Rôm 6:3 - Kálara Zyɛ̌m Edwán é mpʉ̌n

³ Zê bɨn bé agʉa ó, é jɔʼ bɨna bé a nʉa ga ndubo e, bɨna bɨbɛh, bé a si syɛŋa ga é Yesʉs-Krɨst ɛ? É ndubo waa, bɨna bé a si dwè ga é zyɛŋa ga wina boo Yesʉs.

Kálar Nzyɛ̌m : Ejwán é Sáá

³ Nzê bɨ̌n bé agʉ́a ó, ɨ́ jɔʼ mɨ́ná bé á duŋɔɔ gá yɨ́, mɨná bɨ́bɛ̂h, bé á si pûhla gá e Yésʉs-Krîst ɛ̌? Ɨ́ ndubó waá, mɨná bé á dwe gá e Yésʉs ó sɔ́má.

Rôm 6:3 ပူးပေါင်းရင်းမြစ်များ

Galásia 3:27

Ebe, mʉr nyiwɛh é l'esama lɨn a nʉa ndubo é modibe, ntɔʼ di é zyɛŋa wɔɔ boo Krɨst ɨ, nyi «bwar» Krɨst é nyʉl!

Rôm 6:8

Yé be ó, bɨna ga e boo Krɨst, bé a si dwè ga zyɛŋa nɛʼɛ, kʉ gʉa ó, bɨna ga e boo nɔɔ, bé óbâʼle tiʼe ga é zyɛŋa.

1 Korɛnt 12:13

Bɨna ga bɨbɛh bé a si nʉa ndubo ngwar, ntɔʼ ka di nyʉl ngwar é zi Sisim ngwar. Sisim ngwar ó b'a ze di é mɨleme ga mina. Bɨna ga bé ó jwɨʼ gwar yaa, mʉr dam be Yʉden, nkʉ mʉr kul fih, nye dam be elʉa, nkʉ mʉr ndɨ é dia otî ɨ.

1 Pyɛr 3:21

Modibe maa, mé edweʼle ó, ndubo mu lé edwe bɨn tiʼ é bananaʼ ɛ. Wé esa no ó, ebe, wé ó gwɨma bɨna lé egwɨm ga ɛ, ó Zyɛm puba bɨna ga, to pyal é mɨleme ga mina tʉŋlʉ, ó mɨpɛhla mɨ tɨʼ nkʉʼ di é pyɛɛɛ. Nye epubo bɨna ga mɨleme myaa ó, ebe pɛ̀ha foo mo Yesʉs-Krɨst. Ndubo ga wina, wé atiʼ bɨna ga ebe mobomo wé lé epɛʼ é nyʉl ɨ.

Mɨlʉmlʉ 2:38

No ó Pyɛr a bɨha e be ó: «Gwɨma ga mobebe mɨn. Bɨn bé à dwir mɨleme. Mʉr nyiwɛh é sama yin, nye nʉŋa ndubo é nkul die mo Yesʉs-Krɨst, ó Zyɛm pɛʼɛ nye bɨbaa nye lé eniʼe é lɔb mɨsyem mye e. No ó bɨn bé òka ntɨhɔ Mbɨambɨa Sisim, sa Zyɛm a bɛa kɛʼ bɨn ɨ,

Mataos 28:19

Ebe no, toʼ ga é si nwaʼ nyiwɛh. Bɨn bé à sa bɨkul bibyɛh ompʉn bam. Bɨn bé òdù be é die mo Sɔŋ e Mwan ndwe e Mbɨambɨa Sisim.

Jacques 4:4

Odul be ozyɛm ofih ba! Zê bɨn bé apa gʉa ó, é jɔʼ bɨn lé etia efo e si nwaʼ ɛ, bɨn mu ó lé elɛʼle Zyɛm ó, bɨn bɨ tumo nye koo ɛ? ǃBɨn si nʉa tiʼa é leme win ó, bɨn bé ótia efo e si nwaʼ nɛʼɛ, yé elɛʼle ó, bɨn bɨ lihba bʉr o dɔm mo Zyɛm.

1 Korɛnt 9:13

Zê bɨn bé agʉa ó, opara ndɨ esea é Mpah Zyɛm ɨ, bé ebi sa ede yɔɔ tɨʼ ɛ? Zê bɨn bé lé ejeʼe ó, baa ndɨ ediʼ otir tɔɔ motwina ɛ, bé edwe Zyɛm ma é taa mɨndwɛa ye? Bé ede nuu nkɔb motwina maa, jala e nkɔb wɔɔ.

Rôm 7:1

Obɨɔ ga bam aa! Bɨn bé ekʉ gʉa motie mo Moyiz. Bɨn bé egʉa ó, etie, lé ejwɨʼ mʉr ó, njɨ é jɔʼ nye dina kʉ ɨ.

Rôm 6:16

Bɨn bé egʉa mbɨmbɨa ó, ǃbɨn si sea e mʉr, sa nye mojoʼo mpʉ molʉa nɛʼɛ, bɨn bɨ lihba molʉa é nko paʼ mo njwɨɨ bɨn lé esa mojoʼo e. ǃBɨn si sa syem nɛʼɛ, lɛɛ ó, bɨn bɨ daʼre efie é monyʉl mɨn. ǃBɨn si mɛʼle ó, bɨn sa ó Zyɛm mojoʼo nɛʼɛ, lɛɛ ó, bɨn bé ónʉŋɔ ó, mpʉ ocɨcyel o bʉr.

Mɨlʉmlʉ 19:5

Jɔʼ bé a sil joʼo mokan maa ɛ, bé ze nʉa ndubo é die mo Da Yesʉs.

1 Korɛnt 6:9

Bɨn bé egʉa cyecye ó, ozyɛhozyɛh o bʉr, bé ákwoʼ dweŋɔ dia é jwɨ̀ʼa mo Zyɛm, jala e nkɔb wɔɔ. Abir ga ó, mʉr gomla bɨn é bebebebe zi. Osyɛl o bɨmala, baa ndɨ edwiibɨ bɨbaŋabaŋa bɨdweʼle e, osyɛl o mɨfyɛba, otɛba o bʉrʉm, bʉrʉm ndɨ etɛbɔ ɛ,

1 Korɛnt 5:6

Yé ambɨa é jɔʼ bɨn lé edoʼo e bɨn bʉr o tɨʼ ɨ, ebe, kɨkɛna, yé elɛɛ ó: «Levure dam twaʼbe, yé óbana sa ó, time bler wiwɛh, wé vusɨ.»

Mɨlʉmlʉ 8:16

ebe, nye a baapa fulo é mʉr ngwar é sama yɔɔ. Bé a kʉ nʉa-nʉa ndubo ó, njɨ é die mo Da Yesʉs.

2 Korɛnt 13:5

Pahla ga bɨn bʉr o tɨ, bɨn beŋɨ nkʉ bɨn dina ó lé ejyɛʼ taa buʼo yin boo Zyɛm, nkʉ bɨn bé aka sa no. Bɨn bʉr o tɨ, saŋa egʉa ga nkʉ bɨn bé ekebe moveʼle le entaa mobʉbla. Zê bɨn bé agʉa ó, Yesʉs-Krɨst ó ndɨ é bɨn ɛ? Yé be ó, yé abe no nɛʼɛ, gʉŋa ga ó, bɨn bɨ ku moveʼle maa.

1 Korɛnt 15:29

Yé baabe no nɛʼɛ, a baa lé enʉa ndubo é l'efu le odwè e, bé óbi yé? Nkʉ Zyɛm a be ó be, abe lé epɛ̀h bʉr é mofoo nɛʼɛ, mpa ndubo waa, wé a be ó, abe ba e nyɔm.

1 Korɛnt 3:16

Zê bɨn bé agʉa ó, bɨn bé ó kʉ be Mpah Zyɛm ɛ? Zê bɨn bé lé ejeʼe ó, Mbɨambɨa Sisim, nye edi é bɨn ɛ?

1 Korɛnt 6:19

No ó, zê bɨn bé agʉa ó, monyʉl mɨn, mé ó bana kʉ be odia mo Mbɨambɨa Sisim ɛ? Sisim mu lé edi é bɨn ɨ, wé ó waa Zyɛm a ntɨh bɨn ɨ. Bɨn bé ajoʼo e bɨn bʉr o tɨ,

1 Korɛnt 9:24

Zê bɨn bé agʉa ó, yé é buo ofima é jwɨʼla mɨkam mokʉ ɛ? Ntʉʼ bʉr bɨbɛh lé epaʼlɔ mompɔʼ, njɨ mʉr ngwar. No ó, fimɨ ga, bɨn gaʼ, bi mompɔʼ!

1 Korɛnt 10:2

Bɨbɛh, bé a si syɛŋa é Moyiz é jɔʼ bé e boo nɔɔ, bé a kœʼ é nkur tʉŋlʉ, le é jɔʼ bé a ntaa maŋ ɨ. Tɨʼ ó bé a ze nʉa ndubo é Moyiz ɨ.