Rôm 6:6 - Kálara Zyɛ̌m Edwán é mpʉ̌n

⁶ Bɨna bé egʉa ga ó, é jɔʼ Yesʉs-Krɨst a cyèlɔ é klos ɨ, Zyɛm a si bomlo mɨnjʉ̌m motum ga mɨna tɨʼ nteme é l'efu ó, nye dwihɨ bɨna ga nyʉl ndɨ eyɨm bɨna ó, bɨna saʼ ga mɨsyem ɨ, ndwe nteme, bɨna l'ayi ka bâʼle di ga molʉa, lé esil lé esa mɨsyem mimyɛh bɨgwɨma ga bina ndɨ eyɨm bɨna ó, bɨna saʼ ɛ,

Kálar Nzyɛ̌m : Ejwán é Sáá

⁶ Mɨná bé lɨ́ egʉ́a gá ó, ɨ́ jɔʼ bé á jʉ̂ Yésʉs-Krîst, lɨ́ ebomlo nyé e binzâŋ, le ebɨ́nɔɔ nyé ɨ́ kolôs kʉ́ yɨ́, Nzyɛ̌m á si bomlo metum me myâ gá mɨ́ná tɨ̂ʼ ntémé ɨ́ kolôs gwár yaá. Nye á sâ nó ó lɨ́ esú lé éteʼle nyʉ̂l dí egwɨ̂m mísyóm nyɨ́, le ntémé ó, mɨná ayɨ́ kǎ báʼǎ di gá bitúʼǎ lɨ́ esâ mísyóm myaá.

Rôm 6:6 ပူးပေါင်းရင်းမြစ်များ

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

Éfɛsɔs 4:22

Bɨn bé a yeʼlɔ ó, bɨn bé ejala le ebir mɨnjʉ̌m motum mɨn, sa lé eduho é l'ebò e cyen bɨn bé a kœʼ œ. Bɨgwɨma bɨ nyʉl bɨpuno byaa, byé egomlo bʉr é bebebebe zi.

Galásia 5:24

Bʉr o ndɨ baa mo Yesʉs-Krɨst ɨ, bé a si cyèl nyʉl bɨpuno wɔɔ é klos kʉ, bé e bɨbebebebe bɨgwɨma bye bibyɛh.

Galásia 6:14

Yé l'ayi kunbo ba e me ó, me doʼa e sa fih. Me ódoʼo njɨ e Tî ga wina Yesʉs-Krɨst, le mpʉ nye a cyèlɔ é klos kʉ, ntɔʼ dwè e. Efie le laa, lé ó b'a sa ó, bɨsa bɨ jobo yi, byé diʼe me mpʉ sa yé a bomlɔ é klos kʉ ɨ. Bʉr o si nwa, bé mu ó lé ebee me ó, mpʉ mʉr a cyèlɔ é klos kʉ ɨ.

Kolosi 3:5

Bɨfum bɨ nyʉl bin ndɨ eduho é si nwaʼ ɛ, teʼla ga bye. Yé ó ndɨ: elœʼ nyʉl é zi bɨduo, elama fwon lé edu njɨ bɨjyɛʼ, empime, esa bɨgwɨma bɨ ebebe, ecen mih é bɨsa byoonkan. (Ebe, mʉr ndɨ ecen mih é bɨsa byoonkan ɨ, nye ó asiila ba e waa lé edwiibɨ bɨbaŋabaŋa bɨdweʼle e!)

Rôm 8:13

ǃBɨn si du bɨgwɨma bɨ nyʉl bɨpuno win nɛʼɛ, lɛɛ ó, bɨn bé ójala e l'ebebe laa. Sa gwar, ǃbɨn si lele nkul é zi Mbɨambɨa Sisim, ntɔʼ teʼle bɨsyɛɛla bɨ nyʉl bɨpuno nɛʼɛ, lɛɛ ó, bɨn bé óbi tiʼ molu mo mpoʼ mɨmɛh.

Rôm 6:22

Banana, Zyɛm, nyi sa ó, bɨn diʼe é dia otî é nko paʼ Syem. Bɨn mu ó é dia osyɛl o mosa mo Zyɛm. Mpumo lé ecyèl é bɨtiʼ bin ɨ, nye ó ndɨ ebò e cyen ndɨ ti é mih mo Zyɛm ɨ. Ndumlo tɨ, wé ó tiʼ molu mo mpoʼ mɨmɛh.

Rôm 6:12

É mpʉ yé ndɨ no e, daʼ mɛʼle ga ó, Syem, wé bâʼla mɛr bɨn, dil bɨn é dia olʉa. Wé l'ayi jwɨ̀ʼ bɨn é nko paʼ nyʉl ndɨ edwè e. Daʼ bir ga ó, Syem, wé ntaŋa bɨn é nkul, ó bɨn saʼ we mojoʼo, nkʉ du bɨgwɨma bye.

Rôm 7:14

Bɨna bé egʉa ga ó, motie, mé ó sa lé eze bɨna ga e sikʉlʉ ndɨ ejala e Mbɨambɨa Sisim ɨ. No ó, tiʼ yam yɛɛ, yé eduho ó, njɨ é nyʉl bɨpuno. No ó me a ka liʼ e sɔʼɔ ó, njɨ dia olʉa mo Syem.

2 Korɛnt 5:14

Sa lé etine bɨh ɨ, yé ó kpɛl Krɨst a gba bɨh é mɨleme e. Bɨh bɨ bee ó, mpʉ mʉr ngwar a dwè, jala e bʉr bɨbɛh ɛ, yé elɛʼle bɨna ga ó, bʉr bɨbɛh, bé a si dwè.

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.