Rôm 5:8 - Kálara Zyɛ̌m Edwán é mpʉ̌n

⁸ Yesʉs-Krɨst nyɛɛ a dwè, jala e bɨna ga ó, é jɔʼ bɨna bé a be ga lé ekʉ sa njɨ mɨsyem ɨ! No ó Zyɛm ndɨ elɛʼle bɨna ga kpɛl ye e.

Kálar Nzyɛ̌m : Ejwán é Sáá

⁸ Yésʉs-Krîst nyɨɛ á búra e mɨná gá ó, ɨ́ jɔʼ mɨ́ná bé á be gá osyɛ̂l o mísyóm yɨ́. Nó ó Nzyɛ̌m dí elɛ̂ʼle mɨ́ná gá kpɛ̌l yé yɨ́.

Rôm 5:8 ပူးပေါင်းရင်းမြစ်များ

Yʉanes 15:13

Kpɛl ndɨ é bul laŋle bwaʼ ɛ, yé ó yaa mo mʉr lé edwe tiʼ ye é ziila e l'ofo be e.

Yʉanes 3:16

«Zyɛm a be ó si bul laŋle kpɛl bʉr o si nwa. Ebe no ó nye a ntɨh Etiʼe e Mwan le ó, waa nyiwɛh ójyɛʼ taa buʼo boo nye e, aka dim. Nye biʼe tiʼ molu mo mpoʼ mɨmɛh.

Rôm 5:6

Molu pihe, é jɔʼ bɨna bé a baapa bi nkul ɨ, Krɨst a ka ze jala e mobyaʼ ga mɨna, bɨna bʉr o b'a baadwiibɨ Zyɛm ɨ. Nye a dwè ó, é mpaŋ jɔʼ Zyɛm a bɛa pɛh ɛ.

1 Pyɛr 3:18

Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.

1 Yʉanes 3:16

É mbi wiʼ ó bɨna lé edweʼe ga sa ndɨ mpaŋ kpɛl ɨ: Yesʉs-Krɨst a si dwè, jala e bɨna ga. No nteme ó bɨna mu ó e mpɔla boo bʉʉ obuʼla ɛ. Bɨna bé ejɛna ga mpɔla waa ó, lé edwè, jala e l'obuʼla.

Éfɛsɔs 2:7

Nye a cwɨa e bɨna ga no ó, nye nkʉʼ lɛʼle kpɛl ye ndɨ apurapura sɔʼɔ ɛ, sa lé elaa yʉʉ sɔʼɔ é mpwaʼ ɛ. Kpɛl ye yaa, yé ónyin pie e l'esie e mbi jɔʼ yi. Bɨna bé ebi ga ncwɨncwɨa we ó, é zyɛŋa ga wina boo Yesʉs-Krɨst.

Rôm 4:25

Nye waa bʉr, bé a kɛha ɛ. Nye ze jala e motie bɨna bé a ntaa ga ɛ. Pie tɨ, Zyɛm ze pɛ̀h nye é foo ó, bɨna biʼe ga mokebe é nye pɛʼɛ bɨna ga é nkar, ó bɨna sɔba ga é feerɨ.

1 Timotɛ 1:16

Ebe no ó Zyɛm a jwɨʼ me nkoo e, ebe, me ó b'a bul sahle é nko paʼ esa mɨsyem. Yesʉs-Krɨst a taare lé elɛʼle mpuo bihbe we ó, é jɔʼ nye a dihbe me e. Yé ó dweʼle nye lé elɛʼle bʉr bɨbɛh bé ójyɛʼ taa buʼo yɔɔ boo nye é molu lé eze e. Bé ójyɛʼ taa buʼo yɔɔ boo nye, ntɔʼ bi tiʼ molu mo mpoʼ mɨmɛh.

Rôm 5:20

Zyɛm a tiile bʉr motie é l'efu ó, bʉr ntaŋa motie é buobuo. Dam be no, é jɔʼ mɨsyem mɨ bʉr, myé a dɨ buo no e, é jɔʼ gwar e gwar yaa nteme ó Zyɛm a bul lɛʼle be ncwɨncwɨa we, laa naa ɛ.

Rôm 3:5

Nuu mʉr óbɛm lɛɛ ó: «Bɨsyɛɛla bɨ ozyɛhozyɛh ga bɨna, byé egul Zyɛm ó, nye lɛʼla bʉr mpʉ nye ndɨ cɨcyel ɨ.» Bɨna bé óka lɛɛ ga é yé? Bɨna bé óbɛm yɨm nkpaa lé eko tɨʼ ó: «Zê Zyɛm, nye akœʼ é l'ozyɛhozyɛh é jɔʼ nye lé ekpaa empime e bɨna ga ɛ?» (Gumo me lé elwib nɨ, me elwib ó, é mpʉ mɨzɨze mɨ bʉr lé elwib ɨ!)

Rôm 5:7

Bɨna bé egʉa ga ó, yé é bul kɔbla ó, nuu mʉr mɛʼla ó, nye jala e mʉr fih, mʉr waa dam be cɨcyel mʉr. Dam be no, nuu mʉr óbɛm tiʼe é leme we ó, nye ka ó fuo jala yɛɛ e mʉr ndɨ é mbɨa ɛ.

Rôm 8:32

Zyɛm nyɛɛ a baakamle e Mwan we. Nye a dwe tiʼ Mwan we ó, é ziila e bɨna ga bɨbɛh. Zyɛm pa taare dwe bɨna ga Mwan we, a dwɛʼra e bɨsa bɨfih bibyɛh! Nye óbana dwe bɨna ga bya nteme, mpʉ nye a taare dwe bɨna ga Mwan we e.

Rôm 8:39

dam be bɨsa ndɨ é jobo kʉ, nkʉ byaa ndɨ é si tʉŋlʉ ɨ, dam be wáa mbi cyea sɔʼɔ, abe e sa gwar, yé ókoʼo lé ebɛʼ paʼra ga wina boo Zyɛm, waa lé elɛʼle kpɛl ye é zi mo Tî ga wina Yesʉs-Krɨst ɨ.

Galásia 2:20

É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.

Éfɛsɔs 5:2

Kœʼœ ga ebò e cyen ndɨ elɛʼle leme ncwɨncwɨa win ɨ, mpʉ Krɨst a taare cwɨa e bɨna ga ɛ. Nye a si dwè, jala e bɨna ga, ó nye diʼe mpʉ mɨndwɛa ndwe e motwina. Motwina me maa, mé a be ó e monumo Zyɛm lé ebul kpɛl ɨ.

Ebrœ̂ 8:3

Njwɨɨ opara nyiwɛh, nye cyela é dia para ye ó, nye dweʼ Zyɛm mɨndwɛa ndwe e motwina. Ebe no, yé ekʉ jala ó, nye pyala boo Zyɛm e sa nye ódwe nye e.