Rôm 5:18 - Kálara Zyɛ̌m Edwán é mpʉ̌n

¹⁸ Jwɨʼ gwar e gwar mpʉ bʉr bɨbɛh, bé a dweŋɔ mobe, duho é mʉr ngwar a ntaa etie e, no nteme ó, mpaŋ syɛɛla mʉr ngwar a sa ɛ, yé ópɛʼ bʉr bɨbɛh é nkar ɨ. Bé ósɔba é feerɨ, ze bi tiʼ molu mo mpoʼ mɨmɛh.

Kálar Nzyɛ̌m : Ejwán é Sáá

¹⁸ Mpʉ bʉ̂r bɨ́bɛ̂h, bé á dweŋɔɔ mebě, tɨ̂ e misyóm mí mʉ̂r ngwár yɨ́, jwɨʼ gwár e gwár yaá ntémé ó, syɛ́ɛla mpâ mʉ̂r ngwár á sâ yɨ́, ngá sâ ó, bʉr bíʼee nkam yɨ́. Bé ónî ɨ́ twiʼ.

Rôm 5:18 ပူးပေါင်းရင်းမြစ်များ

1 Korɛnt 15:22

Jwɨʼ gwar mpʉ bʉr bɨbɛh lé edwè é zyɛŋa wɔɔ boo Adam ɨ, no nteme ó, Zyɛm ópɛ̀h bɨbɛh é mofoo ebe zyɛŋa wɔɔ boo Krɨst ɨ.

Rôm 5:12

Ebe no ó syem, wé a duho é mʉr ngwar, ze jʉŋla é si nwaʼ ɛ. Syem waa, wé ó b'a daʼre efie é bʉr, lé emɛr bʉr bɨbɛh, ebe, bʉr bɨbɛh, bé a be ó si sa syem.

Rôm 5:15

Sa gwar, ntaŋa etie mo Adam nɨ, wé abe mpʉ ndwɛa Zyɛm lé edwe bʉr edwɛna ɛ. Ntaŋa motie mo mʉr ngwar, wé a be ó si sa ó, bʉr dwèʼ é buobuo. To kœb ó, syɛɛla ncwɨncwɨa mo nuu mʉr ngwar, yé ó b'a bul dime sɔʼɔ. Ncwɨncwɨa mo Zyɛm ndwe e pɛʼa bɨbaa bɨ ebebe, bi pyal é bʉr, laa naa, lé ecwɨɨ e nuu mʉr ngwar, Yesʉs-Krɨst.

Rôm 5:19

Jwɨʼ gwar e gwar mpʉ mʉr ngwar a sa Zyɛm ebɨh, Zyɛm nyɛɛ ntɔʼ láa ó, bʉr é buobuo, bé mu ó osyɛl o mɨsyem ɨ, jwɨʼ gwar yaa nteme ó, é jɔʼ mʉr ngwar a sa Zyɛm mojoʼo e, Zyɛm a be ó si láa ó, buobuo bʉr, bé mu ó ocɨcyel o bʉr ɨ.

Mɨlʉmlʉ 13:39

Bʉr bɨbɛh ndɨ ejyɛʼ taa buʼo yɔɔ boo nye e, bé óbi mokebe é mih mo Zyɛm. Mʉr, nye epɛʼɔ bɨbaa bɨ ebebe bibyɛh, dam be byaa motie mo Moyiz, mé a baakoʼo epɛʼ ɛ.

Ebrœ̂ 2:9

Sa bɨna lé ekʉ gʉa bee ga ɛ, yé ó: é ma peh jɔʼ, Zyɛm a si taare fil Yesʉs si, beengles laa nye ba é duu. Pie tɨ, nyi ka bœr nye epʉʼlʉ é lʉ, le edwe nye kum ndwe e duu, ebe, nye a si sia e mɨtuu, ntɔʼ dwè. Sa nɨ yiyɛh é l'efu ó, Zyɛm lɛʼla bʉr bɨbɛh ncwɨncwɨa, lé esa ó, Yesʉs jala e be.

Rôm 4:25

Nye waa bʉr, bé a kɛha ɛ. Nye ze jala e motie bɨna bé a ntaa ga ɛ. Pie tɨ, Zyɛm ze pɛ̀h nye é foo ó, bɨna biʼe ga mokebe é nye pɛʼɛ bɨna ga é nkar, ó bɨna sɔba ga é feerɨ.

Yʉanes 1:7

Nye a be ó mboʼla, lé eze boʼlo é lɔb myɛn waa. Nye a ze ó, bʉr bɨbɛh, bé jyɛʼɛ taa buʼo yɔɔ boo Zyɛm ebe lɔɔ we waa.

Yʉanes 12:32

No ó, é wam paʼ, é jɔʼ me ópɛʼɔ é si nwa, bɨnɔ kʉ ɨ, me ódulo bʉr bɨbɛh nko me óbe e.»

1 Yʉanes 2:20

No ó, bɨn bɛɛ, bɨ ntɨhɔ Mbɨambɨa Sisim dumo e Waa ndɨ ti ɨ. Wé ó mpʉ mulo nye lé elœm bɨn e ma ɛ. Ebe no ó bɨn bɨbɛh mu lé egʉa ocyecye e.

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

Yʉanes 3:26

Bé ze to nko Yʉanes a be e, ze dîŋɔ e nye ó: «Yeʼle, zê go lé eka toŋlo mʉr go a seʼle-seʼle é sama bʉr yé a be bɨna ga dibe Yʉrdɛŋ nkɔm-nkɛɛ ɛ? Banana, nyɛɛ nteme mu ó lé edù bʉr! Bʉr nteme mu kʉ ka to ó njɨ boo nye!»

Rôm 3:25

Zyɛm a ntɨh Yesʉs ó, nye ntaʼ, ze dwè, jala e mɨsyem ga mina é l'efu ó, efie le nkʉʼ leʼe empime mo Sɔŋ. Nye a dwè ó, nye nkʉʼ kɛm bʉr, ó bé jyɛʼɛ taa buʼo yɔɔ boo nye é lɔb ndwɛa motié waa ɛ. É zea Yesʉs-Krɨst a ze e, Zyɛm a si lɛʼle mpʉ nye ndɨ cɨcyel ɨ. Mɨsyem bʉr, bé a bɛa sa-sa ɛ, Zyɛm a si bul dihbe mye, kʉ lɛŋ mye é buobuo, alwib.

Rôm 6:14

Ebe, Syem, wé ajala le eka jwɨ̀ʼ bɨn, ebe, bɨn bé aka be é monkara mo mɛra motie. Banana, bɨn mu ó baa Zyɛm a lɛʼle ncwɨncwɨa we e.