Rôm 4:6 - Kálara Zyɛ̌m Edwán é mpʉ̌n

⁶ Jwɨʼ gwar e gwar yaa nteme ó David a lɛɛ ɛ. Nye esʉ mocyɛʼ mo mpom é mʉr a dweŋɔ mokebe é mih mo Zyɛm, waa a baasa mɨmpaŋ bɨsyɛɛla ɛ.

Kálar Nzyɛ̌m : Ejwán é Sáá

⁶ Jwɨʼ gwár yaá ntémé ó David á lɛ́ɛ yɨ́. Nye lɨ́ esyɛɛ métyéelé ɨ́ mʉr á láŋɔɔ otîtyěl ɨ́ míh mé Nzyɛ̌m, waá á be asâ bisyɛ́ɛla bimpâ nyá.

Rôm 4:6 ပူးပေါင်းရင်းမြစ်များ

2 Timotɛ 1:9

Nye a baajebe bɨna ebe mɨmpaŋ bɨsyɛɛla bina. Nye a dwe bɨna ga tiʼ molu mo mpoʼ mɨmɛh le ejebe bɨna ó, bɨna diʼe mɨsaŋ mɨ bʉr be. Nye a sa no ó, ebe pɛhla we nye mʉr tɨ, le ncwɨncwɨa nye a be e nye, waa nye a be ó, nye ólɛʼle bɨna ɛ. Nye a bɛa lɛʼle bɨna ncwɨncwɨa ó, kʉ e si apa cyeŋɔ, é zi mo Yesʉs-Krɨst.

1 Korɛnt 1:30

Bɨn bé ó é zyɛŋa win boo Yesʉs-Krɨst ó, dumo e Zyɛm. Nye ó b'a sa nteme ó, bɨn biʼe ocyoo mo Yesʉs. Bɨn mu ó ocɨcyel o bʉr é mih me, dumo e Krɨst. Krɨst nteme ó b'a pubo bɨna ga. Nye ó b'a dwih bɨna ga é mpila ebebe é pololo.

Filipi 3:9

Me egwɨm ó, Zyɛm beŋɨ njɨ ó, me ó é zyɛŋa wih boo nɔɔ. Me agwɨm bi mokebe é mih me ebe mbi me lé edu motie e. Me egwɨm ó, nye dweʼ me mokebe ebe taa buʼo me lé ejyɛʼ boo Krɨst ɨ.

2 Korɛnt 5:21

Mʉr a baasa syem ɨ, nye ó ndɨ waa Zyɛm a kɛl mɨsyem mimyɛh é koo é ziʼrɨ ɨ. Yé a be ó é l'efu ga lɨna, ó bɨna nkʉʼ di ga ocɨcyel o bʉr é mih mo Zyɛm dumo e cɨcyel mʉr waa.

Éfɛsɔs 1:3

Bɨna gumla ga Zyɛm, waa ndɨ Sɔŋ mo Tî ga wina Yesʉs-Krɨst ɨ. Zyɛm, nyi sʉ bɨna ga mocyɛʼ mo mpom me é zyɛŋa ga wina boo Krɨst. Nyi mɛʼle nteme ó, bɨna sʉŋɔ ga mocyɛʼ mo mpom mo Mbɨambɨa Sisim mɨmɛh, lé eduho é jobo kʉ.

Galásia 3:14

Yesʉs-Krɨst a dwih bɨna ga é mpila ebebe no ó, é l'efu e bɨkul bɨfih. Nye mu ó lé eze ntɛŋ bɨn mocyɛʼ mo mpom Zyɛm a kɛʼ Abraham ɨ. Nye a dwih bɨna ga nteme é mpila mɨsyem ó, Zyɛm nkʉʼ dira nkɛʼ we é l'efu ga lɨna, lé entɨh bɨna ga Mbɨambɨa Sisim. Nye entɨh nye ó, ebe taa buʼo bɨna lé ejyɛʼ ga boo nye e.

Rôm 4:11

Sɛa mpʉn, wé a cyelɔ é nko paʼ mo Abraham ó, mpʉ dweʼle. Wé a be ó dweʼle, sa lé elɛʼle ó, nye a be ó si bi mokebe ebe taa buʼo nye a jyɛʼ boo Zyɛm ɨ, nye l'apa saŋɔ mpʉn. Zyɛm a dwe nye mokebe no ó, nye nkʉʼ be sɔŋ é l'efu e bʉr bɨbɛh ndɨ ejyɛʼ taa buʼo yɔɔ boo nye, baa l'apa saŋɔ mpʉn ɨ. Nye enʉa be e boo nɔɔ mpʉ ocɨcyel o bʉr.

Rôm 1:17

Mbɨambɨa Lɔɔ waa, wé elɛʼle mpʉ bʉr lé ebi mokebe é mih mo Zyɛm ɨ. Mokebe maa, mé edweŋɔ ó, njɨ ebe taa buʼo mʉr lé ejyɛʼ boo Krɨst ɨ, taare é l'etɔɔrʉ, to pyal é l'efehle. Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr ndɨ e tiʼ molu mo mpoʼ mɨmɛh ɛ, nye ó njɨ waa a bi mokebe é mih mo Zyɛm ebe taa buʼo nye a jyɛʼ boo nye e.»

2 Pyɛr 1:1

Mɛm, Simɔn Pyɛr, ndɨ syɛl mosa mo Yesʉs-Krɨst, ndɨ nteme lʉmlʉ we e, ó lé etile bɨn kalara nwa. Me etile ó bʉr o b'a bi mbi buʼo bɨh ndɨ e ye e, buʼo ga yina e l'odime é mɨpaʼ mimyɛh. Bɨna bé a bi ga buʼo yaa ó, ebe syɛɛla mo Yesʉs-Krɨst yé a be cɨcyel ɨ. Nye ó Zyɛm ga wina le Tiʼbʉr ga wina.

Galásia 4:15

É jɔʼ yaa, me ekʉ gʉa mbɨmbɨa ó, nkʉ bɨn bé a be ó be, be e nkul epɛʼ mih mɨn, dwe me ma nɛʼɛ, mpa bɨn bé a be ó si sa me syɛɛla yaa! No ó, ebe yé bɨn ndɨ aka kpɛl me é bananaʼ ɛ?

Rôm 4:24

Mé a tilɔ nteme ó, é l'efu ga lɨna, bʉr o b'a jyɛʼ ga taa buʼo yina boo Zyɛm ɨ. Zyɛm, mʉr a pɛ̀h Tî ga wina Yesʉs é foo e, ónʉa bɨna ga ó, mpʉ ocɨcyel o bʉr.

Rôm 4:9

Zê mocyɛʼ mo mpom me maa, mé ó njɨ é l'efu e bʉr o b'a taare saŋɔ mpʉn ɨ? Hɨʼɨ, bʉr o b'a baasaŋɔ mpʉn ɨ, bé ósʉŋɔ nteme mocyɛʼ mo mpom, ebe, bɨh si kʉ lwanbe lɛɛ wâʼ ó, Abraham a si jyɛʼ taa buʼo ye boo Zyɛm. Zyɛm ze bee buʼo ye mbɨmbɨa, nye ntɔʼ nʉa Abraham mpʉ cɨcyel mʉr.

Rôm 3:27

É mpʉ yé ndɨ no e, zê mʉr óbana to dolo lé edoʼo e bɨsyɛɛla bye nye mʉr tɨʼ ɛ? Hɨʼɨ, yʉʉ sɔʼɔ, yé abe no. Yé ndɨ ekamle bɨna lé edoʼo ga? Zê motie mo Zyɛm ó ndɨ ekamle bɨna ga lé edoʼo ɛ? Hɨʼɨ, sa ndɨ esa ó, bɨna beʼ l'aka doʼo ga ɛ, yé ó buʼo bɨna mu lé edu ga ɛ,

Mataos 25:19

«To kœb ó, masa wɔɔ a be ó si bul bɛa gʉʼ é cyen ye yaa. É jɔʼ nye a ka bula ɛ, nye ze jebe be, ze lɛɛ e be ó, bé ntaʼ, ze lɛɛ nye mpʉ bé a sea e gol ye e.

Rôm 4:5

To kœb ó, mʉr ngwar é sama bʉr o ndɨ asa mɨmpaŋ bɨsyɛɛla ɛ, nye óbɛm jyɛʼ taa buʼo ye boo Zyɛm, ebe, nye ó waa ndɨ edwe bʉr o ndɨ adwaabe nye e, mokebe e. Zyɛm óbee mpʉ nye ndɨ ejyɛʼ taa buʼo ye boo nye e, ntɔʼ nʉa buʼo ye mpʉ bɨsyɛɛla bɨ ocɨcyel.

Rôm 4:7

David a tile ó: «Ontɔɔ o motie Zyɛm a pɛʼ bɨbaa bɨ ebebe byɔɔ ɛ, bé e mocyɛʼ mo mpom. Bé ó baa Zyɛm a fol mɨsyem myɔɔ ɛ.

Jacques 2:18

Mʉr óbɛm lɛɛ ó: «Baʼ bʉr, bé ejyɛʼ taa buʼo boo Zyɛm. Bʉʉ bɛɛ, bé esa mɨmpaŋ bɨsyɛɛla.» No ó, me ebula lɛɛ e mʉr nɨ ó: «Wáa mbi go ndɨ e nkul elɛʼle bʉr buʼo yo ndɨ anyin mɨmpaŋ bɨsyɛɛla nɨ? Mɛm ólɛʼle nye yaa yam é zi mɨmpaŋ bɨsyɛɛla byam, ó nye beŋɨ ó, mɨ jyɛʼ taa buʼo yam boo Zyɛm.»