Rôm 5:1 - Kálara Zyɛ̌m Edwán é mpʉ̌n

¹ Zyɛm mu ó si dwe bɨna ga mokebe ebe taa buʼo bɨna lé ejyɛʼ boo Krɨst ɨ. Ebe no ó bɨna ga e boo Zyɛm mu mbɨmbɨa, dumo e Tî ga wina Yesʉs-Krɨst ɨ.

Kálar Nzyɛ̌m : Ejwán é Sáá

¹ Nzyɛ̌m á be ɨ́ dwe mɨ́ná gá nkam ɨ́ lɔ̌b búʼó gá yɨ́ná. Sá tɨ̂ʼ ó mɨ́ná gá e Nzyɛ̌m mû mbɨ̂mbɨá ɨ́ nzɨ̌ Tî gá wɨ́ná, Yésʉs-Krîst yɨ́.

Rôm 5:1 ပူးပေါင်းရင်းမြစ်များ

Rôm 15:13

No ó, Zyɛm lé egba bʉr mbɛla é mɨleme e, nye cyɛba bɨn é mɨleme, ó bɨn soha é jɔʼ yiyɛh. Mɨleme min, myé loŋla e motala ebe buʼo yin. No ó myé óloŋlo e mbɛla ebe nkul mo Mbɨambɨa Sisim ɨ.

Yʉanes 16:33

Me elɛɛ bɨn mɨlɔb mɨnɨ ó, bɨn nkʉʼ di é zyɛŋa ga wina, bɨn nkʉʼ di é motala. Bɨn bé ósia e mɨtuu lé edi é bebebebe si nwa. Dam be no, tʉmɨ ga monyʉl. Mɛm, mɨ ntaa nye é nkul!»

Kolosi 1:20

Nye a nʉa tiʼa ó, mɨlɔb ndɨ paʼra wɔɔ e bʉr bɨbɛh ɛ, nye esa sàa ó, é zi we. Zyɛm a gba motala paʼra wɔɔ e bʉr ó, dumo e nye, é zi motié mo Mwan we a dwè é klos kʉ ɨ, dam be bɨsa ndɨ kaʼ é si nwaʼ ɛ, dam be byaa ndɨ é jobo kʉ ɨ.

Rôm 6:23

Myɛna mo mʉr lé esa syem ɨ, mé ó njɨ efie. To kœb ó, ndwɛa Zyɛm a dwe bʉr edwɛna ɛ, wé ó tiʼ molu mo mpoʼ mɨmɛh é zyɛŋa ga wina boo Tî ga wina Yesʉs-Krɨst.

Rôm 14:17

Jwɨ̀ʼa mo Zyɛm, yé abul dwɛʼ lɔb ede le enyʉl. Yé ó jwɨ̀ʼa ocɨcyel, motala, ndwe e bɨsʉhʉ bɨna lé ebi ga é zi mo Mbɨambɨa Sisim ɨ.

2 Tesalonika 3:16

No ó, Da Yesʉs, waa lé egba bɨna ga motala é mɨleme e, nye gbaʼ bɨn motala maa é mɨleme bɨjɔʼ bibyɛh, le mozi mɨmɛh. Da Yesʉs diʼe e bɨn bɨbɛh.

Yʉanes 14:27

«Motala ó me lé eliʼe bɨn e ma ma. Motala mam ó me lé edwe bɨn ma. Me adwe bɨn motala mam mpʉ bʉr o si nwaʼ lé edweela bɨsɔʼɔ, ka bula dɛn bye e. Asyɛl ga ba. Ajoʼo ga bʉa.

Rôm 4:5

To kœb ó, mʉr ngwar é sama bʉr o ndɨ asa mɨmpaŋ bɨsyɛɛla ɛ, nye óbɛm jyɛʼ taa buʼo ye boo Zyɛm, ebe, nye ó waa ndɨ edwe bʉr o ndɨ adwaabe nye e, mokebe e. Zyɛm óbee mpʉ nye ndɨ ejyɛʼ taa buʼo ye boo nye e, ntɔʼ nʉa buʼo ye mpʉ bɨsyɛɛla bɨ ocɨcyel.

Kolosi 3:15

Krɨst cyɛba bɨn é mɨleme, ó mɨleme min loŋla e motala. Ebe no ó Zyɛm a jebe bɨn ó, bɨn syɛŋa é nyʉl ngwar ɨ. Dweʼ ga nye kum é jɔʼ yiyɛh é bɨsa nye lé esa bɨn ɨ.

Rôm 15:33

Zyɛm lé egba bɨna ga motala é mɨleme e, nye diʼe e bɨn bɨbɛh. Amɛn.

Mɨlʉmlʉ 10:36

Bɨn bé egʉa lɔɔ Zyɛm a ntɨh bwa b'Ɨzraɛl ɨ. Mbɨambɨa Lɔɔ waa, wé ó wi: Zyɛm óbula gba mʉr motala é leme ó, dumo e Yesʉs-Krɨst, ndɨ Tî bʉr bɨbɛh ɛ.

Filipi 3:9

Me egwɨm ó, Zyɛm beŋɨ njɨ ó, me ó é zyɛŋa wih boo nɔɔ. Me agwɨm bi mokebe é mih me ebe mbi me lé edu motie e. Me egwɨm ó, nye dweʼ me mokebe ebe taa buʼo me lé ejyɛʼ boo Krɨst ɨ.

1 Tesalonika 5:23

Mʉr lé esa ó, bʉr tiʼa é motala ɛ, nye mʉr tɨ, nye puba bɨn é mɨpaʼ mimyɛh. Nye baʼla mɨsisim min e mɨleme min, ndwe e monyʉl mɨn. Ebò e cyen lɨn, lé diʼe no, alɨŋa ba, to pyal é dobo Tî ga wina Yesʉs-Krɨst óbula ze e.

Rôm 5:18

Jwɨʼ gwar e gwar mpʉ bʉr bɨbɛh, bé a dweŋɔ mobe, duho é mʉr ngwar a ntaa etie e, no nteme ó, mpaŋ syɛɛla mʉr ngwar a sa ɛ, yé ópɛʼ bʉr bɨbɛh é nkar ɨ. Bé ósɔba é feerɨ, ze bi tiʼ molu mo mpoʼ mɨmɛh.

Lʉkas 19:42

Nye ó: «Nkʉ go be ó be, gʉa muh sa yé a ngbaa sa ó, mɨlɔb, myé kwɨmlɨ paʼra win boo Zyɛm nɛʼɛ, mpa go mu ó mbɨmbɨa! Banana, yé ó go fela. Go abe e nkul ebee ye!

Rôm 1:7

Me etile ó, bʉr bɨbɛh ndɨ Rom, baa Zyɛm a bul kpɛl ndwe le epɛh ó, bé diʼe mɨsaŋ mɨ bʉr be e. Mocyɛʼ mo mpom e motala mo Zyɛm Sɔŋ ga wina bé e Da Yesʉs-Krɨst, mé swɨŋɨ é bɨn.

Lʉkas 19:38

Bé a lɛɛ-lɛɛ ó: «Mocyɛʼ mo mpom, mé swɨŋɨ é waa lé eze e die mo Da nwa ɔɔ! Motala, mé diʼe é lal mo Zyɛm ɔɔ! Kɛɛɛɛɛɛ é lal mo Zyɛm di e kum wi ɔɔ!»

Galásia 2:16

To kœb ó, bɨna mu lé egʉa ga ó, mʉr, nye aŋa bi mokebe é mih mo Zyɛm ebe mbi nye lé edu motie e. Mʉr, nye ebi mokebe é mih mo Zyɛm ó, ebe taa buʼo nye lé ejyɛʼ boo Yesʉs-Krɨst ɨ. Bɨna bɨ jyɛʼ ga taa buʼo yina nteme boo Krɨst é l'efu ó, bɨna nkʉʼ bi ga mokebe é zi buʼo gwar yaa. Abe e mʉr lé ebi mokebe ebe mbi nye lé edu motie e. Mʉr ákwoʼ bi mokebe é mih mo Zyɛm ebe mbi nye lé edu motie me e.

Yʉanes 20:31

Sa ndɨ tɨʼ tila ɛ, yé a tilɔ ó, é l'efu ó, bɨn buʼla ó, Yesʉs, nye ó Lœma mulo mo Zyɛm le Mwan mo Zyɛm. ǃBɨn si jyɛʼ taa buʼo yin boo nye nɛʼɛ, bɨn bé óbi tiʼ molu mo mpoʼ mɨmɛh é zi we.

Rôm 10:10

ebe, leme go, wé ó fum go jyɛʼɛ taa buʼo yo boo Zyɛm ɨ, nye ntɔʼ dwe go mokebe é mih me. No ó, ǃgo si mɛʼle ocyecye, lé elɛɛ ó: «Yesʉs ó ndɨ Njwɨɨ» nɛʼɛ, go óbi tiʼ molu mo mpoʼ mɨmɛh.

Rôm 3:30

ebe, Zyɛm, nye ó njɨ ngwar! É nko paʼ bʉr o b'a saŋɔ mpʉn ɨ, nye edwe be mokebe ó, ebe taa buʼo bé lé ejyɛʼ boo Zyɛm ɨ. Nye edwe mokebe nteme ó, bʉr o b'a baasaŋɔ mpʉn ɨ, ebe buʼo gwar yaa.

Rôm 1:17

Mbɨambɨa Lɔɔ waa, wé elɛʼle mpʉ bʉr lé ebi mokebe é mih mo Zyɛm ɨ. Mokebe maa, mé edweŋɔ ó, njɨ ebe taa buʼo mʉr lé ejyɛʼ boo Krɨst ɨ, taare é l'etɔɔrʉ, to pyal é l'efehle. Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr ndɨ e tiʼ molu mo mpoʼ mɨmɛh ɛ, nye ó njɨ waa a bi mokebe é mih mo Zyɛm ebe taa buʼo nye a jyɛʼ boo nye e.»

Ebrœ̂ 13:20

Neme Zyɛm Sɔŋ ndɨ egba motala paʼra ga wina, nye ó b'a pɛ̀h Tî ga wina ndwe e Kobla bɨntœme nɨnɨ, Yesʉs é foo, pɛ̀ha foo we lé elɛʼle ó, nyi mɛʼle motié nye a sʉ é l'efu ó, Sɔŋ we nkʉʼ de mpʉn njʉmdia e bɨna ga ɛ.

Éfɛsɔs 2:7

Nye a cwɨa e bɨna ga no ó, nye nkʉʼ lɛʼle kpɛl ye ndɨ apurapura sɔʼɔ ɛ, sa lé elaa yʉʉ sɔʼɔ é mpwaʼ ɛ. Kpɛl ye yaa, yé ónyin pie e l'esie e mbi jɔʼ yi. Bɨna bé ebi ga ncwɨncwɨa we ó, é zyɛŋa ga wina boo Yesʉs-Krɨst.

Galásia 3:25

Banana, mpʉ Zyɛm mu si dib bɨna ga zi ejyɛʼ taa buʼo yina boo Yesʉs-Krɨst ɨ, bɨna bé aka be ga é jwɨ̀ʼa mo mbɔʼlʉ waa.

Rôm 10:15

Yé ndɨ e nkul esa ó, olɛa o lɔɔ Zyɛm beʼ, nkʉ Zyɛm, nye alomo be e? Yé ó mpʉ yé ndɨ tila é Kalara Zyɛm ɨ. Yé ó tila ó: «A mbɨa lé ebee bʉr o ndɨ eze le etuno Mbɨambɨa Lɔɔ ee!»

Rôm 9:30

Yé be no nɛʼɛ, bɨna kaʼ lɛɛ ga é yé, tiibe e bʉr o ndɨ abe oYʉden ɨ? Bʉr o b'a baasaa zi ebi mokebe é mih mo Zyɛm ɨ, bé ó b'a ka bi mokebe maa. Sa gwar, bé a bi me ó, ebe taa buʼo bé a jyɛʼ boo Krɨst ɨ.

Lʉkas 2:14

«Kum mo Zyɛm, nye bera kʉ, laa jobo e l'ejyoo le ebantɛn. Bʉr o si nwa, bé diʼe é motala, ebe, Zyɛm, nyi bee be mbɨmbɨa.»

Rôm 3:22

Zyɛm mu lé edwe bʉr mokebe é mih me ó, njɨ ebe taa buʼo bé lé ejyɛʼ boo Yesʉs-Krɨst ɨ. Zyɛm a kar zi waa ó, é l'efu e baa bɨbɛh lé ejyɛʼ taa buʼo yɔɔ boo nye e, ebe, bʉr bɨbɛh, bé ó jwɨʼ gwar.

Yʉanes 5:24

«Me elɛɛ bɨn cyecye ó nɛɛ: mʉr ójoʼo lwib yam le ejyɛʼ taa buʼo ye boo mʉr a ntɨh me e, nyi bi tiʼ molu mo mpoʼ mɨmɛh. Zyɛm, nye aŋa ka dwe nye mobe. Nyi bɛa dwihɔ é l'efie, ntɔʼ dweŋɔ tiʼ molu mo mpoʼ mɨmɛh.

Rôm 5:11

Yé abe njɨ no, yé ome: bɨna mu lé emɨɨla ga nteme ó, dumo e Tî ga wina Yesʉs-Krɨst, é zyɛŋa ga wina boo Zyɛm. Nye ó b'a sa sàa paʼra ga wina boo Zyɛm é jɔʼ yi.

Galásia 5:22

Sa gwar, Mbɨambɨa Sisim, nye e bɨsyɛɛla nye lé esa e bɨna ga ɛ. Mpumo lé egumo é zi mo Mbɨambɨa Sisim ɨ, nye ó: kpɛl, bɨsʉhʉ, motala, bihbe, njwɨʼa-nkoo, ncwɨncwɨa, edira monkɛʼ,