Rôm 7:6 - Kálara Zyɛ̌m Edwán é mpʉ̌n

⁶ No ó, banana, bɨna bɨ dwihɔ é mpila motie. Bɨna mu ó si dwè ga é nko paʼ motie maa. Mé ó b'a mɛr bɨna ga é dia olʉa é molu pihe. Bɨna bé a dwihɔ tɨʼ ó, bɨna nkʉʼ di é dia osyɛl o mosa mo Zyɛm, lé esea e nye é zi dwan, waa Mbɨambɨa Sisim lé elɛʼle bɨna ga ɛ. Bɨna bé aka sea ga e nye lé edu sa okalara o motie, bé a tilɔ é l'epeb ɨ.

Kálar Nzyɛ̌m : Ejwán é Sáá

⁶ Ɨ́ mimbú mí píhe, mɨná bé á be gá ó, ɨ́ mpila métié. Nó ó, ɨ́ báánâ, mɨná mû ó, sí dwe gá ɨ́ nkǒ páʼ métié maá. Mɨná bɨ́ duho gá ɨ́ mpila métié mé á nyɛɛ mɨmɛ̂r mɨná gá lɨ́ okómó wɔ́ɔ́ má. Yé á syɛ́ɛ nó ó, mɨná nkʉ̂ séa gá Nzyɛ̌m syɛ́ɛ́ ɨ́ nzɨ̌ dwân, nyaá Sísǐm mé Nzyɛ̌m mû sí kar mɨ́ná gá nyɨ́. Mɨná bé akǎ dû gá nzɨ̌ myâ, nyaá mícɛmá myé, myé á nyɛɛ tɨtɨ́e nyɨ́.

Rôm 7:6 ပူးပေါင်းရင်းမြစ်များ

2 Korɛnt 3:6

Nye ó b'a dwe bɨh nkul ó, bɨh nkʉʼ di bʉr o ndɨ ejala le esea nye syɛɛ ye e. Bɨh mu ó osyɛl o mosa be, lé enyiŋ bʉr ó, bé nʉŋa Edwan e Mpʉn nye a de e bʉr ɨ. Nye a de mpʉn waa e be ó, é zi Sisim we, abe é zi motie ndɨ mɨtila ɛ, ebe, motie maa, mé ejʉ ó, jʉʼo. Sisim we ó ndɨ edwe bʉr tiʼ molu mo mpoʼ mɨmɛh.

Rôm 7:4

Obɨɔ ga bam aa! Bɨn nteme, bé ó é dia otî, motie mo Moyiz l'aka jwɨ̀ʼ bɨn, ebe, é zyɛŋa win boo Krɨst, bɨn bé a si dwè é nko paʼ bɨpuno. Bɨn bé a dwè ó, bɨn nkʉʼ di baa mo Krɨst, mʉr Zyɛm a pɛ̀h é foo ó, bɨna nkʉʼ gumo ga mpumo é l'efu mo Zyɛm ɨ.

Rôm 6:4

Bɨna ga e boo Yesʉs ó b'a dwè, dɨlɔ é ndubo waa zyɛŋa é l'efu ó, bɨna pàha ga e nkul mo Zyɛm Sɔŋ ndɨ e kum ɨ. Mpʉ Lœma mulo mo Zyɛm a pàh é foo e, yé ejala ó, bɨna kœʼœ ga ebò e cyen edwan pie ndubo.

Galásia 3:13

Yesʉs-Krɨst a si jɛna mobyaʼ ga mɨna, lé epɛʼ bɨna ga é sama bʉr o b'a jala le ekáalɔ ɛ. Nye a nʉa bɨkɔ́ɔlʉ bibyɛh byaa ó, é l'efu ga lɨna, ebe, yé ó tila é motie mo Zyɛm ó: «Mʉr nyiwɛh a cyèlɔ é lɨ kʉ ɨ, nye ó ndɨ waa Zyɛm a káale e.»

Kolosi 3:10

Bɨn bɨ bwar mɨkan modwan: nyʉl dwan ndɨ edwanba é ngwɨa ocyecye e. Nyʉl dwan waa, nye edu dweʼle mo Zyɛm Kwihbʉr.

Galásia 6:15

Yé asiila sɔʼɔ nkʉ gɨ saŋɔ mpʉn, nkʉ go asaŋɔ nye. Bwaʼbwaʼ sɔʼɔ, yé ó, Zyɛm bula cye go.

Rôm 12:2

Aka du ga mɨnjwɨr bʉr o mya wiʼ lé ekuhlo e. Yé ejala ó, Zyɛm dweʼ bɨn mɨpɛhla mɨdwan, ó nye dwirɨ bɨn mɨleme. É mbi waa ó bɨn bé ógʉa sa Zyɛm lé egwɨm ɨ, é kpɛhla. Bɨn bé ógʉa sa ndɨ é mbɨa ɛ, ndwe e yaa nye lé emɛʼle e, ka kɛl sa ndɨ mbɨmbɨa é mɨpaʼ mimyɛh ɛ.

Rôm 6:22

Banana, Zyɛm, nyi sa ó, bɨn diʼe é dia otî é nko paʼ Syem. Bɨn mu ó é dia osyɛl o mosa mo Zyɛm. Mpumo lé ecyèl é bɨtiʼ bin ɨ, nye ó ndɨ ebò e cyen ndɨ ti é mih mo Zyɛm ɨ. Ndumlo tɨ, wé ó tiʼ molu mo mpoʼ mɨmɛh.

2 Korɛnt 5:17

Yé be ó, nuu mʉr, nye ó é zyɛŋa wɔɔ boo Krɨst cyecye nɛʼɛ, lɛɛ ó, nye mu ó edwan e cyea sɔʼɔ. Mɨnjʉ̌m bɨsɔʼɔ mimyɛh, mi laa; bɨsa bibyɛh mu ó, njɨ modwan e modwan.

Rôm 7:1

Obɨɔ ga bam aa! Bɨn bé ekʉ gʉa motie mo Moyiz. Bɨn bé egʉa ó, etie, lé ejwɨʼ mʉr ó, njɨ é jɔʼ nye dina kʉ ɨ.

Rôm 6:2

Hɨʼɨ, yé abe ba no! Bɨna bɨ dwè ga é nko paʼ mo Syem. Ebe no, abe e sa yé ósa ó, bɨna toʼ ga dolo le esa mɨsyem.

Rôm 6:19

Me elwib ó, é mpʉ bʉr lé ebɛa sa-sa ɛ. Me esa no ó, ebe ecyɛʼ bɨn ndɨ e le é mɨsisim ɨ. Bɨn bé a be é jɔʼ mya ó, si kʉ lomo bɨfum bɨ nyʉl win, ó bɨn diʼe é dia olʉa. É cye yaa ó bɨn bé a be ó molʉa lé elama fwon lé edu njɨ bɨjyɛʼ bin ɨ. Bɨn bé a be nteme ó, ontɔɔ o motie mo Zyɛm. Efuʼla e tɨʼ, lé a jaa be ó njɨ entaa motie mo Zyɛm! Banana, loma ga bɨfum bɨ nyʉl win ó, byé sea Zyɛm syɛɛ ndɨ é l'ocɨcyel ɨ. Efuʼla e tɨʼ, lé ó, bɨn bé ódi mɨsaŋ mɨ bʉr é mih me.

Rôm 6:11

Saʼ ga nteme no. Toŋla ga ó, bɨn bé ó bʉr o b'a dwè nko paʼ mɨsyem ɨ. Toŋla ga nteme ó, bɨn mu lé eka tiʼe ó, é l'efu mo Zyɛm, é zyɛŋa win boo Yesʉs-Krɨst tʉŋlʉ.

Rôm 1:9

É jɔʼ yiyɛh, me ejwɨʼla e nye é l'efu lɨn. Zyɛm nye mʉr tɨ, nye egʉa ó, me elɛɛ ó ocyecye. Nye waa ó me lé esea syɛɛ ye e leme wam wiwɛh ɛ. Me esea ye ó, é zi elɛɛ Mbɨambɨa Lɔɔ lé etiibe e Mwan we e.

Filipi 3:3

Bɨna ga bɛɛ ó ndɨ e mpaŋ sɛa mpʉn. Bɨna ga ó lé edwiibɨ Zyɛm é zi Sisim we. Bɨna bé edoʼo ga ó, njɨ e lɔb mo Yesʉs-Krɨst. Bɨna bé ajyɛʼ ga taa buʼo yina é bɨpuno ga bina.

Rôm 7:2

Me paʼ dwe dweʼle: Motie, mé elɛɛ ó, mbɛa mʉma, wé edi nɛra e njʉm we ó, cye yiyɛh njʉm we dina kʉ ɨ. ǃƗ njʉm waa si ka dwè nɛʼɛ, mʉma waa, nyi duho é mpila eba laa é pololo.

Éfɛsɔs 4:24

Bɨn bé ófuʼla modwan mo bʉr, tiʼ yin lé enwɨɨla e yaa mo Zyɛm. Nye óbâʼle cye bɨn mɨsaŋ mɨ bʉr mye, baa ndɨ ekœʼ ebò e cyen é l'ocyecye e.