Rôm 4:2 - Kálara Zyɛ̌m Edwán é mpʉ̌n

² Nkʉ Abraham a be ó be, bi mokebe é mih mo Zyɛm ebe mɨmpaŋ bɨsyɛɛla bye nɛʼɛ, mpa nye a si bi sa edoʼo e tɨ. Sa gwar, nye a baangbaa doʼo e bye é mih mo Zyɛm,

Kálar Nzyɛ̌m : Ejwán é Sáá

² Yé bé Abraham á si bi nkam ɨ́ lɔ̌b bísyɛ́ɛla bimpâ byé nó, lɛ́ɛ́, nye á be ó e sá énkʉ́na tɨ̂. Sâ gwár, nye á bé abe e sá énkʉ́na tɨ̂ʼ ɨ́ míh mé Nzyɛ̌m.

Rôm 4:2 ပူးပေါင်းရင်းမြစ်များ

1 Korɛnt 1:31

Yé ó mpʉ yé ndɨ tila é Kalara Zyɛm ɨ. Yé ó tila ó: «ǃƗ mʉr si kpɛl doʼo nɛʼɛ, nye doʼa e bɨsyɛɛla mo Da.»

2 Korɛnt 11:30

Yé be ó, yé ekʉ jala ó, me doʼa e me mʉr tɨʼ nɛʼɛ, sa me ndɨ e nkul edoʼo e tɨʼ ɨ, yé ó ecyɛʼ lam.

Filipi 3:9

Me egwɨm ó, Zyɛm beŋɨ njɨ ó, me ó é zyɛŋa wih boo nɔɔ. Me agwɨm bi mokebe é mih me ebe mbi me lé edu motie e. Me egwɨm ó, nye dweʼ me mokebe ebe taa buʼo me lé ejyɛʼ boo Krɨst ɨ.

Éfɛsɔs 2:9

Nye a baacwɨa e bɨn ebe yʉʉ mpaŋ syɛɛla yin. Ndwe nteme, yé ajala ó, mʉr doʼa e nye mʉr tɨ.

Galásia 3:22

Ebe, yé ó tila é Kalara Zyɛm ó, bʉr o si nwaʼ bɨbɛh, bé ó, é mpila mɨsyem myɔɔ. Mɨsyem myɔɔ, myé a si kaʼ bɨbɛh monkara. Sa gwar, Zyɛm, nye ekɛʼ ó, baa bɨbɛh lé ejyɛʼ taa buʼo yɔɔ boo Yesʉs-Krɨst ɨ.

1 Korɛnt 9:16

Mpʉ me lé elɛɛ Mbɨambɨa Lɔɔ ɛ, me abe lé esa no ó, me óbi zi lé edoʼo tɨ, ebe, me é mpila ó, me lɛŋɨ we. A vwaʼ e me, nkʉ me alɛɛ lɔɔ waa.

1 Korɛnt 1:29

Abe e mʉr ngwar ndɨ e nkul edoʼo e bɨsyɛɛla bye é mih mo Zyɛm.

2 Korɛnt 5:12

É l'ocyecye, bɨh bé aseʼle bɨh bʉr o tɨʼ é mih mɨn. Sa bɨh tile e, yé ó, ebe, bɨn nkʉʼ be e l'ekan le elɛɛ é jɔʼ bɨn kpɛl mɨɨla e me e. Ebe no ó bɨn bé óbe e nkul ebɛʼ e bʉr o ndɨ edoʼo e bɨsa lé enyin kʉl ɨ. Bé adoʼo yɛɛ e byaa ndɨ be é mɨmo si ɨ.

Rôm 15:17

No ó, é zyɛŋa wih boo Yesʉs-Krɨst, me e nkul edoʼo e syɛɛ-Zyɛm me lé esa ɛ.

2 Korɛnt 11:12

Syɛɛla me lé esa bɨn nɨ, me óto dolo lé esa ye. Me amu jaa nee bʉr zi ndɨ ó, bé pyala bɨn ye e moseʼla mɔɔ, bé ntɔʼ gba bɨn tuu é nyʉl. Bé amu ka lɛɛ ó, bɨh e boo nɔɔ, bé ó jwɨʼ gwar é nko paʼ ebò e cyen bɨh lé ekœʼ œ. Ebò e cyen lɔɔ, lé ó sa bé lé edoʼo e le e.

1 Korɛnt 4:7

Ebe, zé a bɨr gwɔɔ kʉ, laa bʉr bɨbɛh? Yé go ndɨ e ye, yaa go a baabi ɨ? Yé be ó, go a bi ye ó bi biʼe nɛʼɛ, ebe yé go lé edoʼo e ye e? Go esa mpʉ sa lɛɛ ó, yé abe etʉm go a ntɨhɔ ɛ!