Rôm 8:17 - Kálara Zyɛ̌m Edwán é mpʉ̌n

¹⁷ Yé be ó, bɨna ga mu ó bwan mo Zyɛm nɛʼɛ, kʉ gʉa ó, bɨna ó ngo bi ga monkɛʼ mo Zyɛm, jala e nkɔb ga wina. Bɨna bé óbi ga me ó, é zyɛŋa ga wina boo Krɨst. ǃBɨna ga e boo nɔɔ, bé óbe si sia e mɨtuu mɨmpwar nɛʼɛ, bɨna bé óbi ga nteme kum, é zyɛŋa ga wina boo nɔɔ.

Kálar Nzyɛ̌m : Ejwán é Sáá

¹⁷ Yé bé mɨná gá mû ó bwân mé Nzyɛ̌m nó, go ó, mɨná gá ntémé bé ó bʉr o ngá bi ménkɔb kwá mé Nzyɛ̌m bá. Yé óbe ɨ́ páʼ gá wɨ́ná ó, jwɨʼ gwár e gwár e mpʉ̌ Krîst, mɨ́ɔɔ́ gá wɨ́ná, ngá bi mé ménkɔb yɨ́. Mɨ́ná gá le onɔ́ɔ́, bé ósia e mitúú mímpwár, lɨ́ esú ó, mɨná bíʼee gá kûm mpwár nó, mɨná bé ónʉa gá membɨa maá, jala e nkɔb líʼe gá nyɨ́ná.

Rôm 8:17 ပူးပေါင်းရင်းမြစ်များ

Galásia 4:7

Tina, yé ó, go aka be elʉa; go mu ó mwan we. Mpʉ go mu mwan we e, gʉŋa nteme ó, go ó mʉr ójala le ebi nkɔb é bɨsa bibyɛh Zyɛm a kɛʼ nye e.

Galásia 3:29

Yé be ó, bɨn bé ó baa mo Krɨst nɛʼɛ, lɛɛ ó, bɨn nteme bé ó bwa onta mo Abraham. Bɨn nteme ó ngo bi ga monkɛʼ mo Zyɛm, jala e monkɔb mɨn.

Éfɛsɔs 3:6

Lwib odim yaa ó yi: Mbɨambɨa Lɔɔ bɨna lé etuno ga ɛ, wé esa ó, bɨn, bʉr o ndɨ abe oYʉden ɨ, biʼe nteme mopoʼ boo Zyɛm, jala e nkɔb win, jwɨʼ gwar e gwar mpʉ oYʉden, bé óbi me e. Bɨn e boo nɔɔ mu ó bɨfum bɨ nyʉl ngwar. Bɨn e boo nɔɔ nteme mu ó bʉr bé óliʼ lé ebee mpʉ Zyɛm ósil dira monkɛʼ me e. Nye ódira monkɛʼ maa ó, é zi Yesʉs-Krɨst, duho é Mbɨambɨa Lɔɔ bɨna lé etuno ga ɛ.

Mɨngwiha 21:7

Mʉr nyiwɛh óbe si ntaa, bula e l'esaa é koo e, nye óbi we nkɔb é bɨsa byaa bibyɛh. Me óbe ó Zyɛm we. Nye óbe me ó mwan.

1 Pyɛr 4:13

Soha ga é buobuo, ebe, bɨn bɨ nʉa nkɔb é mɨtuu mo Krɨst. Ebe no ó bɨn bé óbe e buobuo bɨsʉhʉ é jɔʼ moncɛnba me, mé ónyin é kpɛŋlɛm ɨ.

1 Pyɛr 1:4

Nye a bya bɨna ga jɔʼ mba nteme ó, é l'efu le edwe bɨna ga tiʼ molu mo mpoʼ mɨmɛh mu koma é jobo kʉ ɨ. Sa ndɨ koma é l'efu lɨn ɨ, yé aŋa bo, nkʉ lœʼ mʉr é mih mo Zyɛm, nkʉ kuna.

Títos 3:7

Nye a dwe bɨna tiʼ molu mo mpoʼ mɨmɛh ó, bɨna pʉʼa ga é nkar, sɔba é feerɨ ebe ncwɨncwɨa we. Bɨna ga mu ó baa nye a kɛʼ tiʼ molu mo mpoʼ mɨmɛh ɛ. Nkɛʼ waa ó lé esa ó, mɨleme ga mina, myé loŋla e mbɛla.

Ebrœ̂ 6:17

Zyɛm a nʉa tiʼa ó, bʉr, bé ógʉa cyecye ó, nye aŋa jɨha mbɨambɨa nkɛʼ we. No yaa ó nye a de mɨnkɛla é jɔʼ nye a liʼe bʉr e monkɛʼ me e. Bʉr o ndɨ ejala le ebi bɨsa bibyɛh Zyɛm a kɛʼ be e, bé ògʉa cyecye ó, nye ókʉ dira monkɛʼ me.

Yʉanes 17:24

«Da, go a be ó si dwe me ba. Me ekpɛl ó, bé diʼe gumo me ódi ɨ. Bé óbee me é dia moncɛnba mam, dia go a bɛa dwe me ebe kpɛl yo, taare é jɔʼ kʉ e si, byé a baapa cyeŋɔ ɛ.

Jacques 2:5

Obɨɔ o kpɛl bam aa! Lɛŋɨ ga me: zê Zyɛm a baapɛh baanteʼenteʼe é si nwaʼ ó, bé diʼe obil é nko paʼ buʼo, é mbi ndɨ ó, bé nʉŋa bɨdia é jwɨ̀ʼa ye ɛ? Nye a baasi bul kɛʼ be bɨdia é jwɨ̀ʼa ye, bé e mʉr nyiwɛh lé ekpɛl nye e?

Filipi 1:29

Nye a dwe bɨn tiʼ molu mo mpoʼ mɨmɛh ó, bɨn gumla Krɨst, abe njɨ é jɔʼ bɨn lé ejyɛʼ taa buʼo yin boo nye e, kʉ bul be é jɔʼ bɨn mu lé ebɔma e mɨtuu ebe zyɛŋa win boo nɔɔ ɛ.

2 Korɛnt 1:7

Mɨleme mih, myé ó lwɨŋla e mbɛla é lɔb win. Bɨh bé apɨŋla, ebe, bɨh bé egʉa ó, jwɨʼ gwar e gwar mpʉ bɨn lé ebi mɨtuu ɨ, no nteme ó Zyɛm ógba bɨn nkul é monyʉl ɨ.

Rôm 5:17

No, yé ó, é jɔʼ mʉr ngwar nɨ a ntaa etie mo Zyɛm ɨ, Efie, lé a be ó si taare lé ejwɨʼ bʉr bɨbɛh é lɔb mʉr ngwar waa. Sa gwar, Zyɛm, nyi bul lɛʼle bʉr ncwɨncwɨa, laa naa. Bɨna mu ó si bi ga mokebe é mih me, ajɛna sɔʼɔ, le ebi nteme tiʼ molu mo mpoʼ mɨmɛh. Bɨna mu ó lé ecyɛb ga é nkʉʼʉ, apɨŋla é tiʼ yaa, dumo e mʉr ngwar, Yesʉs-Krɨst.

Ebrœ̂ 1:14

Beengles bɛɛ, bé ozé? Bɨbɛh, bé ó mɨsisim lé esea e Zyɛm ɨ. Nye elomlo bɨna ga ba nteme ó, bé ntaʼ, ze fuʼo bʉr bé óbi tiʼ molu mo mpoʼ mɨmɛh ɛ.

Mɨngwiha 3:21

Mʉr óbe si ntaa, bula e l'esaa é koo e, me ódwe nye nkul ó, bɨh e nɔɔ baʼra lé edi é dia taʼa yam, ebe, mɛm nteme, me a si ntaa, bula e lam esaa é koo, me ntɔʼ nʉa dia kunokuno e Sɔŋ wam é dia taʼa ye.

Lʉkas 12:32

«Bɨn bʉr o ndɨ ma daa e bɨntœme lam ɨ, ajoʼo ga bʉa. Sɔŋ win, nye ebee embɨa lé eniŋle bɨn é jwɨ̀ʼa ye.

Mataos 16:24

Yesʉs ze lɛɛ e l'ompʉn be ó: «Yé be ó, mʉr, nye ekpɛl du me nɛʼɛ, nye bena nye mʉr tɨ. Nye à nkɛɛ klos ye, nye òdu me,

1 Korɛnt 2:9

Yé ó mpʉ yé ndɨ tila é Kalara Zyɛm ɨ. Yé ó tila ó: «Sa mʉr ngwar l'apa joʼo, nkʉ bee e, sa mʉr ndɨ apa jwɨʼ é leme we lʉʉ dobo e, Zyɛm a kʉmsa ye ó, ebe bʉr o ndɨ ekpɛl nye e.»

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Mɨlʉmlʉ 20:32

«No ó, banana, me etimle bɨn é mobo mo Zyɛm. Nyi lɛʼle bɨn ncwɨncwɨa we é zi mokan me. Nye baʼla bɨn e mokan maa. Mé ó e nkul egba bɨn nkul é monyʉl ndwe le edwe bɨn tiʼ molu mo mpoʼ mɨmɛh jwɨʼ gwar e gwar e mɨsaŋ mɨ bʉr be bɨbɛh.

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

Mataos 25:21

«No ó, masa, nye e nye ó: “Yé é mbɨa! Go ó mpaŋ syɛl mosa ebuʼlɔ, ebe, gɨ gʉa ebaʼle sa ndɨ titia ɛ. Me ócyel go é dia ó, go baʼla byaa ndɨ é buobuo e. Ntaʼ, ze soho jwɨʼ gwar mpʉ mɛm sɔŋ go mu lé esoho e.”

Lʉkas 24:26

Zê yé a baasi jala ó, Lœma mulo mo Zyɛm, nye sia e mɨtuu, lé edu gwɨma mo Zyɛm, ó nye niʼe é moncɛnba me e?»

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

2 Korɛnt 1:5

Ebe, mpʉ bɨh lé ekabla mɨtuu mo Krɨst ɨ, jwɨʼ gwar e gwar yaa nteme ó bɨh lé ebi monkɔb é nkul we nye lé egba bɨh é mɨleme e.

Filipi 3:10

Sa me lé egwɨm ɨ, yé ó, me gʉŋa Krɨst é kpɛhla. Me egwɨm nteme ó, Zyɛm sea é me, mpʉ nye a sea e nkul é jɔʼ nye a pɛ̀h Yesʉs-Krɨst é foo e. Me biʼe mɨtuu mɨmpwar Krɨst a bi ɨ, efie lam nkʉʼ nwɨɨla nteme e laa le.

Kolosi 1:24

Banana, me mu ó lé ejoʼo bɨsʉhʉ ebe mɨtuu me lé ejaʼra e mye é l'efu lɨn ɨ. Mɨtuu Yesʉs-Krɨst a bwiʼ ɨ, myé ó me lé efwahle é bɨpuno byam mi. Me ejoʼo mogumba mo tɨʼ ó, é l'efu e nyʉl mo Krɨst, ndɨ Mbɛr-Zyɛm ɨ.

Ebrœ̂ 1:2

No ó, é mpʉ esie e mbi jɔʼ yi, lé mu ó kunokuno le epyal ɨ, nye mu ka lwib e bɨna ga ó, cwɨɨ é Mwan we. Mwan we ó nye a kɛʼ ó, nye óbi bɨsa bibyɛh. É zi we ó Zyɛm a cye mosi mɨmɛh ɛ.