Rôm 8:1 - Kálara Zyɛ̌m Edwán é mpʉ̌n

¹ Banana, bʉr o ndɨ é zyɛŋa wɔɔ boo Yesʉs-Krɨst ɨ, Zyɛm, nye aka láa be bɨbaa bɨ ebebe byɔɔ, nkʉ kab be bɨntɨʼa ndɨ ejala e le e.

Kálar Nzyɛ̌m : Ejwán é Sáá

¹ Nó ɨ́ báánâ, bʉr o mû sí pûhla e Yésʉs-Krîst bá, Nzyɛ̌m, nyé akǎ láa bé bibaa bí ébébe, nkʉ̂ dwe bé bintɨ́ʼá bí tɨ̂.

Rôm 8:1 ပူးပေါင်းရင်းမြစ်များ

2 Korɛnt 5:17

Yé be ó, nuu mʉr, nye ó é zyɛŋa wɔɔ boo Krɨst cyecye nɛʼɛ, lɛɛ ó, nye mu ó edwan e cyea sɔʼɔ. Mɨnjʉ̌m bɨsɔʼɔ mimyɛh, mi laa; bɨsa bibyɛh mu ó, njɨ modwan e modwan.

Galásia 3:13

Yesʉs-Krɨst a si jɛna mobyaʼ ga mɨna, lé epɛʼ bɨna ga é sama bʉr o b'a jala le ekáalɔ ɛ. Nye a nʉa bɨkɔ́ɔlʉ bibyɛh byaa ó, é l'efu ga lɨna, ebe, yé ó tila é motie mo Zyɛm ó: «Mʉr nyiwɛh a cyèlɔ é lɨ kʉ ɨ, nye ó ndɨ waa Zyɛm a káale e.»

Rôm 5:1

Zyɛm mu ó si dwe bɨna ga mokebe ebe taa buʼo bɨna lé ejyɛʼ boo Krɨst ɨ. Ebe no ó bɨna ga e boo Zyɛm mu mbɨmbɨa, dumo e Tî ga wina Yesʉs-Krɨst ɨ.

1 Korɛnt 1:30

Bɨn bé ó é zyɛŋa win boo Yesʉs-Krɨst ó, dumo e Zyɛm. Nye ó b'a sa nteme ó, bɨn biʼe ocyoo mo Yesʉs. Bɨn mu ó ocɨcyel o bʉr é mih me, dumo e Krɨst. Krɨst nteme ó b'a pubo bɨna ga. Nye ó b'a dwih bɨna ga é mpila ebebe é pololo.

Rôm 8:34

Zé óláa mɨpɛha mɨ bʉr be bɨbaa bɨ ebebe, le ekab be bɨntɨʼa bɨ tɨ? Abe e mʉr! Yesʉs-Krɨst a si dwè, jala e bɨna ga. Yé abe njɨ no. Nye a si pàh, to é dia taʼa, é mbo ejʉm mo Zyɛm Sɔŋ. Nye mu nteme ó mʉr ndɨ esa mɨnjwɨʼla é l'efu ga lɨna ɛ.

Yʉanes 5:24

«Me elɛɛ bɨn cyecye ó nɛɛ: mʉr ójoʼo lwib yam le ejyɛʼ taa buʼo ye boo mʉr a ntɨh me e, nyi bi tiʼ molu mo mpoʼ mɨmɛh. Zyɛm, nye aŋa ka dwe nye mobe. Nyi bɛa dwihɔ é l'efie, ntɔʼ dweŋɔ tiʼ molu mo mpoʼ mɨmɛh.

Yʉanes 15:4

Diʼe ga ɨ me, mɛm nteme ɨ bɨn. Lɔɔ rezɛŋ, wé abe e nkul egumo mpumo wé ome, anara e l'etin. Yé be ó, bɨn bé anara e me nɛʼɛ, lɛɛ ó, bɨn nteme bé abe e nkul egumo mpumo.

Filipi 3:9

Me egwɨm ó, Zyɛm beŋɨ njɨ ó, me ó é zyɛŋa wih boo nɔɔ. Me agwɨm bi mokebe é mih me ebe mbi me lé edu motie e. Me egwɨm ó, nye dweʼ me mokebe ebe taa buʼo me lé ejyɛʼ boo Krɨst ɨ.

Rôm 8:14

Baa bɨbɛh lé edu zi Sisim mo Zyɛm lé etɨe e, bé ó ndɨ bwan mo Zyɛm.

1 Korɛnt 15:22

Jwɨʼ gwar mpʉ bʉr bɨbɛh lé edwè é zyɛŋa wɔɔ boo Adam ɨ, no nteme ó, Zyɛm ópɛ̀h bɨbɛh é mofoo ebe zyɛŋa wɔɔ boo Krɨst ɨ.

Galásia 5:16

Ebe no, me elɛɛ bɨn ó nɛɛ: kœʼœ ga ebò e cyen Mbɨambɨa Sisim lé etɨe bɨn ɨ. ǃBɨn óbe si sa no nɛʼɛ, bɨn bé aŋa ka du bɨgwɨma bɨ nyʉl bɨpuno ga wina,

Rôm 8:4

Nye a jaʼra e bɨntɨʼa é nyʉl we ó, nye nkʉʼ du ocɨcyel o motie mɨmɛh Zyɛm a tiile bʉr ɨ. Bɨna bé ebi ga mopoʼ mo syɛɛla ye yaa ó, é jɔʼ bɨna lé ekœʼ ga ebò e cyen Mbɨambɨa Sisim lé etɨe bɨna ga ɛ, aka be lé edu bɨgwɨma bɨ nyʉl bɨpuno ga wina.

Rôm 8:39

dam be bɨsa ndɨ é jobo kʉ, nkʉ byaa ndɨ é si tʉŋlʉ ɨ, dam be wáa mbi cyea sɔʼɔ, abe e sa gwar, yé ókoʼo lé ebɛʼ paʼra ga wina boo Zyɛm, waa lé elɛʼle kpɛl ye é zi mo Tî ga wina Yesʉs-Krɨst ɨ.

Galásia 5:25

É mpʉ yé ndɨ ó, tiʼ ga yina mu ó zyɛŋa e Mbɨambɨa Sisim ɨ, bɨna bé ejala le ekœʼ ga ebò e cyen Sisim waa lé etɨe bɨna ga ɛ.

Galásia 3:28

Ziila, nye aka gʉa be paʼra Yʉden bé e mʉr kul fih. Yé aka gʉa be ziila paʼra elʉa bé e mʉr ndɨ é dia otî ɨ, nkʉ paʼra mʉma bé e mʉrʉm, ebe, bɨn bɨ di é zyɛŋa win boo Yesʉs-Krɨst. Bɨn bɨbɛh mu ka di ó é dia mʉr ngwar: Yesʉs-Krɨst.

Yʉanes 14:20

Dobo laa, bɨn bé ógʉa ó, me ó ɨ Sɔŋ wam, ndwe nteme, bɨn bé ó ɨ me, mɛm ɨ bɨn.

Rôm 7:20

Sa me ndɨ akpɛl sa ɛ, ǃme si sa ye nɛʼɛ, no yé elɛʼle ó, ntʉʼ me ndɨ e gwɨma esa ye. Syem ndɨ é me e, wé ó lé etine me ó, me saʼ ye.

Rôm 7:17

Yé be no nɛʼɛ, syem me lé esa ɛ, ntʉʼ mɛm mʉr tɨʼ lé esa we. Lɛɛ ó, sa lé esa we e, yé ó njɨ syem ndɨ é me e.

2 Korɛnt 12:2

Me egʉa nuu mʉr é zyɛŋa wɔɔ boo Krɨst, muh mɨmbu ewʉm e mɨnâ. Mʉr waa a si nʉŋɔ, bɨnɔ kʉ, to pyal é jobo lɛl tʉŋlʉ. —Nkʉ nye a to ó, nye dina é cye mʉr ye nɛʼɛ, me agʉa. Nkʉ nye a baabe e nyʉl bɨpuno é jɔʼ yaa nɛʼɛ, me nteme agʉa. Zyɛm nye ome ó ndɨ ekʉ gʉa.

Rôm 16:7

Me esoho nteme mɨmbyɛl myam, Andronikus bé e Yʉnias. Bɨh e boo nɔɔ ó b'a be é mbʉʼ. Bé ó b'a taare jyɛʼ taa buʼo yɔɔ boo Krɨst e me. Bé é bul gʉŋɔ boo sama mɨlʉmlʉ mo Da.

Rôm 16:3

Soha ga me Priska bé e njʉm we Akilas, bʉr o nwan yam ndɨ é l'empomo e syɛɛ egwar é zyɛŋa wih boo Yesʉs-Krɨst ɨ.

Rôm 5:16

Mofuʼla mo ndwɛa mo Zyɛm, mé abe mpʉ mofuʼla mo syem mʉr gwar a sa ɛ. Yé cyecye ó, Zyɛm a be ó si dwe bɨna ga e boo nɔɔ mobe. Sa gwar, ndwɛa mo Zyɛm, wé a ntɨhɔ bɨna ga ó, pie ntaŋa motie é buobuo. Zyɛm ze sa ó, bɨna pʉʼa ga é nkar, sɔba é feerɨ.

Rôm 8:2

Bɨna bé a be ga ó mɨmɛra é mpila mɨsyem. Mɨsyem myaa, myé ó b'a liŋ bɨna ga odwè é mih mo Zyɛm. Mbɨambɨa Sisim ze dwe bɨna ga tiʼ molu mo mpoʼ mɨmɛh é zyɛŋa ga wina boo Yesʉs-Krɨst.

Rôm 8:9

Bɨn bɛɛ, bé abe bʉr o ndɨ edu bɨgwɨma bɨ nyʉl bɨpuno win ɨ. Bɨn bɛɛ mu lé ejoʼo ó, njɨ e Mbɨambɨa Sisim, ebe, Sisim waa, wé ó ndɨ é bɨn. ǃƗ mʉr baabe é zyɛŋa wɔɔ boo Sisim mo Krɨst nɛʼɛ, lɛɛ ó, mʉr waa, nye abe mʉr mo Krɨst.

Rôm 8:11

No nteme, ǃɨ Mbɨambɨa Sisim, mʉr a pɛ̀h Yesʉs-Krɨst é foo e, di é bɨn nɛʼɛ, lɛɛ ó, nye ópɛ̀h monyʉl mɨn é foo, maa lé edwè e. Nye ódwe monyʉl mɨn tiʼ é zi Sisim we ndɨ é monyʉl mɨn ɨ.

Galásia 3:26

Bɨn bɨbɛh mu ó bwan mo Zyɛm, ebe, bɨn bé a si jyɛʼ taa buʼo yin boo Yesʉs-Krɨst.

Éfɛsɔs 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile bɨn kalara nwa. Me etile ó mɨsaŋ mɨ bʉr mimyɛh [ndɨ ɨ Efɛɛz], myaa ndɨ é zyɛŋa wɔɔ boo Yesʉs-Krɨst, myaa ndɨ bʉr be ebuʼlɔ ɛ.