Rôm 4:18 - Kálara Zyɛ̌m Edwán é mpʉ̌n

¹⁸ Sa Abraham a baajala le ebuʼla ó, yé e nkul epyal ɨ, nye a si buʼla sa gwar e gwar yaa e mbɛla wé a be nye é leme e. Nye ntɔʼ fuʼla sɔŋ buobuo bɨkul. Zyɛm a kɛʼ nye ó: «Mpoŋbʉr go óbuo, jala e baatwitwɛn.»

Kálar Nzyɛ̌m : Ejwán é Sáá

¹⁸ Sá Abraham á be ajala le ebóno ó, yé ópyâl nyé yɨ́, nye á bóno sâ gwár yaá ó e mpûʼla ɨ́ léme. Nye ntɔ̂ʼ sûʼla sɔ́ŋ bikûl ɨ́ buo buo. Nkɛ̌ʼ Nzyɛ̌m á dwe nye nyɨ́, nye ntɔ̂ʼ dira ó: Onta bô, bé óbe ó, ɨ́ buo buo.

Rôm 4:18 ပူးပေါင်းရင်းမြစ်များ

Rôm 8:24

É jɔʼ Zyɛm a dwe bɨna ga tiʼ molu mo mpoʼ mɨmɛh ɛ, é jɔʼ yaa ó nye a loŋlo mɨleme ga mina e mbɛla waa ɛ. ǃƗ mʉr si bee bɨsa nye a taare bono nɛʼɛ, lɛɛ ó, mbɛla waa, wé aka be nye é leme. Wi laa, ebe, é jɔʼ mʉr mu si bee yʉʉ sɔʼɔ ɛ, nye abe e nkul ebâʼle be e mbɛla é leme ó, nye óbee ye.

Rôm 5:5

ǃƗ mbɛla si loŋlo mʉr é leme nɛʼɛ, mʉr waa, nye aŋa ka bil fwon, ebe, Zyɛm, nyi lɛʼle bɨna ga mpʉ nye lé ekpɛl bɨna ga ɛ. Nye a lɛʼle bɨna ga no ó, é zi Mbɨambɨa Sisim, waa nye a ntɨh bɨna ga ɛ.

Mɨlʉmlʉ 27:25

No ó, jyɛɛ ga yam, tʉmɨ ga monyʉl, ebe, mɨ jyɛʼ taa buʼo yam boo Zyɛm, le ekʉ gʉa ó, sa yaa yiyɛh, yé ósyɛɛlɨ mpʉ nye lɛɛ me e.

Rôm 4:17

Yé ó mpʉ yé ndɨ tila é Kalara Zyɛm ɨ. Yé ó tila ó: «Me ósa ó, go diʼe sɔŋ buobuo bɨkul.» Nye ó kʉ be sɔŋ ga wina, ebe, nye a be ó si jyɛʼ taa buʼo ye boo Zyɛm, waa lé epɛ̀h bʉr é mofoo e. Zyɛm ó ndɨ esa ó, sa yé a baataare be e, yé beʼ.

Lʉkas 1:18

Zakari ntɔʼ dî e l'engles ó: «Yé, yé ólɛʼle me ó, sa go lé elɛɛ nɨ, yé óbana syɛɛlɨ ɨ? Ebe, bɨh e mʉma wam mu ó mɨnjʉ̌m.»

Rôm 4:19

Abraham ze buʼla nkɛʼ waa. Buʼo ye yaa, yé a baacyɛʼ, dam be mɨmbu nter (100) mye. Nye a be ó si pahle tiʼ ye, bee ó, nye a be ó, nye mu kunokuno le edwè, le ebee nteme ó, Sara a be ó kun.

Ebrœ̂ 6:19

Mbɛla waa, wé ó waa ebuʼlɔ. Wé emɛr mɨleme ga mina ó, mpʉ monkwab bɨnkoho lé emɛr titima é sʉm dibe é larada ɛ. Wé ó mpʉ kol lé entaa kan ebe é l'odia mo Zyɛm tʉŋlʉ ɨ. Guu odumo o kol waa, wé ó tiila é Tiʼe ndɨ e l'ekɛn é buobuo e.