Rôm 8:2 - Kálara Zyɛ̌m Edwán é mpʉ̌n

² Bɨna bé a be ga ó mɨmɛra é mpila mɨsyem. Mɨsyem myaa, myé ó b'a liŋ bɨna ga odwè é mih mo Zyɛm. Mbɨambɨa Sisim ze dwe bɨna ga tiʼ molu mo mpoʼ mɨmɛh é zyɛŋa ga wina boo Yesʉs-Krɨst.

Kálar Nzyɛ̌m : Ejwán é Sáá

² Me á nyɛɛ be ó túʼǎ ɨ́ lɔ̌b tíná mé Syóm, bé le eswie. Me á be ó, ɨ́ mpila yɔ́ɔ́. Sísǐm mé Nzyɛ̌m nzě tíne mé ó, me bíʼee twiʼ ɨ́ mpúhlá nyɨ́h e Yésʉs-Krîst. Nye ó b'á dwih me ɨ́ mpila yaá, pɛʼ mé tɨ̂ʼ ɨ́ fá.

Rôm 8:2 ပူးပေါင်းရင်းမြစ်များ

Rôm 6:14

Ebe, Syem, wé ajala le eka jwɨ̀ʼ bɨn, ebe, bɨn bé aka be é monkara mo mɛra motie. Banana, bɨn mu ó baa Zyɛm a lɛʼle ncwɨncwɨa we e.

2 Korɛnt 3:17

To kœb ó, ekan e «Da» Kalara Zyɛm lé elɛɛ ɛ, lé elɛʼle ó Mbɨambɨa Sisim! No ó, gumo Sisim mo Da Yesʉs ndɨ ɨ, bʉr, bé mu ó é dia otî.

Rôm 6:18

Zyɛm a si sa ó, bɨn diʼe é dia otî é nko paʼ mɨsyem. Bɨn mu é bananaʼ ó, molʉa é l'efu le esa bɨsyɛɛla byaa ndɨ ocɨcyel ɨ.

2 Korɛnt 3:6

Nye ó b'a dwe bɨh nkul ó, bɨh nkʉʼ di bʉr o ndɨ ejala le esea nye syɛɛ ye e. Bɨh mu ó osyɛl o mosa be, lé enyiŋ bʉr ó, bé nʉŋa Edwan e Mpʉn nye a de e bʉr ɨ. Nye a de mpʉn waa e be ó, é zi Sisim we, abe é zi motie ndɨ mɨtila ɛ, ebe, motie maa, mé ejʉ ó, jʉʼo. Sisim we ó ndɨ edwe bʉr tiʼ molu mo mpoʼ mɨmɛh.

1 Korɛnt 15:45

Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr efoʼ, Adam, a be ó kublakubla.» Adam a fuʼla ka ze e, nye ó Sisim lé etiʼ bʉr ɨ.

Yʉanes 8:36

ǃƗ Mwan mo Zyɛm si dwih bɨn é dia olʉa nɛʼɛ, gʉŋa ga ó, bɨn bé ódi é dia otî é jɔʼ yaa.

Yʉanes 8:32

É jɔʼ bɨn bé ógʉa ocyecye e, ocyecye waa, wé ódil bɨn é dia otî.»

Rôm 7:4

Obɨɔ ga bam aa! Bɨn nteme, bé ó é dia otî, motie mo Moyiz l'aka jwɨ̀ʼ bɨn, ebe, é zyɛŋa win boo Krɨst, bɨn bé a si dwè é nko paʼ bɨpuno. Bɨn bé a dwè ó, bɨn nkʉʼ di baa mo Krɨst, mʉr Zyɛm a pɛ̀h é foo ó, bɨna nkʉʼ gumo ga mpumo é l'efu mo Zyɛm ɨ.

Rôm 6:22

Banana, Zyɛm, nyi sa ó, bɨn diʼe é dia otî é nko paʼ Syem. Bɨn mu ó é dia osyɛl o mosa mo Zyɛm. Mpumo lé ecyèl é bɨtiʼ bin ɨ, nye ó ndɨ ebò e cyen ndɨ ti é mih mo Zyɛm ɨ. Ndumlo tɨ, wé ó tiʼ molu mo mpoʼ mɨmɛh.

Yʉanes 6:63

Mbɨambɨa Sisim ó ndɨ edwe bʉr tiʼ molu mo mpoʼ mɨmɛh. Mʉr ákwoʼ dira nyɔm e bɨsyɛɛla bɨ nyʉl bɨpuno. Bɨlwib me lé elwib e bɨn bi, byé eduho ó boo Mbɨambɨa Sisim. Byé nteme, byé ó lé edwe bɨn tiʼ molu mo mpoʼ mɨmɛh.

Yʉanes 4:14

Sa gwar, mʉr nyiwɛh óde modibe me ódwe nye e, nye aŋa ka joʼo dweh modibe, ebe, modibe me ódwe nye e, mé ólihba eno é leme we tʉŋlʉ, gumo tiʼ molu mo mpoʼ mɨmɛh, yé ódɨ sah ɛ.»

Yʉanes 4:10

Yesʉs ntɔʼ lɛɛ e nye ó: «Nkʉ go be ó be, gʉa etʉm Zyɛm lé entɨh-ntɨh bʉr ɨ, ndwe e mʉr lé ejaʼ go modibe nɛʼɛ, mpa go ô jaʼ nye modibe lé esah ɛ. Nye si ngbaa dwe nteme go ma.»

Galásia 5:1

Krɨst a dwih bɨna ga é dia olʉa ó, bɨna diʼe ga é dia otî. Ebe no, cyɛba ga é nkʉʼʉ. Amɛʼle ga ó, nuu mʉr dwihɨ bɨn é dia otî, ntɔʼ dil bɨn é dia olʉa.

Galásia 2:19

É jɔʼ me a taare be é monkara mo mɛra motie mo Moyiz ɨ, me a be ó si ntaa motie maa, é ntaa ntaa, me ntɔʼ dwè. É jɔʼ me a dwè ebe motie maa ɛ, efie lam, lé ó b'a sa ó, me pʉʼa tɨ, ó me l'aka nyamle cwɨɨ tɨ. Sa yaa yiyɛh, yé a syɛɛlɨ no ó, me nkʉʼ nʉa edwan e tiʼ yam, ze dwe le Zyɛm nye mʉr tɨ.

Rôm 5:21

Jwɨʼ gwar e gwar mpʉ Syem, wé a jwɨ̀ʼ bʉr, ntɔʼ jʉ be e, jwɨʼ gwar e gwar yaa nteme ó Ncwɨncwɨa mo Zyɛm mu lé ejwɨʼ bɨna ga ɛ. Nye edwe bɨna ga mokebe é mih me ó, nye nkʉʼ dwe bɨna ga tiʼ molu mo mpoʼ mɨmɛh dumo e Tî ga wina Yesʉs-Krɨst.

Rôm 7:21

No ó, sa me lé ebee é jɔʼ yiyɛh ó yi: é jɔʼ me lé egwɨm sa embɨa ɛ, ebebe lɛɛ ó me lé eka koʼo lé esa ɛ.

Mɨngwiha 22:1

No ó, engles waa ze lɛʼle me dibe. Modibe mo tiʼ, mé a be ó lé egʉ é sʉm dibe waa, modibe mo tɨʼ é ncyɛh-ncyɛh, mpʉ la. Dibe yaa, yé a gʉ sʉm ó, lé etaare é dia taʼa mo Zyɛm bé e Ma Ntœme,

Rôm 3:27

É mpʉ yé ndɨ no e, zê mʉr óbana to dolo lé edoʼo e bɨsyɛɛla bye nye mʉr tɨʼ ɛ? Hɨʼɨ, yʉʉ sɔʼɔ, yé abe no. Yé ndɨ ekamle bɨna lé edoʼo ga? Zê motie mo Zyɛm ó ndɨ ekamle bɨna ga lé edoʼo ɛ? Hɨʼɨ, sa ndɨ esa ó, bɨna beʼ l'aka doʼo ga ɛ, yé ó buʼo bɨna mu lé edu ga ɛ,

Mɨngwiha 11:11

No ó, é jɔʼ molu molɛl e peh maa, mé a be, mé mu si laa ɛ, Zyɛm a si gumlo ngul tiʼ we é bʉr oba baa. Ngul we ze ni be é monyʉl, bé ntɔʼ pàh, cyɛb cɨcyel. Bʉr bɨbɛh, bé a bee be e, bé ntɔʼ bul laŋle bil ekɛn.

Rôm 7:23

To kœb ó, me ebee é bɨpeh bɨ nyʉl wam ó, yé e lʉʉ etie lé elwimla e l'etie lé eduho é mɨpɛhla mɨ leme wam ɨ. Syem ndɨ é me e, wé ó lé entaa ocyoo wam, me ntɔʼ lihba elʉa mo Syem ndɨ me é bɨfum bɨ nyʉl ɨ.

Rôm 8:1

Banana, bʉr o ndɨ é zyɛŋa wɔɔ boo Yesʉs-Krɨst ɨ, Zyɛm, nye aka láa be bɨbaa bɨ ebebe byɔɔ, nkʉ kab be bɨntɨʼa ndɨ ejala e le e.

Rôm 16:3

Soha ga me Priska bé e njʉm we Akilas, bʉr o nwan yam ndɨ é l'empomo e syɛɛ egwar é zyɛŋa wih boo Yesʉs-Krɨst ɨ.

Galásia 6:2

Nkɛŋɨ ga mɨmbeʼ mɨ bʉʉ bʉr. ǃBɨn si sa no nɛʼɛ, gʉŋa ga ó, bɨn bɨ kʉ du etie Krɨst a tiile bɨna ga ɛ.

Jacques 1:25

No ó, mʉr waa lé ebee etie ndɨ mbɨmbɨa é mɨpaʼ mimyɛh ɛ, (no, yé ó etie ndɨ ecyel bʉr é dia otî ɨ), nye ó ndɨ eto dolo lé edu etie laa mbɨmbɨa. Nye abe mbi mʉr ndɨ, le ejoʼo, le ejɨha ɛ. Nye esa syɛɛla tɨ. Nyiha ó ndɨ waa Zyɛm ósʉ mocyɛʼ mo mpom é syɛɛla yiyɛh nye ósa ɛ.