Rôm 7:8 - Kálara Zyɛ̌m Edwán é mpʉ̌n

⁸ Sa gwar, jɨh tɨʼ motie, mé a nee Syem zi, wé ntɔʼ ze mara me. Me ntɔʼ taare lé egwɨm bɨsa byoonkan, mɨmbi mimyɛh. Ebe, nkʉ motie, mé a be ó be, abe nɛʼɛ, mpa Syem, wé a be ó si bɛa dwè.

Kálar Nzyɛ̌m : Ejwán é Sáá

⁸ Sâ gwár, le métié, mé á lɛ̂ʼle me ó: «Syóm ó wɨ̂,» le ntɔ̂ʼ syóm waá, wé á bee nzɨ̌ ego mê. Me ntɔ̂ʼ táare égwɨ̂m bísá byé onkán, mimbi mímyɛ̂h. Yé bé metié abe nó, lɛ́ɛ́, syóm, wé ó sá mû sí dwe yɨ́.

Rôm 7:8 ပူးပေါင်းရင်းမြစ်များ

Rôm 7:11

Jɨh tɨʼ motie, mé a nee Syem zi, wé ntɔʼ bee ó, wé mu ó e zi mbeʼ ó, wé dimla me é zi bɨkʉʉŋʉ bye. Wé a jʉ me ó, jʉ jʉʼo, lé ebɨlan e motie Zyɛm a tiile e.

1 Korɛnt 15:56

Efie, lé enʉa nkul ejʉ bʉr ó, lé ebɨlan e syem. Syem, wé enʉa nkul ó, duho é motie mo Zyɛm.

Rôm 4:15

É jɔʼ Zyɛm lé etiile bʉr motie e, bé entaa motie maa, Zyɛm, nye ntɔʼ kpaa empime. Nkʉ motie, mé a be ó be, abe nɛʼɛ, mpa ntaŋa motie nteme, wé abe.

Rôm 7:13

Zê no, yé elɛɛ ó, sa ndɨ é bul mbɨa é mpʉ motie maa ɛ, yé a si jʉ me ɛ? Hɨʼɨ, yé abe ba no! Sa yé a jʉ me e, yé a be ó njɨ Syem. Wé a si bana bɨlan e sa mpa yaa, wé ntɔʼ jʉ me e tɨ. Syɛɛla yaa ó ndɨ elɛʼle bɨna ga sa ndɨ syem ɨ. Syem, wé a ka bul nyin é l'ebebe ó, é jɔʼ yaa.

Rôm 5:20

Zyɛm a tiile bʉr motie é l'efu ó, bʉr ntaŋa motie é buobuo. Dam be no, é jɔʼ mɨsyem mɨ bʉr, myé a dɨ buo no e, é jɔʼ gwar e gwar yaa nteme ó Zyɛm a bul lɛʼle be ncwɨncwɨa we, laa naa ɛ.

Yʉanes 15:22

Nkʉ me a be ó be, aze, ze lwib e be nɛʼɛ, mpa bé adweŋɔ mobe é lɔb mɨsyem myɔɔ. No ó, banana, bé aka be e nkar.

Rôm 7:17

Yé be no nɛʼɛ, syem me lé esa ɛ, ntʉʼ mɛm mʉr tɨʼ lé esa we. Lɛɛ ó, sa lé esa we e, yé ó njɨ syem ndɨ é me e.

Yʉanes 15:24

Nkʉ me a be ó be, asa mbi bɨsyɛɛla nuu mʉr a baapa sa paʼra wɔɔ nɛʼɛ, mpa bé adweŋɔ mobe é lɔb mɨsyem myɔɔ. To kœb ó, banana, bɨ bee bɨsyɛɛla byam. Bé dina ó, lé ekʉ nwim bɨh e Sɔŋ wam.

Markus 7:22

mɨfyɛba, zɔɔ bɨsa, bɨn, bɨlwib bɨkʉʉŋʉ, bɨmala zam e l'ekomo, egu, movoʼ, pyeh e nkɛa nyʉl, ompʉ.

Rôm 3:20

Mʉr ákwoʼ bi mokebe é mih mo Zyɛm ebe mbi nye lé edu motie e. Motie, mé ekʉ ka sea syɛɛ ó njɨ yaa elɛʼle bɨna ga ó, bɨna ga bé ó bʉr o mɨsyem.

Rôm 7:9

Molu pihe, é jɔʼ me a baapa gʉa motie maa ɛ, me nteme a be ó lé etiʼe. To kœb ó, jɨh tɨʼ me a kʉ gʉa motie maa, mé ntɔʼ jɨm Syem é dwo, me ntɔʼ dwè.