Rôm 5:12 - Kálara Zyɛ̌m Edwán é mpʉ̌n

¹² Ebe no ó syem, wé a duho é mʉr ngwar, ze jʉŋla é si nwaʼ ɛ. Syem waa, wé ó b'a daʼre efie é bʉr, lé emɛr bʉr bɨbɛh, ebe, bʉr bɨbɛh, bé a be ó si sa syem.

Kálar Nzyɛ̌m : Ejwán é Sáá

¹² Nó ó, syóm, wé á nze ɨ́ sí yɨ̂ʼ ó, tɨ̂ ɨ́ mʉr ngwár. Syóm waá nzě dulo éswie ɨ́ bʉr. Eswie laá ntɔ̂ʼ mɛ̂r bʉ̂r bɨ́bɛ̂h, ebě, bʉr bɨ́bɛ̂h, bé á si sâ misyóm.

Rôm 5:12 ပူးပေါင်းရင်းမြစ်များ

Rôm 5:19

Jwɨʼ gwar e gwar mpʉ mʉr ngwar a sa Zyɛm ebɨh, Zyɛm nyɛɛ ntɔʼ láa ó, bʉr é buobuo, bé mu ó osyɛl o mɨsyem ɨ, jwɨʼ gwar yaa nteme ó, é jɔʼ mʉr ngwar a sa Zyɛm mojoʼo e, Zyɛm a be ó si láa ó, buobuo bʉr, bé mu ó ocɨcyel o bʉr ɨ.

Rôm 6:23

Myɛna mo mʉr lé esa syem ɨ, mé ó njɨ efie. To kœb ó, ndwɛa Zyɛm a dwe bʉr edwɛna ɛ, wé ó tiʼ molu mo mpoʼ mɨmɛh é zyɛŋa ga wina boo Tî ga wina Yesʉs-Krɨst.

Rôm 3:23

Bɨbɛh bé a be ó si sa syem. Kum mo Zyɛm mu ó si cɛra e be.

Jacques 1:15

Bɨgwɨma bye byaa, byé ónʉa ebum, ntɔʼ bya Syem. Syem nyɛɛ ógwɨe, ntɔʼ sa mʉr, ntɔʼ ze bya we mwan, Efie!

Rôm 5:21

Jwɨʼ gwar e gwar mpʉ Syem, wé a jwɨ̀ʼ bʉr, ntɔʼ jʉ be e, jwɨʼ gwar e gwar yaa nteme ó Ncwɨncwɨa mo Zyɛm mu lé ejwɨʼ bɨna ga ɛ. Nye edwe bɨna ga mokebe é mih me ó, nye nkʉʼ dwe bɨna ga tiʼ molu mo mpoʼ mɨmɛh dumo e Tî ga wina Yesʉs-Krɨst.

Jacques 3:2

Bɨna ga bɨbɛh, bé esa ga mobebe, mɨmbi mimyɛh. Mʉr ndɨ abe lé esa ebebe é jɔʼ nye lé elwib ɨ, nyi kumo é l'ombɨmbɨa é mɨpaʼ mimyɛh. Nye ó e nkul ebaʼle nyʉl we, nye l'aka sa tʉa e syɛɛla ebebe.

Rôm 5:18

Jwɨʼ gwar e gwar mpʉ bʉr bɨbɛh, bé a dweŋɔ mobe, duho é mʉr ngwar a ntaa etie e, no nteme ó, mpaŋ syɛɛla mʉr ngwar a sa ɛ, yé ópɛʼ bʉr bɨbɛh é nkar ɨ. Bé ósɔba é feerɨ, ze bi tiʼ molu mo mpoʼ mɨmɛh.

Rôm 6:21

Wáa nyɔm bɨn bé a dira e mɨsyem bɨn bé a sa ɛ? Banana, bɨn mu ó lé ejoʼo fwon lé etoŋlo bɨsyɛɛla bɨ ebebe byaa. Byé ó ndɨ eto e bʉr nko efie.

1 Korɛnt 15:56

Efie, lé enʉa nkul ejʉ bʉr ó, lé ebɨlan e syem. Syem, wé enʉa nkul ó, duho é motie mo Zyɛm.

Éfɛsɔs 2:3

Bɨna bɨbɛh, bé a taare kœʼ ga ó, ebò e cyen egwar laa. Bɨna bé a kʉ saa-saa ga ó, njɨ edu bɨgwɨma bɨ nyʉl bɨpuno ga wina. Bɨgwɨma byaa ó b'a bul pebre-pebre bɨna ga é mɨleme. Sa yé a kʉ jala e bɨh oYʉden ɨ, yé a be ó, Zyɛm kpaŋa empime le e bɨh, jwɨʼ gwar e gwar mpʉ nye a jala le ekpaa e bʉr o ndɨ abe oYʉden ɨ.