Rôm 8:16 - Kálara Zyɛ̌m Edwán é mpʉ̌n

¹⁶ Sisim we, wé mʉr tɨ, wé eboʼlo é mɨleme ga mina tʉŋlʉ ó, bɨna ga bé ó bwan mo Zyɛm cyecye.

Kálar Nzyɛ̌m : Ejwán é Sáá

¹⁶ Sísǐm wé, wé mʉr tɨ̂, wé lɨ́ eboʼlo ɨ́ milémé gá míná tʉ́ŋlʉ̌ ó, mɨná gá kʉ́ bě tyeetye ó bwán mé Nzyɛ̌m.

Rôm 8:16 ပူးပေါင်းရင်းမြစ်များ

1 Yʉanes 4:13

Bɨna bé egʉa ga ó, bɨna bé etiʼe ga é zyɛŋa wina boo Zyɛm, nyɛɛ é zyɛŋa ga wina. Bɨna bé egʉa no ó, ebe, nye a si ntɨh bɨna ga Sisim we.

2 Korɛnt 1:22

Nye nteme ó b'a ntɨh bɨna ga Mbɨambɨa Sisim. Naa yé ó, nyi gba mɨsisim ga mina luʼ, ntɔʼ ŋmɛh luʼ waa e sitam. Mojwɨʼ nye a gba é bɨna no e, mé ó dweʼle ndwe e bɛn, sa lé elɛʼle ó, nyi dwe bɨna ga tiʼ molu mo mpoʼ mɨmɛh ɛ.

2 Korɛnt 5:5

No ó, mʉr a sa ó, bɨna diʼe ga no e, nye ó ndɨ Zyɛm. Nye ó b'a ntɨh bɨna ga Sisim we mpʉ bɛn, lé elɛʼle mbɨambɨa bɨkul nye lé ekomo bɨna ga ɛ.

Éfɛsɔs 1:13

É zyɛŋa win boo Krɨst, bɨn bɨ ŋmɛhɔ sitam mo Zyɛm é monyʉl, duho é jɔʼ bɨn bé a jyɛʼ taa buʼo yin boo Krɨst ɨ, ndwe é jɔʼ bɨn bé a joʼo Mbɨambɨa Lɔɔ, ndɨ cyecye e, bɨn ntɔʼ buʼla we. Wé ó lɔɔ ndɨ edwe bɨn tiʼ molu mo mpoʼ mɨmɛh ɛ. Sitam Zyɛm a ŋmɛh bɨn ɨ, yé ó Mbɨambɨa Sisim nye a ntɨh bɨn, waa nye a kɛʼ bʉr be, duho mya ɛ.

Rôm 8:26

Mbɨambɨa Sisim, nye nteme, nye eze bɨna ga e mɨngula é lɔb ecyɛʼ e nyʉl ga lɨna, ebe, bɨna ga bé agʉa mpʉ bɨna lé ejala le esa ga Zyɛm mɨnjwɨʼla ɛ. No ó, Mbɨambɨa Sisim nye mʉr tɨ, nye esa Zyɛm Sɔŋ mɨnjwɨʼla é modila ga mɨna. Nye esa mɨnjwɨʼla ó, e leme we wiwɛh, mpʉ sa lɛɛ ó, nye etime. Abe e l'ekan egwar ndɨ e nkul epɛʼle sa nye lé elɛɛ ɛ.

Éfɛsɔs 4:30

Mʉr asa syɛɛla ebebe yé ókwɨɨ Sisim mo Zyɛm ndɨ ti ɨ, empime é leme e. Sisim waa, wé ó mpʉ ejwɨʼ Zyɛm a gba é bɨn ɨ, ejwɨʼ lé elɛʼle ó, nye ódwih bɨn é mpila ebebe lɨn é pololo.

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

Rôm 8:23

Sa gwar, yé abe njɨ mɨcyea bɨsɔʼɔ ndɨ é tuu é banana. Yé ó ndwe e bɨna ga bʉr o tɨ, baa Zyɛm a taare lé elɛʼle dweʼle nkul mo Sisim we e. Bɨna ga ó ndɨ é tuu waa é mɨsisim ga mina tʉŋlʉ. Bɨna bé óto dolo lé esime no, cye yiyɛh bɨna dina lé ebono jɔʼ nye ódil bɨna ga é dia bwan o mobœʼa be e. Yé óbe ó é dobo nye ósil dwih monyʉl ga mɨna é mpila ebebe e.

1 Yʉanes 5:10

Mʉr lé ejyɛʼ taa buʼo ye boo Mwan mo Zyɛm ɨ, nye ó ndɨ ejoʼo mboʼla waa é leme we tʉŋlʉ. Mʉr ndɨ abuʼla Zyɛm ɨ, nyi sa mpʉ sa lɛɛ ó, Zyɛm Sɔŋ, nye ó mpʉmpʉl, ebe, nye abuʼla mboʼla Zyɛm a boʼlo, tiibe e Mwan we e.

Mataos 5:9

Mocyɛʼ mo mpom e bʉr o ndɨ egba motala paʼra bʉr e bʉr ɨ, ebe, bé ójebe be ó, bwan mo Zyɛm!

Lʉkas 20:36

ebe, bé aŋa ka bâʼle dwè. Bé óbe ó mpʉ beengles. Bé ó bwan mo Zyɛm, ebe, bɨ bɛa pàh.

Yʉanes 1:12

Dam be no, bʉr o b'a nʉa nye e duu, jyɛʼɔ taa buʼo yɔɔ boo nye e, bé ó nye a dwe nkul ó, bé diʼe bwan mo Zyɛm ɨ.

Mɨlʉmlʉ 5:32

Bɨh e boo Mbɨambɨa Sisim nteme ó ndɨ oboʼla o tɨ. Sisim waa ó Zyɛm lé entɨh bʉr o ndɨ esa Yesʉs mojoʼo e.»

Rôm 8:14

Baa bɨbɛh lé edu zi Sisim mo Zyɛm lé etɨe e, bé ó ndɨ bwan mo Zyɛm.

Rôm 8:19

Ebe, mɨcyea bɨsa bibyɛh, byé egwɨm bee dobo Zyɛm ólɛʼle bye bwan be é pono e.

Rôm 9:8

No, yé ó, é bim bwan Abraham a bya ɛ, ntʉʼ bɨbɛh ndɨ bwan mo Zyɛm. Zyɛm a láa ó, bʉr o mpoŋbʉr we, bé ó baa bé a byɛl, du mpʉ nye a kɛʼ Abraham ɨ.

Rôm 9:26

«Gumo me a lɛɛ e be ó: “Ntʉʼ bɨn ndɨ bʉr bam” ɨ, tɨʼ é gumo yaa, mɛm, Zyɛm, me óka gban be, le ejwɨr be die ó: “Bwan mo Zyɛm ndɨ kublakubla ɛ”.»

2 Korɛnt 6:18

Me óbe ó Sɔŋ win; bɨn bé óbe me ó bwan, mɨsile ndwe e mɨsoho. No ó Zyɛm Nkul nyiwɛh ndɨ elɛɛ ɛ.»

Galásia 3:26

Bɨn bɨbɛh mu ó bwan mo Zyɛm, ebe, bɨn bé a si jyɛʼ taa buʼo yin boo Yesʉs-Krɨst.

Galásia 4:6

Ebe, bɨn mu ó bwan Zyɛm a ntɨh Sisim mo Mwan we e. Wi ze ni é mɨleme ga mina. Wé ó lé etine-tine bɨna ga ó, bɨna jeba ga Zyɛm, «Abba! Da!»

1 Yʉanes 3:1

Mbe ga: é mpʉʼ ó Zyɛm Sɔŋ ndɨ ebul kpɛl bɨna ga ɛ! Nyi gban bɨna ga, le elɛɛ ó, bɨna ga bé ó bwan be. Bɨna ga bé ó baa be é l'ocyecye. Bʉr o si nwa, bé apa gʉa Sɔŋ ga wina. Ebe no ó bé ndɨ agʉa bɨna ga ɛ.

1 Yʉanes 3:2

Obɨɔ o kpɛl bam aa! Banana, bɨna mu ó bwan mo Zyɛm. Yé dam be no, mbi bʉr bɨna bé ódi ga ɛ, wé apa gʉa gʉŋɔ. Sa bɨna lé egʉa ga ɛ, yé ó, é dobo Yesʉs-Krɨst óbula ze e, bɨna bé ónwɨɨla ga e nye, ebe, bɨna bé óbee ga nye mbi nye ndɨ ɨ.

1 Yʉanes 3:10

Ebe, mbɛʼ, wé enyin paʼra bwan mo Zyɛm e baa mo Njwɨɨ moleme ó, é mbi wi: mʉr nyiwɛh ndɨ asa mɨmpaŋ bɨsyɛɛla ɛ, nkʉ waa ndɨ akpɛl mɨɔ we e, nye a baabyɛl é zi nkul mo Zyɛm.

Mɨngwiha 21:7

Mʉr nyiwɛh óbe si ntaa, bula e l'esaa é koo e, nye óbi we nkɔb é bɨsa byaa bibyɛh. Me óbe ó Zyɛm we. Nye óbe me ó mwan.