Rôm 7:5 - Kálara Zyɛ̌m Edwán é mpʉ̌n

⁵ É jɔʼ yiyɛh bɨna bé a be lé edu ga bɨgwɨma bɨ nyʉl bɨpuno ga wina ɛ, motie mo Zyɛm, mé a be-be nteme ó, lé eto le eyɨm bɨfum bɨ nyʉl ga bina ó, byé loŋla bɨsyɛɛla bɨ ebebe bɨna bé a kʉ gwɨm ɨ. Byé ntɔʼ daʼre efie é monyʉl ga mɨna.

Kálar Nzyɛ̌m : Ejwán é Sáá

⁵ Jɔʼ yɨ́yɛ̂h mɨ́ná bé á dû gá njwɨr myâ wɨ́ná yɨ́, metié mé Nzyɛ̌m, mé á si dwe bibɨ́bla bígwɨ́má bíná nkul, byé ntɔ̂ʼ sâ ó, bisyɛ́ɛla mɨ́ná bé á tʉtô le esâ gá bí, byé dâʼraa eswie ɨ́ menyʉ́l gá mɨ́ná.

Rôm 7:5 ပူးပေါင်းရင်းမြစ်များ

Éfɛsɔs 2:3

Bɨna bɨbɛh, bé a taare kœʼ ga ó, ebò e cyen egwar laa. Bɨna bé a kʉ saa-saa ga ó, njɨ edu bɨgwɨma bɨ nyʉl bɨpuno ga wina. Bɨgwɨma byaa ó b'a bul pebre-pebre bɨna ga é mɨleme. Sa yé a kʉ jala e bɨh oYʉden ɨ, yé a be ó, Zyɛm kpaŋa empime le e bɨh, jwɨʼ gwar e gwar mpʉ nye a jala le ekpaa e bʉr o ndɨ abe oYʉden ɨ.

Galásia 5:24

Bʉr o ndɨ baa mo Yesʉs-Krɨst ɨ, bé a si cyèl nyʉl bɨpuno wɔɔ é klos kʉ, bé e bɨbebebebe bɨgwɨma bye bibyɛh.

Galásia 3:10

Ebe, ǃɨ mʉr si buʼla ó, Zyɛm ódwe nye mokebe ebe mbi nye lé edu motie nɛʼɛ, nye e bɨkɔ́ɔlʉ, ebe, yé ó tila é l'okalara o motie mo Moyiz ó: «Mʉr nyiwɛh ndɨ adu motie mɨmɛh ndɨ mɨtila wâʼ ɛ, nye e bɨkɔ́ɔlʉ.»

Rôm 6:13

Abɨlan ga e bɨfum bɨ nyʉl bin ó, byé dɨʼe sea Syem syɛɛ. Syem, wé amu jaa nʉa bye, ze sa bɨsyɛɛla bɨ ozyɛhozyɛh bye e tɨ. Bɨn bɨ dwihɔ é l'odwè, ntɔʼ dweŋɔ tiʼ molu mo mpoʼ mɨmɛh. Timla ga Zyɛm bɨn bʉr o tɨ, ndwe e bɨfum bɨ nyʉl bin, bɨsa nye óbɨlan e bye, ka to le esa mɨmpaŋ bɨsyɛɛla bye e tɨʼ ɨ!

Rôm 6:21

Wáa nyɔm bɨn bé a dira e mɨsyem bɨn bé a sa ɛ? Banana, bɨn mu ó lé ejoʼo fwon lé etoŋlo bɨsyɛɛla bɨ ebebe byaa. Byé ó ndɨ eto e bʉr nko efie.

1 Yʉanes 3:4

Mʉr nyiwɛh lé esa syem ɨ, nye entaa etie mo Zyɛm. Esa syem, lé ó entaa motie.

Kolosi 3:5

Bɨfum bɨ nyʉl bin ndɨ eduho é si nwaʼ ɛ, teʼla ga bye. Yé ó ndɨ: elœʼ nyʉl é zi bɨduo, elama fwon lé edu njɨ bɨjyɛʼ, empime, esa bɨgwɨma bɨ ebebe, ecen mih é bɨsa byoonkan. (Ebe, mʉr ndɨ ecen mih é bɨsa byoonkan ɨ, nye ó asiila ba e waa lé edwiibɨ bɨbaŋabaŋa bɨdweʼle e!)

1 Korɛnt 15:56

Efie, lé enʉa nkul ejʉ bʉr ó, lé ebɨlan e syem. Syem, wé enʉa nkul ó, duho é motie mo Zyɛm.

Jacques 4:1

Mogo, mé eduho nko? Bɨduʼo, byé epa kʉ duho nko paʼra win? Byé eduho ó, é bɨbebebebe bɨgwɨma bɨn ndɨ e bye, byaa ndɨ elwimla e bɨn é monyʉl tʉŋlʉ ɨ.

Jacques 1:15

Bɨgwɨma bye byaa, byé ónʉa ebum, ntɔʼ bya Syem. Syem nyɛɛ ógwɨe, ntɔʼ sa mʉr, ntɔʼ ze bya we mwan, Efie!

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.

Éfɛsɔs 2:11

Toŋla ga ebyɛl lɨn. Bɨn, bʉr o ndɨ abe oYʉden ɨ, bɨn bé ó baa oYʉden lé ejebe ó, bʉr o ndɨ asaŋɔ mpʉn ɨ. Tina, yé ó, bʉr o ndɨ ejebe bɨn no e, bé ejebe bé bʉr o tɨʼ ó, baa b'a saŋɔ mpʉn ɨ. To kœb ó, mpʉn bé a saŋɔ ɛ, bʉr, bé a sa be nya ó, njɨ é nyʉl.

Rôm 7:23

To kœb ó, me ebee é bɨpeh bɨ nyʉl wam ó, yé e lʉʉ etie lé elwimla e l'etie lé eduho é mɨpɛhla mɨ leme wam ɨ. Syem ndɨ é me e, wé ó lé entaa ocyoo wam, me ntɔʼ lihba elʉa mo Syem ndɨ me é bɨfum bɨ nyʉl ɨ.

Rôm 6:23

Myɛna mo mʉr lé esa syem ɨ, mé ó njɨ efie. To kœb ó, ndwɛa Zyɛm a dwe bʉr edwɛna ɛ, wé ó tiʼ molu mo mpoʼ mɨmɛh é zyɛŋa ga wina boo Tî ga wina Yesʉs-Krɨst.

Rôm 6:19

Me elwib ó, é mpʉ bʉr lé ebɛa sa-sa ɛ. Me esa no ó, ebe ecyɛʼ bɨn ndɨ e le é mɨsisim ɨ. Bɨn bé a be é jɔʼ mya ó, si kʉ lomo bɨfum bɨ nyʉl win, ó bɨn diʼe é dia olʉa. É cye yaa ó bɨn bé a be ó molʉa lé elama fwon lé edu njɨ bɨjyɛʼ bin ɨ. Bɨn bé a be nteme ó, ontɔɔ o motie mo Zyɛm. Efuʼla e tɨʼ, lé a jaa be ó njɨ entaa motie mo Zyɛm! Banana, loma ga bɨfum bɨ nyʉl win ó, byé sea Zyɛm syɛɛ ndɨ é l'ocɨcyel ɨ. Efuʼla e tɨʼ, lé ó, bɨn bé ódi mɨsaŋ mɨ bʉr é mih me.

Rôm 5:20

Zyɛm a tiile bʉr motie é l'efu ó, bʉr ntaŋa motie é buobuo. Dam be no, é jɔʼ mɨsyem mɨ bʉr, myé a dɨ buo no e, é jɔʼ gwar e gwar yaa nteme ó Zyɛm a bul lɛʼle be ncwɨncwɨa we, laa naa ɛ.

Rôm 4:15

É jɔʼ Zyɛm lé etiile bʉr motie e, bé entaa motie maa, Zyɛm, nye ntɔʼ kpaa empime. Nkʉ motie, mé a be ó be, abe nɛʼɛ, mpa ntaŋa motie nteme, wé abe.

Rôm 3:20

Mʉr ákwoʼ bi mokebe é mih mo Zyɛm ebe mbi nye lé edu motie e. Motie, mé ekʉ ka sea syɛɛ ó njɨ yaa elɛʼle bɨna ga ó, bɨna ga bé ó bʉr o mɨsyem.

Rôm 1:26

Ebe no ó Zyɛm a fuo ka bir ó, bé saʼ bɨsyɛɛla lé eloŋlo bɨgwɨma bɨ nyʉl bɨpuno wɔɔ ɛ, lé esa ó, bé lama fwon. Bʉba bɛɛ lé ebene lé esyɛŋa e bʉrʉm é bɨduo, mpʉ Zyɛm a cye be ó, bé diʼe sa ɛ. Laa ó, bé saʼ mpaŋ syɛɛla yaa, bé a kʉ ka gba monyʉl mɔɔ ó njɨ lé ekœbla paʼra wɔɔ.

Yʉanes 3:6

Sa mamʉr lé ebya ɛ, yé ó njɨ mamʉr bɨpuno e motié. To kœb ó, Mbɨambɨa Sisim ó ndɨ ebya mʉr ndɨ e sisim ndɨ kublakubla ɛ.

Mataos 15:19

Ebe, bɨsa bɨ ebebe bibyɛh, byé eduho ó, é leme. Byé ó: bɨbebebebe mɨpɛhla, ejwɨɨ e bʉr, mɨfyɛba, bɨmala, díbe, ebuʼo mɨɔ go mʉr mɨlɔb ndwe e movoʼ.

2 Korɛnt 10:3

Yé cyecye ó, bɨna bé etiʼe ga ó, é si nwa. Sa gwar, dɔm bɨna lé elwimla ga ɛ, bɨna bé abe lé elwimla ga le e nkul bʉr o si nwa,