Rôm 7:25 - Kálara Zyɛ̌m Edwán é mpʉ̌n

²⁵ Bɨna dweʼ ga Zyɛm ekiba é zyɛŋa ga wina boo Tî ga wina Yesʉs-Krɨst! Yé ó mpʉ me ndɨ e nkul elɛɛ ó, mɨpɛhla mɨ leme wam, myé egwɨm sea syɛɛ ó, yaa motie mo Zyɛm ndɨ etɨe e. Nyʉl bɨpuno wam nyɛɛ, nye ekʉ ka kpɛl ó njɨ me diʼe elʉa mo Syem, le edu mɨnjwɨr mye.

Kálar Nzyɛ̌m : Ejwán é Sáá

²⁵ Mɨná dwêʼ gá Nzyɛ̌m nzyǒo ɨ́ nzɨ̌ mé Yésʉs-Krîst, Tî gá wɨ́ná. Yé ó mpʉ mé dí e nkul elɛ́ɛ ó: bijwɨʼ bí lémé wâm, byé kpɛl éséǎ syɛ́ɛ́ ó, yaá métié mé Nzyɛ̌m dí etɨ́e yɨ́. Njwɨr myâ wâm wɨ́ɛ jaá kam ó, njɨ me jóʼaa mpʉ̌ syóm dí ekpɛl ó, me sâʼ misyóm yɨ́.

Rôm 7:25 ပူးပေါင်းရင်းမြစ်များ

Kolosi 3:17

Sa yiyɛh bɨn lé esa, nkʉ yaa bɨn bé ólɛɛ ɛ, yé diʼe njɨ, pere e die mo Da Yesʉs. Dweʼ ga Zyɛm Sɔŋ kum, pere e die le.

1 Pyɛr 2:5

Zyɛm, nye efumo mbɛr, waa Sisim mo Zyɛm ódi tɨʼ ɨ. Diʼe ga mokoʼ mo mbɛr waa, maa lé etiʼe é mih mo Zyɛm, maa lé ebɨrɔ tɨʼ é fumo waa ɛ. Bɨn bé ófuʼla mɨsaŋ mɨ opara é mih mo Zyɛm. Motwina bɨn bé ódwe nye é zi Sisim we e, nye óbee me mbɨmbɨa ó, dumo e Yesʉs-Krɨst.

1 Korɛnt 15:57

Zyoo e Zyɛm, nyɛɛ waa lé edwe bɨna ga nkul ebula e l'esaa é koo dumo e Tî ga wina Yesʉs-Krɨst ɨ!

Rôm 6:17

Bɨna dweʼ ga Zyɛm ekiba! Bɨn bé a taare be ó mpʉ molʉa, lé esa mɨsyem. No ó, bɨn mu é bananaʼ ó, si sa mojoʼo e mɨleme min mimyɛh, lé edu mbi sikʉlʉ mu lé ebaʼle bɨn ɨ.

Rôm 6:14

Ebe, Syem, wé ajala le eka jwɨ̀ʼ bɨn, ebe, bɨn bé aka be é monkara mo mɛra motie. Banana, bɨn mu ó baa Zyɛm a lɛʼle ncwɨncwɨa we e.

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

Filipi 3:3

Bɨna ga bɛɛ ó ndɨ e mpaŋ sɛa mpʉn. Bɨna ga ó lé edwiibɨ Zyɛm é zi Sisim we. Bɨna bé edoʼo ga ó, njɨ e lɔb mo Yesʉs-Krɨst. Bɨna bé ajyɛʼ ga taa buʼo yina é bɨpuno ga bina.

2 Korɛnt 9:15

Bɨna dweʼ ga Zyɛm ekiba é lɔb etʉm nye a ntɨh bɨna ga ɛ. Mombɨa ndɨ tɨʼ ɨ, mé abe e tolɔɔ.

Mataos 1:21

Nye óbya ma mʉrʉm. Go ójwɨr nye die ó Yesʉs, ebe, nye ó ngo tiʼ kul bʉr ye, lé edwih ye é mpila mɨsyem myɔɔ é pololo.»

Filipi 4:6

Asyɛl ga ba e bɨn bʉr o tɨ, tiibe e yʉʉ sɔʼɔ. Jwɨʼla ga e Zyɛm é bɨjɔʼ bibyɛh, é bɨsa bibyɛh bɨn lé ejaʼ ɛ. Dweʼ ga nye ekiba é jɔʼ yiyɛh é lɔb bɨsa nye lé edwe bɨn ɨ.

Éfɛsɔs 5:20

É jɔʼ yiyɛh, dweʼ ga Zyɛm Sɔŋ ekiba é lɔb sa yiyɛh, é die mo Tî ga wina Yesʉs-Krɨst.

Rôm 8:2

Bɨna bé a be ga ó mɨmɛra é mpila mɨsyem. Mɨsyem myaa, myé ó b'a liŋ bɨna ga odwè é mih mo Zyɛm. Mbɨambɨa Sisim ze dwe bɨna ga tiʼ molu mo mpoʼ mɨmɛh é zyɛŋa ga wina boo Yesʉs-Krɨst.