Rôm 5:20 - Kálara Zyɛ̌m Edwán é mpʉ̌n

²⁰ Zyɛm a tiile bʉr motie é l'efu ó, bʉr ntaŋa motie é buobuo. Dam be no, é jɔʼ mɨsyem mɨ bʉr, myé a dɨ buo no e, é jɔʼ gwar e gwar yaa nteme ó Zyɛm a bul lɛʼle be ncwɨncwɨa we, laa naa ɛ.

Kálar Nzyɛ̌m : Ejwán é Sáá

²⁰ Nzyɛ̌m á tyêl bʉr metié ó, lɨ́ esú ó, syóm, wé myɛ́maa. Syóm dí e bʉr wɨ́, wê nzě tô le emyaŋla. Damá be ó yé á si syɛ́ɛlɨ nó, ɨ́ jɔʼ gwár e gwár yaá ntémé ó Nzyɛ̌m á bu lɛ̂ʼle bʉr mpam nyé yɨ́.

Rôm 5:20 ပူးပေါင်းရင်းမြစ်များ

Rôm 6:1

Yé be no nɛʼɛ, bɨna kaʼ lɛɛ ga é yé? Zê bɨna toʼ ga dolo lé esa ga mɨsyem é l'efu ó, Zyɛm lɛʼla bɨna ga mpwaʼ ncwɨncwɨa we ɛ?

Rôm 6:14

Ebe, Syem, wé ajala le eka jwɨ̀ʼ bɨn, ebe, bɨn bé aka be é monkara mo mɛra motie. Banana, bɨn mu ó baa Zyɛm a lɛʼle ncwɨncwɨa we e.

Rôm 4:15

É jɔʼ Zyɛm lé etiile bʉr motie e, bé entaa motie maa, Zyɛm, nye ntɔʼ kpaa empime. Nkʉ motie, mé a be ó be, abe nɛʼɛ, mpa ntaŋa motie nteme, wé abe.

Lʉkas 7:47

Ebe no, me elɛɛ go ó nɛɛ: é mpʉ nye ndɨ si lɛʼle mpwaʼ kpɛl no e, yé elɛʼle ó, Zyɛm, nyi pɛʼ nye bɨbaa bibyɛh nye a niʼe é lɔb mɨsyem mye e. Myé nteme, myé a be ó é bul buo! No ó, é jɔʼ Zyɛm lé epɛʼ bɨbaa bɨ ebebe ba bim ɨ, mʉr pɛʼɔ bɨbaa byaa ɛ, nye ókpɛl Zyɛm ó ba bim.»

Yʉanes 10:10

Ndiblʉ, wé eze ó, lé eze díbe, le ejʉ, le egbah. Mɛm a ze ó, bʉr biʼe tiʼ molu mo mpoʼ mɨmɛh, ndwe nteme ó, bé buʼba é bɨtiʼ byɔɔ é me.

Yʉanes 15:22

Nkʉ me a be ó be, aze, ze lwib e be nɛʼɛ, mpa bé adweŋɔ mobe é lɔb mɨsyem myɔɔ. No ó, banana, bé aka be e nkar.

Mataos 9:13

Toʼ, to jwɨʼ ga sa Kalara Zyɛm ndɨ elɛɛ ɛ. Yé ó tila ó: “Me egwɨm ó, bɨn lɛʼla bʉr ncwɨncwɨa, abe ó, bɨn dweʼ me motwina.”» Yesʉs ze ko tɨʼ ó: «Ebe, me a baaze jebe ocɨcyel o bʉr. Me a ze jebe ó osyɛl o mɨsyem.»

Mataos 20:9

«Baa b'a nʉŋɔ é mowala motɛn ɨ, ze pyal efoʼ. Bé a jɛna e be ó, mʉr ngwar, saŋ denie ngwar.