Rôm 7:4 - Kálara Zyɛ̌m Edwán é mpʉ̌n

⁴ Obɨɔ ga bam aa! Bɨn nteme, bé ó é dia otî, motie mo Moyiz l'aka jwɨ̀ʼ bɨn, ebe, é zyɛŋa win boo Krɨst, bɨn bé a si dwè é nko paʼ bɨpuno. Bɨn bé a dwè ó, bɨn nkʉʼ di baa mo Krɨst, mʉr Zyɛm a pɛ̀h é foo ó, bɨna nkʉʼ gumo ga mpumo é l'efu mo Zyɛm ɨ.

Kálar Nzyɛ̌m : Ejwán é Sáá

⁴ Bɨ́ɔɔ́ bâm! Okɛ́l bâm! Bɨ̌n ntémé, bé ó nó. Bɨ̌n bé á si dwe, ntɔ̂ʼ duho ɨ́ mpila métié. Yé á syɛ́ɛ nó ó, ɨ́ jɔʼ bɨ́n á pûhla e Krîst, le ɨ́ jɔʼ nyé á dwe ɨ́ páʼ bípúno yɨ́. Bɨ̌n bé á dwe ó, bɨ̌n nkʉ̂ gúmo e Krîst, mʉ̌r Nzyɛ̌m á pɛh, dwih lɨ́ odwe ó, mɨná nkʉ̂ gúmo gá mpumó lɨ́ esú mé Nzyɛ̌m nyá.

Rôm 7:4 ပူးပေါင်းရင်းမြစ်များ

1 Pyɛr 2:24

Krɨst nye mʉr tɨʼ a si nkɛɛ mɨsyem ga mina é nyʉl we, ntɔʼ dwè é klos. Nye a sa no ó, bɨna dwèʼ ga é nko paʼ mo Syem, bɨna nkʉʼ kœʼ ga ebò e cyen ndɨ cɨcyel ɨ. Bɨna bé a be ga ó mɨsyoblʉ. Bɨna ntɔʼ ka tiʼe ga ebe mopɨɨ me,

Rôm 8:2

Bɨna bé a be ga ó mɨmɛra é mpila mɨsyem. Mɨsyem myaa, myé ó b'a liŋ bɨna ga odwè é mih mo Zyɛm. Mbɨambɨa Sisim ze dwe bɨna ga tiʼ molu mo mpoʼ mɨmɛh é zyɛŋa ga wina boo Yesʉs-Krɨst.

Éfɛsɔs 2:15

Nye a gba motala paʼra ga wina ó, é jɔʼ nye a pɛʼ motie mo Moyiz le mompene ndwe e mɨtiʼa mimyɛh ɛ. Nye a pɛʼ bye ó, nye nkʉʼ nʉa bɨkul bɨba ga bina, ntɔʼ syɛŋ bye é nye mʉr tɨ, byé nkʉʼ fuʼla edwan e kul, nwɨɨla e mʉr ngwar.

Rôm 7:6

No ó, banana, bɨna bɨ dwihɔ é mpila motie. Bɨna mu ó si dwè ga é nko paʼ motie maa. Mé ó b'a mɛr bɨna ga é dia olʉa é molu pihe. Bɨna bé a dwihɔ tɨʼ ó, bɨna nkʉʼ di é dia osyɛl o mosa mo Zyɛm, lé esea e nye é zi dwan, waa Mbɨambɨa Sisim lé elɛʼle bɨna ga ɛ. Bɨna bé aka sea ga e nye lé edu sa okalara o motie, bé a tilɔ é l'epeb ɨ.

Galásia 5:18

ǃBɨn óbe si du zi Mbɨambɨa Sisim lé etɨe nɛʼɛ, lɛɛ ó, bɨn bé aŋa ka be é monkara mo mɛra motie.

Kolosi 1:22

No ó, banana, Zyɛm, nyi sa sàa paʼra win boo nɔɔ, ó nye nkʉʼ cyel bɨn é mih me mɨsaŋ mɨ bʉr, abe e mobe, abe e sa ebebe nye a ngbaa nwahle bɨn e tɨ. Nye a sa sàa waa ó, é zi mo Mwan we é jɔʼ Mwan we a bir tiʼ ye, le emɛʼle ó, nyʉl we, nye dwèʼ e.

Rôm 6:22

Banana, Zyɛm, nyi sa ó, bɨn diʼe é dia otî é nko paʼ Syem. Bɨn mu ó é dia osyɛl o mosa mo Zyɛm. Mpumo lé ecyèl é bɨtiʼ bin ɨ, nye ó ndɨ ebò e cyen ndɨ ti é mih mo Zyɛm ɨ. Ndumlo tɨ, wé ó tiʼ molu mo mpoʼ mɨmɛh.

Galásia 3:13

Yesʉs-Krɨst a si jɛna mobyaʼ ga mɨna, lé epɛʼ bɨna ga é sama bʉr o b'a jala le ekáalɔ ɛ. Nye a nʉa bɨkɔ́ɔlʉ bibyɛh byaa ó, é l'efu ga lɨna, ebe, yé ó tila é motie mo Zyɛm ó: «Mʉr nyiwɛh a cyèlɔ é lɨ kʉ ɨ, nye ó ndɨ waa Zyɛm a káale e.»

Rôm 6:14

Ebe, Syem, wé ajala le eka jwɨ̀ʼ bɨn, ebe, bɨn bé aka be é monkara mo mɛra motie. Banana, bɨn mu ó baa Zyɛm a lɛʼle ncwɨncwɨa we e.

Kolosi 2:14

Mɨtila myé a lɛʼle-lɛʼle mobe ga mɨna ɛ, nyi cyam mye é jɔʼ gwar, lé ebomlo mye é klos. Mɨtila myaa, myé ó b'a lɛʼle mompene bɨna bé a ntaa, maa mé a dɨ nwahle bɨna ga ɛ.

Kolosi 1:10

É mbi waa ó bɨn bé ókœʼ ebò e cyen lé ejala e Da Yesʉs ɨ, le esa sa nye lé ebul kpɛl ɨ. Bɨn bé óto dolo lé esa mɨmpaŋ bɨsyɛɛla bin bibyɛh, le egumo mɨmpaŋ mɨ mpumo lé ejala e nye e. Toʼ ga dolo lé egwɨe é pɨʼ, lé egʉa Zyɛm é kpɛhla.

Filipi 1:11

No ó bɨn bé ódi ocɨcyel o bʉr é zyɛŋa win boo Yesʉs-Krɨst ɨ. Bʉr, bé óbul dwe Zyɛm kum le eseʼle nye ebe bɨn.

Mɨngwiha 19:7

Bɨna soha ga é buobuo. Bɨna gumla ga nye, ebe, Ma Ntœme mu ó ze ba mʉma we! Mʉma waa, nyi komlo sa yiyɛh ó, nye bwama.

Rôm 6:2

Hɨʼɨ, yé abe ba no! Bɨna bɨ dwè ga é nko paʼ mo Syem. Ebe no, abe e sa yé ósa ó, bɨna toʼ ga dolo le esa mɨsyem.

Kolosi 2:20

Bɨn e boo Krɨst, bé a si dwè efie egwar. É mpʉ bɨn ndɨ no e, gʉŋa ga ó, sikʉlʉ bʉr o si nwaʼ lé ekuhlo e, yé aka be e nkul é bɨn. Ebe no, mʉr beʼ l'aka bâʼle du motie mo sikʉlʉ yaa, nkʉ bâʼle sa mpʉ sa lɛɛ ó, bɨn dina ó é nkɔb bʉr o si nwa.

Kolosi 1:6

Mbɨambɨa Lɔɔ, wé emyɛma é bɨn tʉŋlʉ, myɛma é si nwaʼ nyiwɛh, lé etɨe bʉr motum modwan, mpʉ wé esa é mbɛr Zyɛm win ɨ. Bɨn bé a be ó si joʼo bʉr lé elab lɔb ncwɨncwɨa mo Zyɛm, bɨn ntɔʼ gʉa jwɨʼ ocyecye ndɨ tɨʼ ɨ.

Filipi 4:17

Me agwɨm ba ndwɛa win, wé mʉr tɨ. Me ekʉ ka gwɨm ó njɨ Zyɛm niʼa bɨn bɨbaa bɨ embɨa é lɔb sa bɨn bé ódwe-dwe me e.

Yʉanes 3:29

Mʉr ndɨ e mʉma ɛ, nye ó njɨ mbɛl mʉma. Fo we nyɛɛ, nye ecyɛb-cyɛb ó, é puuu... joʼlo, ó nye nkʉʼ gʉa joʼlo ecel mo mbɛl. Nye ebul soho ecel le! Ebe no ó me lé ebul soho é bananaʼ ɛ.

Mataos 26:26

É mpʉ bé a be, bé mu lé ede e, Yesʉs ntɔʼ nʉa bler yaa, dwe Zyɛm ekiba, pɛ̂ʼ ye bɨpeh, dwe ompʉn be bya. Nye ó: «Nʉŋa ga. Bɨn deʼ. Nyʉl wam ó nwa.»

Mɨngwiha 21:9

Nuu engles é sama beengles tambɛl bé a nkɛɛ mompele tambɛl ɨ, ze pyal me. (To kœb ó, mompele maa, mé ó b'a be mɨlwɨŋla e bɨntɨʼa bɨ epihe.) Nye e me ó: «Ncʉʼ. Me lɛʼla go mʉma Ma Ntœme a ba ɛ.»

Ebrœ̂ 10:10

Bɨna mu ó si pubɔ jɔʼ gwar é bɨjɔʼ bibyɛh ebe gwɨma yaa, ndwe e kɛha Yesʉs-Krɨst a ze kɛha nyʉl we tɔɔ motwina ɛ.

2 Korɛnt 11:2

Ebe, me ebaʼ bɨn, mbɔʼ waa lé eduho boo Zyɛm. Mbɔʼ waa, wé ó, ebe, bɨn bé ó mpʉ saŋ ndu esehe me a bɛl njʉm ngwar ɨ. Njʉm waa, nye ó Krɨst.

1 Korɛnt 10:16

Bele monwoʼ ga yina, yé nyá ɛ? Yé ó bɨna ga zi Zyɛm lé esʉ bɨna ga mocyɛʼ mo mpom me tɨʼ ɨ. Bɨna bé edwe ga nye ekiba é lɔb bele yaa. É jɔʼ bɨna mu lé enyʉl ga monwoʼ mo tɨʼ ɨ, bɨna bé esyɛŋa ga lé enʉa nkɔb é motié mo Krɨst. Bler bɨna lé epɛ̂ʼla ga é jɔʼ bɨna mu lé ede ga ɛ, tɨʼ ó bɨna lé esyɛŋa ga lé enʉa nkɔb é nyʉl mo Krɨst ɨ.

Yʉanes 15:8

Sɔŋ wam óbi kum ó, é jɔʼ bɨn bé ógumo buobuo mpumo, le edi ompʉn bam ɨ.

Yʉanes 6:51

Me ó ndɨ kublakubla mode, maa mé a duho é jobo kʉ, ze kaʼ é si nwaʼ ɛ. ǃƗ mʉr si de mode maa nɛʼɛ, gʉŋa ó, nyi bi tiʼ molu mo mpoʼ mɨmɛh. Mode me ódwe nye e, mé ó bɨpuno byam! Me edwe bʉr bɨbɛh bya ó, é l'efu ó, bé biʼe tiʼ molu mo mpoʼ mɨmɛh.»

Markus 4:20

Bʉʉ bɛɛ, bé enwɨɨla ó e mpœʼ yé a kur é mpaŋ si mocyɛʼ ɛ. Bé ze joʼo lɔɔ Zyɛm, nʉa we mbɨmbɨa. Ebe no ó bé lé egumo mpumo é bɨtiʼ byɔɔ ɛ. Maʼ motin, gumo mpumo mowʉm molɛl. Mʉʉ, mpumo mowʉm tobo. Mʉʉ nteme, mpumo nter.»

Rôm 6:11

Saʼ ga nteme no. Toŋla ga ó, bɨn bé ó bʉr o b'a dwè nko paʼ mɨsyem ɨ. Toŋla ga nteme ó, bɨn mu lé eka tiʼe ó, é l'efu mo Zyɛm, é zyɛŋa win boo Yesʉs-Krɨst tʉŋlʉ.

Rôm 7:3

Cye yiyɛh njʉm we dina kʉ ɨ, ǃɨ myɛl we si to ni é l'eba boo mʉr fih nɛʼɛ, bé ónʉa nye ó, mpʉ syɛl mɨfyɛba. To kœb ó, ǃɨ njʉm we si dwè nɛʼɛ, mʉma waa óbɛm ni é l'eba boo nuu mʉr fih, antaa etie lé elɛɛ ó: «Yé mpene ó, mʉr asa mɨfyɛba» ɛ. Nye mu ó mʉma ndɨ é dia otî ɨ.