Rôm 6:18 - Kálara Zyɛ̌m Edwán é mpʉ̌n

¹⁸ Zyɛm a si sa ó, bɨn diʼe é dia otî é nko paʼ mɨsyem. Bɨn mu é bananaʼ ó, molʉa é l'efu le esa bɨsyɛɛla byaa ndɨ ocɨcyel ɨ.

Kálar Nzyɛ̌m : Ejwán é Sáá

¹⁸ Nzyɛ̌m á si táa góo, le edwih bɨ́n ɨ́ nkul mé Syóm. Bɨ̌n mû ɨ́ báánâʼ ó, bitúʼǎ byé, lɨ́ esú lé ésâ bísyɛ́ɛla bi dí otîtyěl bí.

Rôm 6:18 ပူးပေါင်းရင်းမြစ်များ

Rôm 6:22

Banana, Zyɛm, nyi sa ó, bɨn diʼe é dia otî é nko paʼ Syem. Bɨn mu ó é dia osyɛl o mosa mo Zyɛm. Mpumo lé ecyèl é bɨtiʼ bin ɨ, nye ó ndɨ ebò e cyen ndɨ ti é mih mo Zyɛm ɨ. Ndumlo tɨ, wé ó tiʼ molu mo mpoʼ mɨmɛh.

Galásia 5:1

Krɨst a dwih bɨna ga é dia olʉa ó, bɨna diʼe ga é dia otî. Ebe no, cyɛba ga é nkʉʼʉ. Amɛʼle ga ó, nuu mʉr dwihɨ bɨn é dia otî, ntɔʼ dil bɨn é dia olʉa.

Rôm 8:2

Bɨna bé a be ga ó mɨmɛra é mpila mɨsyem. Mɨsyem myaa, myé ó b'a liŋ bɨna ga odwè é mih mo Zyɛm. Mbɨambɨa Sisim ze dwe bɨna ga tiʼ molu mo mpoʼ mɨmɛh é zyɛŋa ga wina boo Yesʉs-Krɨst.

Yʉanes 8:32

É jɔʼ bɨn bé ógʉa ocyecye e, ocyecye waa, wé ódil bɨn é dia otî.»

Rôm 6:7

ebe, mʉr ndɨ si dwè e, nye mu ó é dia otî é nko paʼ mɨsyem.

Rôm 6:14

Ebe, Syem, wé ajala le eka jwɨ̀ʼ bɨn, ebe, bɨn bé aka be é monkara mo mɛra motie. Banana, bɨn mu ó baa Zyɛm a lɛʼle ncwɨncwɨa we e.

1 Pyɛr 2:16

Zyɛm a sa ó, bɨn diʼe é dia otî. É dia otî yin yaa, yé ajala le efuʼla sa bɨn buuro ebɨ-leme lɨn e tɨʼ ɨ. Kœʼœ ga ebò e cyen lé elɛʼle mpʉ bɨn ndɨ molʉa mo Zyɛm ɨ.

Yʉanes 8:36

ǃƗ Mwan mo Zyɛm si dwih bɨn é dia olʉa nɛʼɛ, gʉŋa ga ó, bɨn bé ódi é dia otî é jɔʼ yaa.

Lʉkas 4:18

«Sisim mo Da, wé e me. Nye a lœm me mulo, ntɔʼ lomo me ó, me toʼ le elɛɛ Mbɨambɨa Lɔɔ we boo baanteʼenteʼe. Nye a lomo me ó, me toʼ le elɛɛ e mɨkomo ó, mi pɛʼɔ é l'okomo. Me lɛŋɨ nteme ontim ó, bé mu ó lé ebee. Me lɛŋɨ baa lé etíilɔ ɛ, ó bɨ pɛʼɔ é mpel.