Rôm 8:10 - Kálara Zyɛ̌m Edwán é mpʉ̌n

¹⁰ Dam be ó, Krɨst, nye ó lé enyin cyecye é bɨtiʼ bin, monyʉl mɨn, mé dina ó mɨmuu é lɔb mɨsyem bɨn bé a sa ɛ. Sa gwar, mɨsisim min, mi tiʼe, ebe, Zyɛm, nyi láa ó, bɨn bé ó ocɨcyel o bʉr é mih me.

Kálar Nzyɛ̌m : Ejwán é Sáá

¹⁰ Krîst damá bě tyeetye ɨ́ bicwiʼ bín, menyʉ́l mɨ́n, mé dína ó mimúu ɨ́ lɔ̌b mé syóm. Sâ gwár, misísǐm mín, mí tiʼe, ebě, Nzyɛ̌m, nyɨ́ dwe bɨ́n nkam ɨ́ míh mé.

Rôm 8:10 ပူးပေါင်းရင်းမြစ်များ

Éfɛsɔs 3:17

Me ejwɨʼla nteme e nye ó, Krɨst komla odia we é mɨleme min tʉŋlʉ, ebe buʼo yin. Me ejwɨʼla nteme e nye ó, bɨn cyɛba é nkʉʼʉ ebe leme ncwɨncwɨa win.

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

Yʉanes 17:23

Mɛm ɨ be; gwɔɔ ɨ me: no ó bé ódi njɨ sa gwar é mɨpaʼ mimyɛh ɛ. No nteme ó bʉr bɨbɛh, bé ógʉa é kpɛhla ó, go ó b'a lomo me e. Bé ógʉa nteme ó, go ekpɛl be mpʉ go lé ekpɛl me e.

Kolosi 1:27

Zyɛm a be ó si bà jwɨʼ ndɨ e buobuo nyɔm é l'efu lɨn, bʉr o ndɨ abe oYʉden ɨ. Nye a be ó si gwih lwib odim ye ó, lé elɛʼle bʉr be ya. Nye a be si gwɨm ó, bé gʉŋa ye é kpɛhla. Lwib odim yaa, yé ó yi: Krɨst, nye mu ó é bɨn nteme! Mɨleme min, mi loŋlo e mbɛla ó, bɨn bé óbi kum tɨ.

Rôm 8:11

No nteme, ǃɨ Mbɨambɨa Sisim, mʉr a pɛ̀h Yesʉs-Krɨst é foo e, di é bɨn nɛʼɛ, lɛɛ ó, nye ópɛ̀h monyʉl mɨn é foo, maa lé edwè e. Nye ódwe monyʉl mɨn tiʼ é zi Sisim we ndɨ é monyʉl mɨn ɨ.

Filipi 1:23

Leme, wé ó me é mo é zaaama. É wiʼ paʼ, me egwɨm dime mih, to gbala boo Krɨst. Sa yaa ó ndɨ é bul mbɨa.

Filipi 3:9

Me egwɨm ó, Zyɛm beŋɨ njɨ ó, me ó é zyɛŋa wih boo nɔɔ. Me agwɨm bi mokebe é mih me ebe mbi me lé edu motie e. Me egwɨm ó, nye dweʼ me mokebe ebe taa buʼo me lé ejyɛʼ boo Krɨst ɨ.

1 Korɛnt 15:45

Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr efoʼ, Adam, a be ó kublakubla.» Adam a fuʼla ka ze e, nye ó Sisim lé etiʼ bʉr ɨ.

Mɨngwiha 14:13

Me ze joʼo twii lé eduho é jobo kʉ. Nye e me ó: «Tila: “Mocyɛʼ mo mpom, mé e mʉr a dwè, nye mu é zyɛŋa wɔɔ boo Da Yesʉs ɨ.”» Mbɨambɨa Sisim, nye elɛɛ ó: «Yé ó no: banana, bé paʼ ka gbala syɛɛ-Zyɛm yɔɔ. Syɛɛ bé a sea-sea é jɔʼ bé a be e tiʼ ɨ, nyɔm lé eduho tɨʼ ɨ, wé ónyin é gumo bé mu lé edi ɨ.»

Yʉanes 15:5

«Me ó ndɨ etin e rezɛŋ; bɨn bɛɛ, bé ó mɨlɔɔ. Mʉr bɨh e nɔɔ ndɨ é zyɛŋa ɛ, nye ó ndɨ egumo mpumo é buobuo, ebe, ǃme baabe tɨʼ nɛʼɛ, gʉŋa ga ó, bɨn bé abe e nkul esa yʉʉ mpaŋ sɔʼɔ.

Yʉanes 14:23

Yesʉs ze bɨha e nye ó: «Mʉr lé ekpɛl me e, nye óbaʼle sikʉlʉ me a dwe bɨn ɨ, ndwe le edu ye. Sɔŋ wam ókpɛl nye. No ó, bɨh e Sɔŋ wam, bé óze boo nye, ze komlo odia wih tɨ.

Ebrœ̂ 12:23

Bɨn bɨ pyal é gwɨhla modweʼe mo bwan mo Zyɛm. Mie mɨn boo nɔɔ, mé ó mɨtila é jobo kʉ. Bɨn bɨ dihle boo Zyɛm, mʉr ndɨ etiʼe mɨlɔb mɨ bʉr bɨbɛh ɛ. Bɨn bɨ pyal gumo ocɨcyel o bʉr ndɨ ɨ, baa mɨsisim myɔɔ mu si kumo é l'ombɨmbɨa é mɨpaʼ mimyɛh ɛ.

Ebrœ̂ 9:27

Sa Zyɛm a komo é l'efu e bʉr ɨ, yé ó efie. Mʉr, nye edwè njɨ é jɔʼ gwar, ntɔʼ to tiʼɔ mɨlɔb é mih mo Zyɛm.

1 Tesalonika 4:16

Ebe, bɨna ga e boo nɔɔ, bé ójoʼo twii mojwɨʼa. Njwɨɨ beengles ólwib, Da Yesʉs nye mʉr tɨʼ ófulo, duho é jobo kʉ, sebe lé elwɨɨ é l'ejyoo. Odwè ndɨ é zyɛŋa wɔɔ boo Yesʉs-Krɨst ɨ, bé ótaare pàh.

2 Korɛnt 13:5

Pahla ga bɨn bʉr o tɨ, bɨn beŋɨ nkʉ bɨn dina ó lé ejyɛʼ taa buʼo yin boo Zyɛm, nkʉ bɨn bé aka sa no. Bɨn bʉr o tɨ, saŋa egʉa ga nkʉ bɨn bé ekebe moveʼle le entaa mobʉbla. Zê bɨn bé agʉa ó, Yesʉs-Krɨst ó ndɨ é bɨn ɛ? Yé be ó, yé abe no nɛʼɛ, gʉŋa ga ó, bɨn bɨ ku moveʼle maa.

2 Korɛnt 4:11

Bɨh dam be mɨkubla, bɨh bé é jɔʼ yiyɛh ó, njɨ é l'efie kʉ, duho é buʼo lé etiibe e Yesʉs ɨ, é l'efu ó, tiʼ ye, yé nyinɨ é bɨtiʼ bih, byaa lé elaa mpʉ ngul mpaa ɛ.

Rôm 5:21

Jwɨʼ gwar e gwar mpʉ Syem, wé a jwɨ̀ʼ bʉr, ntɔʼ jʉ be e, jwɨʼ gwar e gwar yaa nteme ó Ncwɨncwɨa mo Zyɛm mu lé ejwɨʼ bɨna ga ɛ. Nye edwe bɨna ga mokebe é mih me ó, nye nkʉʼ dwe bɨna ga tiʼ molu mo mpoʼ mɨmɛh dumo e Tî ga wina Yesʉs-Krɨst.

Rôm 5:12

Ebe no ó syem, wé a duho é mʉr ngwar, ze jʉŋla é si nwaʼ ɛ. Syem waa, wé ó b'a daʼre efie é bʉr, lé emɛr bʉr bɨbɛh, ebe, bʉr bɨbɛh, bé a be ó si sa syem.

Yʉanes 6:56

Mʉr nyiwɛh lé ede bɨpuno byam le ebɛble motié mam ɨ, nye etiʼe ó, é zyɛŋa wina boo nɔɔ. Me ódɨ kœʼ e nye.

Yʉanes 4:14

Sa gwar, mʉr nyiwɛh óde modibe me ódwe nye e, nye aŋa ka joʼo dweh modibe, ebe, modibe me ódwe nye e, mé ólihba eno é leme we tʉŋlʉ, gumo tiʼ molu mo mpoʼ mɨmɛh, yé ódɨ sah ɛ.»

Yʉanes 6:54

Mʉr nyiwɛh lé ede bɨpuno byam le ebɛble motié mam ɨ, nye ó ndɨ ebi tiʼ molu mo mpoʼ mɨmɛh. Me ópɛ̀h nye é foo é moho epihe, ntible-bɨkaŋa,