́ná gá Sísǐm wé. Mɨná bé á nyɛɛ bi gá ó, etʉ́m laá. Damá jóʼo nó, milémé gá míná dína ó lɨ́ etíme. Yé ó nó, tó kumo ó, dʉ́ó Nzyɛ̌m ósîl étyêl mɨ́ná gá ɨ́ tyé bwán bé yɨ́. Dʉ́o laá ó nyé ngá dwih ményʉ́l gá mɨ́ná ɨ́ mpila ébébe yɨ́.

Rôm 8:23 ပူးပေါင်းရင်းမြစ်များ

Ebrœ̂ 9:28

Jwɨʼ gwar e gwar yaa nteme e Krɨst. Nye a kʉ ka dwè ó njɨ é jɔʼ gwar é l'efu ó, nye jala e mɨsyem mɨ bʉr é buobuo. É dobo nye óbula ze e, nye aŋa bâʼle dwih bʉr é mpila ebebe lɔɔ. Zea nye óze e, wé óbe ó, lé edwe bʉr o ndɨ ebono nye e, tiʼ molu mo mpoʼ mɨmɛh.

Éfɛsɔs 1:14

Wé nteme, wé ó tɔɔ bɛn, sa lé elɛʼle tiʼ molu mo mpoʼ mɨmɛh nye lé ekomo bɨna ga ɛ. Bɨna bé óbi ga tiʼ molu mo mpoʼ mɨmɛh ó, jɔʼ nye óbe si sil lé edwih bɨna ga é mpila ebebe lɨna é pololo e. Bɨna dwiibɨ ga nye ebe mpwaʼ kum we.

Éfɛsɔs 4:30

Mʉr asa syɛɛla ebebe yé ókwɨɨ Sisim mo Zyɛm ndɨ ti ɨ, empime é leme e. Sisim waa, wé ó mpʉ ejwɨʼ Zyɛm a gba é bɨn ɨ, ejwɨʼ lé elɛʼle ó, nye ódwih bɨn é mpila ebebe lɨn é pololo.

Títos 2:13

Bɨna bé ódi ga no ó, lé ebono mʉr lé egba bɨna mbɛla é mɨleme, waa lé esʉ bɨna mocyɛʼ mo mpom ɨ. Nye ó Zyɛm nɨnɨ ga wina, Tiʼbʉr ga wina Yesʉs-Krɨst, waa óbâʼle lɛʼle bɨna ga moncɛnba me e.

Galásia 5:5

É wih paʼ, bɨh bɛɛ, bé a si jyɛʼ taa buʼo yih boo Zyɛm. Ebe buʼo yaa ó Mbɨambɨa Sisim lé egba bɨh mbɛla é mɨleme e. Bɨh bé e mbɛla ó, bɨh bé óbana bi mokebe é mbo mo Zyɛm.

Rôm 7:24

A vwaʼ e me! Zé ósyɛb me é nkul nyʉl bɨpuno nwa? Nye ejɨ jʉ me!

Rôm 8:19

Ebe, mɨcyea bɨsa bibyɛh, byé egwɨm bee dobo Zyɛm ólɛʼle bye bwan be é pono e.

Lʉkas 20:36

ebe, bé aŋa ka bâʼle dwè. Bé óbe ó mpʉ beengles. Bé ó bwan mo Zyɛm, ebe, bɨ bɛa pàh.

1 Yʉanes 3:2

Obɨɔ o kpɛl bam aa! Banana, bɨna mu ó bwan mo Zyɛm. Yé dam be no, mbi bʉr bɨna bé ódi ga ɛ, wé apa gʉa gʉŋɔ. Sa bɨna lé egʉa ga ɛ, yé ó, é dobo Yesʉs-Krɨst óbula ze e, bɨna bé ónwɨɨla ga e nye, ebe, bɨna bé óbee ga nye mbi nye ndɨ ɨ.

Lʉkas 21:28

É jɔʼ bɨsyɛɛla byaa, byé ótaare lé esyɛɛlɨ ɨ, soha ga. Bɨn bé à syɛm mih kʉ. Jɔʼ Zyɛm ódwih bɨn é mpila ebebe lɨn é pololo e, yé mu ó kunokuno l epyal.»

1 Pyɛr 1:7

Bɨn bé ebɔma e mobʉbla maa ó, bɨn nkʉʼ gʉa bee pie tɨʼ nkʉ bɨn bé ó e buʼo mpa. Taa buʼo bɨn lé ejyɛʼ boo Zyɛm ɨ, yé ó bɨn é bul buo dime, laa gol. Gol ndɨ sa yé ódim ɨ, pa taare gbaŋɔ é duro e molul, ó yé gʉa nyin nkʉ yé ó mpaŋ gol cyecye, a dwɛʼra e buʼo ga yina! Ebe no ó bʉr, bé ógumlo Zyɛm, le edwiibɨ nye é dobo Yesʉs-Krɨst óbula ze e.

2 Timotɛ 4:8

Yi kʉ ka liʼ me ó njɨ ebœrɔ epʉʼlʉ é lʉ, laa ndɨ koma é l'efu lam ɨ. Epʉʼlʉ laa, lé ó ngo lɛʼle ó, mɨ bi mokebe é mih mo Zyɛm. Da Yesʉs óbœr me la ó, é dobo nye óbula ze e. Nye ó tiʼà mɨlɔb ndɨ etiʼe é l'ocɨcyel ɨ. Nye aŋa dwe yɛɛ njɨ me e me. Mopʉʼlʉ maa, mé óbœrɔ nteme ó, bʉr bɨbɛh lé esoho dobo Yesʉs-Krɨst óbula ze e.

Rôm 5:5

ǃƗ mbɛla si loŋlo mʉr é leme nɛʼɛ, mʉr waa, nye aŋa ka bil fwon, ebe, Zyɛm, nyi lɛʼle bɨna ga mpʉ nye lé ekpɛl bɨna ga ɛ. Nye a lɛʼle bɨna ga no ó, é zi Mbɨambɨa Sisim, waa nye a ntɨh bɨna ga ɛ.

Éfɛsɔs 5:9

Me elɛɛ no ó, ebe, bʉr o ndɨ é myɛn ɨ, bɛɛ ó ndɨ egumo mbɨambɨa mpumo mɨmbi mimyɛh: myaa mɨ ncwɨncwɨa e l'ocɨcyel ndwe e l'ocyecye.

2 Korɛnt 7:5

Ebe, é jɔʼ bɨh bé a pyal Masedwan ɨ, bɨh bé a baabi egbala. Bɨh bé a si dihbe mɨtuu é mɨpaʼ mimyɛh. É nko paʼ monyʉl mɨh, bɨh bé a bɔma ó e bɨtom. É mɨleme mih, bɨh bé a dɨ joʼo ó, njɨ bʉa.

Rôm 5:3

Dam be mɨtuu e mɨndɛl bɨna lé ebɔma ga e mye e, bɨna bé ekʉ bana mɨɨla ga e mye, ebe, bɨna bé egʉa ga ó, baa lé edihbe mɨtuu ɨ, bé ójwɨʼ bihbe tɨ.

Rôm 5:11

Yé abe njɨ no, yé ome: bɨna mu lé emɨɨla ga nteme ó, dumo e Tî ga wina Yesʉs-Krɨst, é zyɛŋa ga wina boo Zyɛm. Nye ó b'a sa sàa paʼra ga wina boo Zyɛm é jɔʼ yi.

1 Korɛnt 1:7

Bɨntɔɔ Zyɛm lé enol bwan be e, nyi nol bɨn nteme bya. É jɔʼ bɨn dina lé ebono zea Tî ga wina Yesʉs-Krɨst óze e, bɨn mu ó e bɨntɔɔ Zyɛm a nol bɨn binɨ.

2 Korɛnt 1:22

Nye nteme ó b'a ntɨh bɨna ga Mbɨambɨa Sisim. Naa yé ó, nyi gba mɨsisim ga mina luʼ, ntɔʼ ŋmɛh luʼ waa e sitam. Mojwɨʼ nye a gba é bɨna no e, mé ó dweʼle ndwe e bɛn, sa lé elɛʼle ó, nyi dwe bɨna ga tiʼ molu mo mpoʼ mɨmɛh ɛ.