Rôm 5:14 - Kálara Zyɛ̌m Edwán é mpʉ̌n

¹⁴ Dam be no, taare é Adam, to pyal é Moyiz, Efie, lé a be ó lé ejwɨʼ mʉr nyiwɛh. Yé cyecye ó, bʉr bɨbɛh bé a baasa syem mpʉ mo Adam, mʉr a taare ntaa etie mo Zyɛm ɨ. Adam, nye ó dweʼle, sa lé elɛʼle mʉr Zyɛm a tiʼe é leme we ó, nye óntɨh bɨna ga ɛ.

Kálar Nzyɛ̌m : Ejwán é Sáá

¹⁴ Damá jóʼo nó, táare ɨ́ jɔʼ mé Ádam, nzě pyâl ɨ́ jɔʼ mé Moyɨ̂z, eswie, lé á be lɨ́ ejwɨ́ɨ mʉ̂r nyɨnyɛ̂h. Yê tyeetye ó, ntʉ bʉ̂r bɨ́bɛ̂h bé á sâ syóm mpʉ̌ Ádam. Damá jóʼo nó, eswie, lé á be lɨ́ ejwɨ́ɨ bé ntémé. Ádam, nyě mveʼlé ó mʉ̌r Nzyɛ̌m á tíʼe ɨ́ lémé wé ó, nyě ntɨ̌h ó nye nyá.

Rôm 5:14 ပူးပေါင်းရင်းမြစ်များ

1 Korɛnt 15:45

Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr efoʼ, Adam, a be ó kublakubla.» Adam a fuʼla ka ze e, nye ó Sisim lé etiʼ bʉr ɨ.

Ebrœ̂ 9:27

Sa Zyɛm a komo é l'efu e bʉr ɨ, yé ó efie. Mʉr, nye edwè njɨ é jɔʼ gwar, ntɔʼ to tiʼɔ mɨlɔb é mih mo Zyɛm.

Rôm 5:17

No, yé ó, é jɔʼ mʉr ngwar nɨ a ntaa etie mo Zyɛm ɨ, Efie, lé a be ó si taare lé ejwɨʼ bʉr bɨbɛh é lɔb mʉr ngwar waa. Sa gwar, Zyɛm, nyi bul lɛʼle bʉr ncwɨncwɨa, laa naa. Bɨna mu ó si bi ga mokebe é mih me, ajɛna sɔʼɔ, le ebi nteme tiʼ molu mo mpoʼ mɨmɛh. Bɨna mu ó lé ecyɛb ga é nkʉʼʉ, apɨŋla é tiʼ yaa, dumo e mʉr ngwar, Yesʉs-Krɨst.

Rôm 8:22

Ze pyal é muh é dobo lɨ, Zyɛm dina l'apa lɛʼle bwan o mobœʼa be onɨ. Bɨna bé egʉa ga ó, mɨcyea bɨsa bibyɛh, byé óto le ejaʼra, le ejoʼo mɨtuu mpʉ anya-ebum lé ejaʼra e min ɨ.

Rôm 5:21

Jwɨʼ gwar e gwar mpʉ Syem, wé a jwɨ̀ʼ bʉr, ntɔʼ jʉ be e, jwɨʼ gwar e gwar yaa nteme ó Ncwɨncwɨa mo Zyɛm mu lé ejwɨʼ bɨna ga ɛ. Nye edwe bɨna ga mokebe é mih me ó, nye nkʉʼ dwe bɨna ga tiʼ molu mo mpoʼ mɨmɛh dumo e Tî ga wina Yesʉs-Krɨst.

Rôm 8:20

Sa gwar, byé mu lé egʉa ó, byé é tɨtoʼo, jɔʼ yiyɛh byé dina é dia yɔɔ ɛ. Sa gwar, ntʉʼ mbi waa byé a gwɨm di ɨ. Zyɛm nye mʉr tɨʼ ó b'a dil bye é dia tɨtoʼo yaa é til jɔʼ yi. Bɨna mu ó lé ekʉ bono e mbɛla é leme ó,

Rôm 5:12

Ebe no ó syem, wé a duho é mʉr ngwar, ze jʉŋla é si nwaʼ ɛ. Syem waa, wé ó b'a daʼre efie é bʉr, lé emɛr bʉr bɨbɛh, ebe, bʉr bɨbɛh, bé a be ó si sa syem.

1 Korɛnt 15:22

Jwɨʼ gwar mpʉ bʉr bɨbɛh lé edwè é zyɛŋa wɔɔ boo Adam ɨ, no nteme ó, Zyɛm ópɛ̀h bɨbɛh é mofoo ebe zyɛŋa wɔɔ boo Krɨst ɨ.