Rôm 7:24 - Kálara Zyɛ̌m Edwán é mpʉ̌n

²⁴ A vwaʼ e me! Zé ósyɛb me é nkul nyʉl bɨpuno nwa? Nye ejɨ jʉ me!

Kálar Nzyɛ̌m : Ejwán é Sáá

²⁴ Nkoó e me! Syóm dí ɨ́ nyʉ̂l nyǎm wɨ́, wé lɨ́ etyen mé lɨ́ eswie. Nzé ópɛʼ mé ɨ́ jwɨ́ɨ́ syóm yaá ɛ́?

Rôm 7:24 ပူးပေါင်းရင်းမြစ်များ

Rôm 6:6

Bɨna bé egʉa ga ó, é jɔʼ Yesʉs-Krɨst a cyèlɔ é klos ɨ, Zyɛm a si bomlo mɨnjʉ̌m motum ga mɨna tɨʼ nteme é l'efu ó, nye dwihɨ bɨna ga nyʉl ndɨ eyɨm bɨna ó, bɨna saʼ ga mɨsyem ɨ, ndwe nteme, bɨna l'ayi ka bâʼle di ga molʉa, lé esil lé esa mɨsyem mimyɛh bɨgwɨma ga bina ndɨ eyɨm bɨna ó, bɨna saʼ ɛ,

2 Timotɛ 4:18

Da Yesʉs óto le esyɛb me é jɔʼ yiyɛh bé ódɨ sa me ebebe e. Nye ósa ó, me pyala é jwɨ̀ʼa ye, yaa ndɨ é jobo kʉ ɨ. Nye dweŋɔ kum njʉmdia e njʉmdia. Amɛn.

Títos 2:14

Nye a si jala e bɨna ga, lé eze kʉr bɨna ga, le edwih bɨna ga é bɨbla ebò e cyen bɨna bé a dɨ kœʼ œ. Nyi pubo bɨna ga ó, bɨna diʼe kul bʉr ndɨ yaa ye e. Mɨleme, myé óbe ó bɨna ga é ntɨɨɨŋ ó, bɨna gba ga ó nyʉl lé esa mɨmpaŋ bɨsyɛɛla.

Rôm 8:2

Bɨna bé a be ga ó mɨmɛra é mpila mɨsyem. Mɨsyem myaa, myé ó b'a liŋ bɨna ga odwè é mih mo Zyɛm. Mbɨambɨa Sisim ze dwe bɨna ga tiʼ molu mo mpoʼ mɨmɛh é zyɛŋa ga wina boo Yesʉs-Krɨst.

Mɨngwiha 21:4

Nye ótin be myɛɛle mɨmɛh é mih. Bé aŋa ka joʼo mogumba. Bé aŋa ka dwè. Efie, lé aŋa ka be. Bé aŋa ka jɨ modwe. Mɨmbor bɨsa myaa, myé ólaa.»

Ebrœ̂ 2:15

Nye a dwè nteme ó, nye pɛʼɛ bɨna ga é l'okomo, ebe, bɨna bé a taare lɛŋ ga bɨtiʼ ga bina ó, kɛʼa é l'okomo. Bɨna bé a di-di ga é nkara waa ó, é kpɛɛ efie.

Rôm 8:26

Mbɨambɨa Sisim, nye nteme, nye eze bɨna ga e mɨngula é lɔb ecyɛʼ e nyʉl ga lɨna, ebe, bɨna ga bé agʉa mpʉ bɨna lé ejala le esa ga Zyɛm mɨnjwɨʼla ɛ. No ó, Mbɨambɨa Sisim nye mʉr tɨ, nye esa Zyɛm Sɔŋ mɨnjwɨʼla é modila ga mɨna. Nye esa mɨnjwɨʼla ó, e leme we wiwɛh, mpʉ sa lɛɛ ó, nye etime. Abe e l'ekan egwar ndɨ e nkul epɛʼle sa nye lé elɛɛ ɛ.

Rôm 8:13

ǃBɨn si du bɨgwɨma bɨ nyʉl bɨpuno win nɛʼɛ, lɛɛ ó, bɨn bé ójala e l'ebebe laa. Sa gwar, ǃbɨn si lele nkul é zi Mbɨambɨa Sisim, ntɔʼ teʼle bɨsyɛɛla bɨ nyʉl bɨpuno nɛʼɛ, lɛɛ ó, bɨn bé óbi tiʼ molu mo mpoʼ mɨmɛh.

Lʉkas 4:18

«Sisim mo Da, wé e me. Nye a lœm me mulo, ntɔʼ lomo me ó, me toʼ le elɛɛ Mbɨambɨa Lɔɔ we boo baanteʼenteʼe. Nye a lomo me ó, me toʼ le elɛɛ e mɨkomo ó, mi pɛʼɔ é l'okomo. Me lɛŋɨ nteme ontim ó, bé mu ó lé ebee. Me lɛŋɨ baa lé etíilɔ ɛ, ó bɨ pɛʼɔ é mpel.

Kolosi 2:11

É zyɛŋa win boo Krɨst, bɨn bé a si saŋɔ mpʉn ndɨ eduho boo Krɨst ɨ. Mpʉn waa ó ndɨ elɛʼle ó, bɨn bɨ dwih nyʉl bɨpuno é jɔʼ gwar. Bɨn bé a baasaŋɔ mpʉn bʉʉ bʉr lé esɛa e mobo e.

Mataos 5:6

Mocyɛʼ mo mpom e bʉr o ndɨ ejoʼo dweh le egwɨm sa mɨmpaŋ bɨsyɛɛla ɛ, ebe, Zyɛm óloŋlo be mya!

Mataos 5:4

Mocyɛʼ mo mpom e bʉr o ndɨ ejɨ modwe e, ebe, Zyɛm ódila modwe mɔɔ ó e bɨsʉhʉ!

Rôm 8:23

Sa gwar, yé abe njɨ mɨcyea bɨsɔʼɔ ndɨ é tuu é banana. Yé ó ndwe e bɨna ga bʉr o tɨ, baa Zyɛm a taare lé elɛʼle dweʼle nkul mo Sisim we e. Bɨna ga ó ndɨ é tuu waa é mɨsisim ga mina tʉŋlʉ. Bɨna bé óto dolo lé esime no, cye yiyɛh bɨna dina lé ebono jɔʼ nye ódil bɨna ga é dia bwan o mobœʼa be e. Yé óbe ó é dobo nye ósil dwih monyʉl ga mɨna é mpila ebebe e.