Rôm 7:9 - Kálara Zyɛ̌m Edwán é mpʉ̌n

⁹ Molu pihe, é jɔʼ me a baapa gʉa motie maa ɛ, me nteme a be ó lé etiʼe. To kœb ó, jɨh tɨʼ me a kʉ gʉa motie maa, mé ntɔʼ jɨm Syem é dwo, me ntɔʼ dwè.

Kálar Nzyɛ̌m : Ejwán é Sáá

⁹ Ɨ́ mimbú mí píhe, jɔʼ mé á be apǎ gʉ́a métié maá yɨ́, me á be lɨ́ etiʼe. Tó kœb ó, le mé á gʉ́a metié maá, le métié maá ntɔ̂ʼ á jɨm syóm ɨ́ jô,

Rôm 7:9 ပူးပေါင်းရင်းမြစ်များ

Galásia 3:10

Ebe, ǃɨ mʉr si buʼla ó, Zyɛm ódwe nye mokebe ebe mbi nye lé edu motie nɛʼɛ, nye e bɨkɔ́ɔlʉ, ebe, yé ó tila é l'okalara o motie mo Moyiz ó: «Mʉr nyiwɛh ndɨ adu motie mɨmɛh ndɨ mɨtila wâʼ ɛ, nye e bɨkɔ́ɔlʉ.»

Rôm 8:7

Baa ndɨ edu njɨ bɨgwɨma bɨ nyʉl bɨpuno e, bé ó bʉr o dɔm mo Zyɛm. Bé agum ka du motie Zyɛm a tiile bʉr ɨ. Bé ákwoʼ mɛʼle du me.

Galásia 2:19

É jɔʼ me a taare be é monkara mo mɛra motie mo Moyiz ɨ, me a be ó si ntaa motie maa, é ntaa ntaa, me ntɔʼ dwè. É jɔʼ me a dwè ebe motie maa ɛ, efie lam, lé ó b'a sa ó, me pʉʼa tɨ, ó me l'aka nyamle cwɨɨ tɨ. Sa yaa yiyɛh, yé a syɛɛlɨ no ó, me nkʉʼ nʉa edwan e tiʼ yam, ze dwe le Zyɛm nye mʉr tɨ.

Rôm 10:5

Moyiz a tile ó, ebi mokebe é mih mo Zyɛm, lé ó mʉr duʼo motie me. Nye ó: «Waa nyiwɛh lé edu motie e, nye óbi tiʼ molu mo mpoʼ mɨmɛh ó, ebe mbi nye lé edu motie maa ɛ.»

Rôm 7:11

Jɨh tɨʼ motie, mé a nee Syem zi, wé ntɔʼ bee ó, wé mu ó e zi mbeʼ ó, wé dimla me é zi bɨkʉʉŋʉ bye. Wé a jʉ me ó, jʉ jʉʼo, lé ebɨlan e motie Zyɛm a tiile e.

Rôm 7:6

No ó, banana, bɨna bɨ dwihɔ é mpila motie. Bɨna mu ó si dwè ga é nko paʼ motie maa. Mé ó b'a mɛr bɨna ga é dia olʉa é molu pihe. Bɨna bé a dwihɔ tɨʼ ó, bɨna nkʉʼ di é dia osyɛl o mosa mo Zyɛm, lé esea e nye é zi dwan, waa Mbɨambɨa Sisim lé elɛʼle bɨna ga ɛ. Bɨna bé aka sea ga e nye lé edu sa okalara o motie, bé a tilɔ é l'epeb ɨ.

Rôm 7:4

Obɨɔ ga bam aa! Bɨn nteme, bé ó é dia otî, motie mo Moyiz l'aka jwɨ̀ʼ bɨn, ebe, é zyɛŋa win boo Krɨst, bɨn bé a si dwè é nko paʼ bɨpuno. Bɨn bé a dwè ó, bɨn nkʉʼ di baa mo Krɨst, mʉr Zyɛm a pɛ̀h é foo ó, bɨna nkʉʼ gumo ga mpumo é l'efu mo Zyɛm ɨ.

Lʉkas 18:21

Mʉr nɨ ze lɛɛ e nye ó: «Mɨ du motie monɨ mɨmɛh, taare é l'oncyom wam, ze pyal é muh é dobo lɨ.»

Lʉkas 15:29

No ó nye a ze lɛɛ e sɔŋ we ó: “Paʼ bee: mɨ sea go bɨsyɛɛ bɨ elʉa mɨmbu é buobuo. Me dina ó apa pyeh lɔɔ go. Dam be no, go apa dwe me ma tab ngwar, ó bɨh e l'ofo bam bwala zɔɔ!

Mataos 19:20

No ó ma soho waa a ze bɨha e nye ó: «Mɨ du motie monɨ mɨmɛh. Yé ndɨ eka sa me sɔɔlʉ ɛ?»

Rôm 7:8

Sa gwar, jɨh tɨʼ motie, mé a nee Syem zi, wé ntɔʼ ze mara me. Me ntɔʼ taare lé egwɨm bɨsa byoonkan, mɨmbi mimyɛh. Ebe, nkʉ motie, mé a be ó be, abe nɛʼɛ, mpa Syem, wé a be ó si bɛa dwè.

Rôm 7:10

Zyɛm a tiile bʉr motie ó, bé nkʉʼ bi tiʼ molu mo mpoʼ mɨmɛh ebe mbi bé lé edu motie e. To kœb ó, motie maa, mé a ka ze jʉ mɛm ó, jʉ jʉʼo.