Rôm 8:13 - Kálara Zyɛ̌m Edwán é mpʉ̌n

¹³ ǃBɨn si du bɨgwɨma bɨ nyʉl bɨpuno win nɛʼɛ, lɛɛ ó, bɨn bé ójala e l'ebebe laa. Sa gwar, ǃbɨn si lele nkul é zi Mbɨambɨa Sisim, ntɔʼ teʼle bɨsyɛɛla bɨ nyʉl bɨpuno nɛʼɛ, lɛɛ ó, bɨn bé óbi tiʼ molu mo mpoʼ mɨmɛh.

Kálar Nzyɛ̌m : Ejwán é Sáá

¹³ Bɨ́n dú njwɨr myâ gá wɨ́ná nó, go ó, eswie, lé ójala e bɨ̌n. Bɨ́n lélé nkûl e nzɨ̌ Sísǐm mé Nzyɛ̌m, ntɔ̂ʼ jʉ̂ bísyɛ́ɛla bi nyʉ̂l bipúno nó, lɛ́ɛ́, bɨ̌n bɨ́ tiʼe!

Rôm 8:13 ပူးပေါင်းရင်းမြစ်များ

Galásia 6:8

Mʉr lé edu bɨgwɨma bɨ nyʉl bɨpuno we e, nye óbi efie, duho é bɨsyɛɛla bɨ tɨ. To kœb ó, waa lé edu zi Mbɨambɨa Sisim lé ekpɛl ɨ, nye óbi tiʼ molu mo mpoʼ mɨmɛh é zi mo Mbɨambɨa Sisim.

1 Pyɛr 2:11

Obɨɔ o kpɛl bam aa! Me ejwɨʼla e bɨn ó, bɨn diʼe mpʉ mɨndìndìl ndwe mɨngbaalaŋa é mɨlal mɨ si nwa. Diʼe ga é l'ecyooŋʉ, lé esyɛhle lɔb esa bɨsyɛɛla bɨpuno bin lé egwɨm, byaa ndɨ elwimla e mɨsisim min ɨ.

1 Korɛnt 9:27

Me ejwɨʼ nyʉl wam é buobuo. Me egba nye é dia olʉa. Me amu jaa fib mompɔʼ, mɛm, mʉr a bɛa lɛɛ bʉr Mbɨambɨa Lɔɔ ɛ.

Títos 2:12

Ncwɨncwɨa waa ó ndɨ edib bɨna ga zi egwɨma ebɨh é nko paʼ mo Zyɛm ndwe le ebene bɨgwɨma bɨ nyʉl bɨpuno, é l'efu le ekœʼ ebò e cyen lé ódwe bʉr mɨmpaŋ mɨpɛhla ɛ. Ebò e cyen laa, lé ó cɨcyel, le yaa ndɨ edu mpʉ Zyɛm lé ekpɛl ɨ, dam be é mbi jɔʼ yi.

Galásia 5:24

Bʉr o ndɨ baa mo Yesʉs-Krɨst ɨ, bé a si cyèl nyʉl bɨpuno wɔɔ é klos kʉ, bé e bɨbebebebe bɨgwɨma bye bibyɛh.

Éfɛsɔs 4:22

Bɨn bé a yeʼlɔ ó, bɨn bé ejala le ebir mɨnjʉ̌m motum mɨn, sa lé eduho é l'ebò e cyen bɨn bé a kœʼ œ. Bɨgwɨma bɨ nyʉl bɨpuno byaa, byé egomlo bʉr é bebebebe zi.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

Rôm 7:5

É jɔʼ yiyɛh bɨna bé a be lé edu ga bɨgwɨma bɨ nyʉl bɨpuno ga wina ɛ, motie mo Zyɛm, mé a be-be nteme ó, lé eto le eyɨm bɨfum bɨ nyʉl ga bina ó, byé loŋla bɨsyɛɛla bɨ ebebe bɨna bé a kʉ gwɨm ɨ. Byé ntɔʼ daʼre efie é monyʉl ga mɨna.

Éfɛsɔs 5:18

Afwaʼ ga monwoʼ. Mé esa ó, mʉr dimla tiʼ modile ye. Diʼe ga yɛɛ lwɨŋla e Mbɨambɨa Sisim.

Rôm 6:21

Wáa nyɔm bɨn bé a dira e mɨsyem bɨn bé a sa ɛ? Banana, bɨn mu ó lé ejoʼo fwon lé etoŋlo bɨsyɛɛla bɨ ebebe byaa. Byé ó ndɨ eto e bʉr nko efie.

Éfɛsɔs 4:30

Mʉr asa syɛɛla ebebe yé ókwɨɨ Sisim mo Zyɛm ndɨ ti ɨ, empime é leme e. Sisim waa, wé ó mpʉ ejwɨʼ Zyɛm a gba é bɨn ɨ, ejwɨʼ lé elɛʼle ó, nye ódwih bɨn é mpila ebebe lɨn é pololo.

Rôm 6:23

Myɛna mo mʉr lé esa syem ɨ, mé ó njɨ efie. To kœb ó, ndwɛa Zyɛm a dwe bʉr edwɛna ɛ, wé ó tiʼ molu mo mpoʼ mɨmɛh é zyɛŋa ga wina boo Tî ga wina Yesʉs-Krɨst.

Rôm 8:12

Obɨɔ ga bam aa! Yé be no nɛʼɛ, lɛɛ ó, bɨna ga bé e mpɔla nɨnɨ lé ejɛna. Sa gwar, nye abe mpɔla é nko paʼ nyʉl bɨpuno ga wina. Yé ajɨ nteme ó, bɨna duʼo ga bɨgwɨma bɨ nyʉl bɨpuno ga wina.