Rôm 8:11 - Kálara Zyɛ̌m Edwán é mpʉ̌n

¹¹ No nteme, ǃɨ Mbɨambɨa Sisim, mʉr a pɛ̀h Yesʉs-Krɨst é foo e, di é bɨn nɛʼɛ, lɛɛ ó, nye ópɛ̀h monyʉl mɨn é foo, maa lé edwè e. Nye ódwe monyʉl mɨn tiʼ é zi Sisim we ndɨ é monyʉl mɨn ɨ.

Kálar Nzyɛ̌m : Ejwán é Sáá

¹¹ Nó ntémé, Sísǐm mé Nzyɛ̌m, mʉr á pɛh Yésʉs, dwih nyé lɨ́ odwe nyá, dí ɨ́ bɨ̌n nó, go ó, Nzyɛ̌m ópɛh ményʉ́l mɨ́n, maá me dí elaǎ mpʉ̌ ngúl mpáá má. Nye ódwe mé twiʼ ó e nzɨ̌ Sísǐm wé dí ɨ́ menyʉ́l mɨ́n maá wɨ́.

Rôm 8:11 ပူးပေါင်းရင်းမြစ်များ

2 Korɛnt 4:14

Ebe, bɨh bé ebuʼla ó, waa a pɛ̀h Da Yesʉs é foo e, nye nteme ópɛ̀h bɨna ga e boo nɔɔ. Nye ócyel bɨna ga é mih me é gumo Yesʉs ndɨ ɨ.

2 Korɛnt 4:11

Bɨh dam be mɨkubla, bɨh bé é jɔʼ yiyɛh ó, njɨ é l'efie kʉ, duho é buʼo lé etiibe e Yesʉs ɨ, é l'efu ó, tiʼ ye, yé nyinɨ é bɨtiʼ bih, byaa lé elaa mpʉ ngul mpaa ɛ.

Rôm 8:9

Bɨn bɛɛ, bé abe bʉr o ndɨ edu bɨgwɨma bɨ nyʉl bɨpuno win ɨ. Bɨn bɛɛ mu lé ejoʼo ó, njɨ e Mbɨambɨa Sisim, ebe, Sisim waa, wé ó ndɨ é bɨn. ǃƗ mʉr baabe é zyɛŋa wɔɔ boo Sisim mo Krɨst nɛʼɛ, lɛɛ ó, mʉr waa, nye abe mʉr mo Krɨst.

1 Korɛnt 6:14

Zyɛm, mʉr a pɛ̀h Tî ga wina é foo e, nye ó ngo pɛ̀h nteme bɨna ga é zi nkul we waa.

Rôm 8:2

Bɨna bé a be ga ó mɨmɛra é mpila mɨsyem. Mɨsyem myaa, myé ó b'a liŋ bɨna ga odwè é mih mo Zyɛm. Mbɨambɨa Sisim ze dwe bɨna ga tiʼ molu mo mpoʼ mɨmɛh é zyɛŋa ga wina boo Yesʉs-Krɨst.

Filipi 3:21

ntɔʼ dwir bɨsa monyʉl ga bina bi. Monyʉl ga mɨna, mé òka nwɨɨla e nyʉl we ndɨ e kum ɨ. Nye e buobuo nkul ndɨ esa ó, bɨsa bibyɛh, byé saʼ nye mojoʼo e.

Yʉanes 5:21

ebe, jwɨʼ gwar mpʉ Sɔŋ lé epɛ̀h bʉr é mofoo, dwe be tiʼ ɨ, no nteme ó Mwan mo Zyɛm ótiʼ baa nye lé ekpɛl ɨ.

Mɨlʉmlʉ 2:24

Zyɛm ze pɛ̀h nye é foo, pɛʼ nye é mokpaa mo efie, ebe, efie, lé a baabe e nkul mɛr nye é bɛabɛa,

Éfɛsɔs 2:5

É jɔʼ bɨna bé a be ga odwè é nko paʼ sisim, duho é motie bɨna bé a ntaa ga ɛ, nye a si bana pɛ̀h bɨna ga é mofoo é jɔʼ nye a pɛ̀h Krɨst é we foo e,— bɨn bé a bi tiʼ molu mo mpoʼ mɨmɛh ó, é zi ncwɨncwɨa Zyɛm a lɛʼle bɨn ɨ.

Mɨngwiha 11:11

No ó, é jɔʼ molu molɛl e peh maa, mé a be, mé mu si laa ɛ, Zyɛm a si gumlo ngul tiʼ we é bʉr oba baa. Ngul we ze ni be é monyʉl, bé ntɔʼ pàh, cyɛb cɨcyel. Bʉr bɨbɛh, bé a bee be e, bé ntɔʼ bul laŋle bil ekɛn.

1 Pyɛr 3:18

Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.

Yʉanes 14:17

Nye ó ndɨ Sisim Ocyecye. Bʉr o ndɨ egumo e si nwaʼ ɛ, bé abe e nkul enʉa nye é monyʉl mɔɔ, ebe, bé abe e nkul ebee nye, nkʉ gʉa nye. Bɨn ó ndɨ egʉa nye, ebe, nye edi ó, bɨn e boo nɔɔ. Nye nteme, nye ó é l'esama lɨn.

Mɨngwiha 1:18

Me ó waa ndɨ kublakubla ɛ. Me a si dwè. Mbe ga: me mu ó é tiʼ molu mo mpoʼ mɨmɛh! Me ó ndɨ e bɨdiba bɨ zi mɨndim, ndwe e byaa bɨ kwar odwè.

1 Pyɛr 1:21

Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

1 Korɛnt 15:16

Yé be ó, odwè, bé ákwoʼ pàh nɛʼɛ, lɛɛ ó, dam be Krɨst, nye a baapàh é foo.

Rôm 6:12

É mpʉ yé ndɨ no e, daʼ mɛʼle ga ó, Syem, wé bâʼla mɛr bɨn, dil bɨn é dia olʉa. Wé l'ayi jwɨ̀ʼ bɨn é nko paʼ nyʉl ndɨ edwè e. Daʼ bir ga ó, Syem, wé ntaŋa bɨn é nkul, ó bɨn saʼ we mojoʼo, nkʉ du bɨgwɨma bye.

Ebrœ̂ 13:20

Neme Zyɛm Sɔŋ ndɨ egba motala paʼra ga wina, nye ó b'a pɛ̀h Tî ga wina ndwe e Kobla bɨntœme nɨnɨ, Yesʉs é foo, pɛ̀ha foo we lé elɛʼle ó, nyi mɛʼle motié nye a sʉ é l'efu ó, Sɔŋ we nkʉʼ de mpʉn njʉmdia e bɨna ga ɛ.

2 Korɛnt 5:4

É jɔʼ yi, cye yiyɛh me dina kʉ, é saʼ yiʼ tʉŋlʉ ɨ, me ebee tuu le esime, leme wam lé ekʉ gwɨm ó, mpa me mu ó si bi nyʉl wam ndɨ koma boo Zyɛm ɨ. Yé abe ó, me egwɨm foŋɔ nyʉl bɨpuno me ndɨ e nye nwa. Yé njɨ ó, me ekpɛl nyʉl lé edi njʉmdia e njʉmdia ɛ. Nye pɛʼɛ nyʉl ndɨ e nkul epuro e, lé edila nyiha.

Rôm 8:1

Banana, bʉr o ndɨ é zyɛŋa wɔɔ boo Yesʉs-Krɨst ɨ, Zyɛm, nye aka láa be bɨbaa bɨ ebebe byɔɔ, nkʉ kab be bɨntɨʼa ndɨ ejala e le e.

Rôm 8:12

Obɨɔ ga bam aa! Yé be no nɛʼɛ, lɛɛ ó, bɨna ga bé e mpɔla nɨnɨ lé ejɛna. Sa gwar, nye abe mpɔla é nko paʼ nyʉl bɨpuno ga wina. Yé ajɨ nteme ó, bɨna duʼo ga bɨgwɨma bɨ nyʉl bɨpuno ga wina.

Rôm 16:3

Soha ga me Priska bé e njʉm we Akilas, bʉr o nwan yam ndɨ é l'empomo e syɛɛ egwar é zyɛŋa wih boo Yesʉs-Krɨst ɨ.

Rôm 16:7

Me esoho nteme mɨmbyɛl myam, Andronikus bé e Yʉnias. Bɨh e boo nɔɔ ó b'a be é mbʉʼ. Bé ó b'a taare jyɛʼ taa buʼo yɔɔ boo Krɨst e me. Bé é bul gʉŋɔ boo sama mɨlʉmlʉ mo Da.

Rôm 16:9

Me esoho Urbanos, mʉr bɨh e nɔɔ ndɨ é l'empomo e syɛɛ egwar é zyɛŋa wih boo Yesʉs-Krɨst ɨ. Me esoho nteme mɨɔ kpɛl wam Stakus.

Rôm 16:10

Me esoho Apelɛs. Nye ó é zyɛŋa wɔɔ boo Krɨst. Nye ó é bul seʼlɔ. Me esoho nteme bʉr o mbɛr bʉr mo Aristobul.

Galásia 6:8

Mʉr lé edu bɨgwɨma bɨ nyʉl bɨpuno we e, nye óbi efie, duho é bɨsyɛɛla bɨ tɨ. To kœb ó, waa lé edu zi Mbɨambɨa Sisim lé ekpɛl ɨ, nye óbi tiʼ molu mo mpoʼ mɨmɛh é zi mo Mbɨambɨa Sisim.