Rôm 6:13 - Kálara Zyɛ̌m Edwán é mpʉ̌n

¹³ Abɨlan ga e bɨfum bɨ nyʉl bin ó, byé dɨʼe sea Syem syɛɛ. Syem, wé amu jaa nʉa bye, ze sa bɨsyɛɛla bɨ ozyɛhozyɛh bye e tɨ. Bɨn bɨ dwihɔ é l'odwè, ntɔʼ dweŋɔ tiʼ molu mo mpoʼ mɨmɛh. Timla ga Zyɛm bɨn bʉr o tɨ, ndwe e bɨfum bɨ nyʉl bin, bɨsa nye óbɨlan e bye, ka to le esa mɨmpaŋ bɨsyɛɛla bye e tɨʼ ɨ!

Kálar Nzyɛ̌m : Ejwán é Sáá

¹³ Abîr gá bitíl ményʉ́l bín ó, byé díʼee bisá bɨ́n ósâ syóm e tɨ̂ʼ bí. Syóm, wé ámû jaá nʉa bítíl ményʉ́l bín byaá, wê nzě sâ mísyóm e tɨ̂. Bɨ̌n bé ó bʉr o b'á nyɛɛ dwe, nzě kǎ pah bá. Tímláá gá Nzyɛ̌m bɨ̌n bʉr o tɨ̂, ti e bitíl ményʉ́l bín. Byé díʼee bɨ̌n bisá bɨ́n ótó sâ ótîtyěl o bísyɛ́ɛla e byé bí.

Rôm 6:13 ပူးပေါင်းရင်းမြစ်များ

Rôm 12:1

No ó, obɨɔ ga bam, me ejwɨʼla e bɨn é nkoo Zyɛm a jwɨʼ bɨna ga ɛ, ó bɨn timla nye monyʉl mɨn ntinɨ e ntinɨ, ebe, monyʉl mɨn, mé ó sa bɨn lé ejala le edwe nye tɔɔ mɨkubla motwina ndɨ ti é mih me e. Nye óbee bɨtiʼ bin byaa mbɨmbɨa. É jɔʼ bɨn bé ósa no e, bɨn bé ódwiibɨ nye é mbi nye ógwɨm ɨ, é mɨsisim min.

Rôm 6:16

Bɨn bé egʉa mbɨmbɨa ó, ǃbɨn si sea e mʉr, sa nye mojoʼo mpʉ molʉa nɛʼɛ, bɨn bɨ lihba molʉa é nko paʼ mo njwɨɨ bɨn lé esa mojoʼo e. ǃBɨn si sa syem nɛʼɛ, lɛɛ ó, bɨn bɨ daʼre efie é monyʉl mɨn. ǃBɨn si mɛʼle ó, bɨn sa ó Zyɛm mojoʼo nɛʼɛ, lɛɛ ó, bɨn bé ónʉŋɔ ó, mpʉ ocɨcyel o bʉr.

1 Pyɛr 2:24

Krɨst nye mʉr tɨʼ a si nkɛɛ mɨsyem ga mina é nyʉl we, ntɔʼ dwè é klos. Nye a sa no ó, bɨna dwèʼ ga é nko paʼ mo Syem, bɨna nkʉʼ kœʼ ga ebò e cyen ndɨ cɨcyel ɨ. Bɨna bé a be ga ó mɨsyoblʉ. Bɨna ntɔʼ ka tiʼe ga ebe mopɨɨ me,

Kolosi 3:5

Bɨfum bɨ nyʉl bin ndɨ eduho é si nwaʼ ɛ, teʼla ga bye. Yé ó ndɨ: elœʼ nyʉl é zi bɨduo, elama fwon lé edu njɨ bɨjyɛʼ, empime, esa bɨgwɨma bɨ ebebe, ecen mih é bɨsa byoonkan. (Ebe, mʉr ndɨ ecen mih é bɨsa byoonkan ɨ, nye ó asiila ba e waa lé edwiibɨ bɨbaŋabaŋa bɨdweʼle e!)

Rôm 7:5

É jɔʼ yiyɛh bɨna bé a be lé edu ga bɨgwɨma bɨ nyʉl bɨpuno ga wina ɛ, motie mo Zyɛm, mé a be-be nteme ó, lé eto le eyɨm bɨfum bɨ nyʉl ga bina ó, byé loŋla bɨsyɛɛla bɨ ebebe bɨna bé a kʉ gwɨm ɨ. Byé ntɔʼ daʼre efie é monyʉl ga mɨna.

1 Pyɛr 4:2

Mbi mʉr waa, wé óka tiʼe-tiʼe é si nwaʼ ó, njɨ lé eloŋlo gwɨma mo Zyɛm. É jɔʼ nye dina mʉr si nwaʼ ɛ, nye ákwoʼ ka loŋlo bɨgwɨma bɨ nyʉl bɨpuno.

Kolosi 2:13

Molu pihe, bɨn bé a be ó mɨmuu é nko paʼ sisim, duho é motie bɨn bé a ntaa ɛ, ndwe e mbi bɨn bé a baateʼle nkul bɨpuno win ɨ. No ó, banana, Zyɛm, nyi sa ó, bɨn e boo Krɨst tiʼa zyɛŋa. Nyi pɛʼ bɨbaa bibyɛh nye a niʼe bɨna é lɔb motie mɨmɛh bɨna bé a ntaa ga ɛ.

1 Korɛnt 6:20

ebe, Zyɛm a si jɛna bwaʼbwaʼ tɔɔ é jɔʼ nye a kʉr bɨn ɨ. No ó, dwiibɨ ga Zyɛm, le ebaʼle monyʉl mɨn ti.

1 Yʉanes 1:9

To kœb ó, yé be ó, bɨna bé si gwih ga mɨsyem ga mina nɛʼɛ, Zyɛm ósa sa ndɨ cɨcyel ɨ, ebe, nye ó mʉr ebuʼlɔ. Nye ópɛʼ bɨbaa bɨ ebebe bibyɛh nye a niʼe bɨna ga ɛ, le epubo bɨna ga é bɨsyɛɛla bɨ ozyɛhozyɛh ga bina bibyɛh.

1 Korɛnt 6:15

Zê bɨn l'apa gʉa ó, monyʉl mɨn, mé ó bɨfum bɨ nyʉl mo Krɨst ɛ? Zê me ónʉa yʉʉ fum nyʉl mo Krɨst, bana to syɛŋ ye e nyʉl mbambama ɛ? Hɨʼɨ, yé abe ba no!

Éfɛsɔs 2:5

É jɔʼ bɨna bé a be ga odwè é nko paʼ sisim, duho é motie bɨna bé a ntaa ga ɛ, nye a si bana pɛ̀h bɨna ga é mofoo é jɔʼ nye a pɛ̀h Krɨst é we foo e,— bɨn bé a bi tiʼ molu mo mpoʼ mɨmɛh ó, é zi ncwɨncwɨa Zyɛm a lɛʼle bɨn ɨ.

Filipi 1:20

Leme wam, wé ó lwɨŋla e mbɛla ó, me ákwoʼ sɔma e yʉʉ syɛɛla yam gwar. Me ebuʼla ó, me óto le ekœʼ mpaŋ ebò e cyen é hwɨm, abaawe sɔʼɔ e bʉr, mpʉ me a bɛa sa-sa ɛ, é l'efu ó, bʉr toʼ dolo lé egumlo Krɨst. Dam be ó me etiʼe, dam be nteme ó, mɨ dwè: bé óto le egumlo Krɨst ebe me.

1 Korɛnt 6:9

Bɨn bé egʉa cyecye ó, ozyɛhozyɛh o bʉr, bé ákwoʼ dweŋɔ dia é jwɨ̀ʼa mo Zyɛm, jala e nkɔb wɔɔ. Abir ga ó, mʉr gomla bɨn é bebebebe zi. Osyɛl o bɨmala, baa ndɨ edwiibɨ bɨbaŋabaŋa bɨdweʼle e, osyɛl o mɨfyɛba, otɛba o bʉrʉm, bʉrʉm ndɨ etɛbɔ ɛ,

Rôm 6:19

Me elwib ó, é mpʉ bʉr lé ebɛa sa-sa ɛ. Me esa no ó, ebe ecyɛʼ bɨn ndɨ e le é mɨsisim ɨ. Bɨn bé a be é jɔʼ mya ó, si kʉ lomo bɨfum bɨ nyʉl win, ó bɨn diʼe é dia olʉa. É cye yaa ó bɨn bé a be ó molʉa lé elama fwon lé edu njɨ bɨjyɛʼ bin ɨ. Bɨn bé a be nteme ó, ontɔɔ o motie mo Zyɛm. Efuʼla e tɨʼ, lé a jaa be ó njɨ entaa motie mo Zyɛm! Banana, loma ga bɨfum bɨ nyʉl win ó, byé sea Zyɛm syɛɛ ndɨ é l'ocɨcyel ɨ. Efuʼla e tɨʼ, lé ó, bɨn bé ódi mɨsaŋ mɨ bʉr é mih me.

2 Korɛnt 10:4

ebe, mokʉa mo dɔm ga mɨna, mé abe mɨfwana e nkul lé eduho é ma mʉr ɨ. Nkul ndɨ é mokʉa mo dɔm ga mɨna ɛ, nye eduho ó boo Zyɛm. Nkul waa ó lé esa ó, bɨna buʼa ga bɨpɨpɨm bɨ dɔm.

Rôm 6:11

Saʼ ga nteme no. Toŋla ga ó, bɨn bé ó bʉr o b'a dwè nko paʼ mɨsyem ɨ. Toŋla ga nteme ó, bɨn mu lé eka tiʼe ó, é l'efu mo Zyɛm, é zyɛŋa win boo Yesʉs-Krɨst tʉŋlʉ.

Éfɛsɔs 5:14

ebe, sa yiyɛh myɛn lé ekʉn ɨ, yé mu ó lé epan mɨmbah. Ebe no ó bé lé elɛɛ ó: «Gwɔɔ mʉr ndɨ é dwo e, jɨma. Pàha é foo. Krɨst pana go mɨmbah, gba go é myɛn tʉŋlʉ.»

2 Korɛnt 8:5

Syɛɛla bé a sa nɨ, yé a si laa mbi bɨh bé a be lé ebuʼla ɛ. Sa efoʼ bé a sa ɛ, yé a be ó, etimle bé bʉr o tɨʼ é mobo mo Da Yesʉs. Pie tɨʼ ó bé a ka timle bé bʉr o tɨʼ é mobo mɨh, é mpʉ Zyɛm a gwɨm ɨ.

2 Korɛnt 5:15

Nye a si jala e bʉr bɨbɛh é l'efu ó, bɨbɛh biʼe tiʼ molu mo mpoʼ mɨmɛh. Cye yiyɛh bé dina kʉ ɨ, bɨtiʼ byɔɔ, byé ejala le ebe e nyɔm é l'efu e mʉr a jala e be, ntɔʼ pàh ɛ. Bé aka jala le eka saa myɔɔ mɨnyɔm.

Rôm 7:23

To kœb ó, me ebee é bɨpeh bɨ nyʉl wam ó, yé e lʉʉ etie lé elwimla e l'etie lé eduho é mɨpɛhla mɨ leme wam ɨ. Syem ndɨ é me e, wé ó lé entaa ocyoo wam, me ntɔʼ lihba elʉa mo Syem ndɨ me é bɨfum bɨ nyʉl ɨ.

Lʉkas 15:32

Sa gwar, yé ejala ó, bɨna cyelɨ ga zɔɔ bɨsʉhʉ muh, ebe, ncyomo a be ndwè e, nyi pàh! Nye a si dim zi. Nye mu ó bɨna é mobo!”»

Jacques 4:1

Mogo, mé eduho nko? Bɨduʼo, byé epa kʉ duho nko paʼra win? Byé eduho ó, é bɨbebebebe bɨgwɨma bɨn ndɨ e bye, byaa ndɨ elwimla e bɨn é monyʉl tʉŋlʉ ɨ.

Rôm 1:29

Bé efwahle bɨsyɛɛla bibyɛh ndɨ ozyɛhozyɛh ɛ. Byé ó: jeele e laŋ, bɨgwɨma, bɨn, zii, ejwɨɨ e bʉr. Bé esa mpɔʼa monkɔm, bé e bɨkʉʉŋʉ e tíila ndwe e bɨbuʼa,

Yʉanes 5:24

«Me elɛɛ bɨn cyecye ó nɛɛ: mʉr ójoʼo lwib yam le ejyɛʼ taa buʼo ye boo mʉr a ntɨh me e, nyi bi tiʼ molu mo mpoʼ mɨmɛh. Zyɛm, nye aŋa ka dwe nye mobe. Nyi bɛa dwihɔ é l'efie, ntɔʼ dweŋɔ tiʼ molu mo mpoʼ mɨmɛh.

Lʉkas 15:24

ebe, mwan wam nwaʼ a be ó si sil dwè. No ó, nyi bâʼle tiʼe! Nye a bɛa ó dim muh mɨmbu mɨmbu. No ó, mɨ bâʼle bee nye!” Bé ntɔʼ taare lé ebwal zɔɔ.

2 Tesalonika 2:12

No ó, bʉr o ndɨ abuʼla ocyecye, bula mɨɨla njɨ lé esa bɨsyɛɛla bɨ ozyɛhozyɛh. Bɨbɛh, bé ódweŋɔ mobe tɨ, ndwe le ekabɔ bɨntɨʼa.

2 Korɛnt 5:14

Sa lé etine bɨh ɨ, yé ó kpɛl Krɨst a gba bɨh é mɨleme e. Bɨh bɨ bee ó, mpʉ mʉr ngwar a dwè, jala e bʉr bɨbɛh ɛ, yé elɛʼle bɨna ga ó, bʉr bɨbɛh, bé a si dwè.

2 Timotɛ 2:15

Saŋa zi edi mbi mʉr Zyɛm ójwɨʼ é lor, ntɔʼ bee ó, wé e nyɔm ɨ. Saŋa ó, go diʼe syɛl mosa ndɨ asɔma é syɛɛ ye e. É jɔʼ go ólwib-lwib e bʉr é sa lé etiibe e l'ocyecye mo Zyɛm ɨ, duʼo ntɨn.