Rôm 4:17 - Kálara Zyɛ̌m Edwán é mpʉ̌n

¹⁷ Yé ó mpʉ yé ndɨ tila é Kalara Zyɛm ɨ. Yé ó tila ó: «Me ósa ó, go diʼe sɔŋ buobuo bɨkul.» Nye ó kʉ be sɔŋ ga wina, ebe, nye a be ó si jyɛʼ taa buʼo ye boo Zyɛm, waa lé epɛ̀h bʉr é mofoo e. Zyɛm ó ndɨ esa ó, sa yé a baataare be e, yé beʼ.

Kálar Nzyɛ̌m : Ejwán é Sáá

¹⁷ «Me ótyêl gó ntémé sɔ́ŋ bikûl ɨ́ buo buo.» Nye ó sɔ́ŋ gá wɨ́ná, ebě, nye á bě sí dyêʼ koo e Nzyɛ̌m, waá dí epɛh ódwe nyá. Nzyɛ̌m waá ntémé ó dí esâ ó, sá yé á be abe yɨ́, yé díʼee.

Rôm 4:17 ပူးပေါင်းရင်းမြစ်များ

1 Korɛnt 1:28

Nye a si pɛh sa bʉr lé ebee ó, yé ó kʉ be mbɛh le epyaŋɔ, le yaa ndɨ tɨtoʼo e, ó nye nkʉʼ gbah sa bɛɛ lé ebee ó, yé ó sa ndɨ tɨʼ ɨ.

Yʉanes 5:21

ebe, jwɨʼ gwar mpʉ Sɔŋ lé epɛ̀h bʉr é mofoo, dwe be tiʼ ɨ, no nteme ó Mwan mo Zyɛm ótiʼ baa nye lé ekpɛl ɨ.

1 Pyɛr 2:10

Molu pihe, bɨn bé a baabe kul bʉr ye. No ó, banana, bɨn mu ó kul bʉr ndɨ yaa mo Zyɛm ɨ! Molu pihe, abe e mʉr a jwɨʼ bɨn nkoo. No ó, banana, Zyɛm nye mʉr tɨ, nyi kʉ jwɨʼ bɨn nkoo!

Yʉanes 6:63

Mbɨambɨa Sisim ó ndɨ edwe bʉr tiʼ molu mo mpoʼ mɨmɛh. Mʉr ákwoʼ dira nyɔm e bɨsyɛɛla bɨ nyʉl bɨpuno. Bɨlwib me lé elwib e bɨn bi, byé eduho ó boo Mbɨambɨa Sisim. Byé nteme, byé ó lé edwe bɨn tiʼ molu mo mpoʼ mɨmɛh.

Rôm 8:11

No nteme, ǃɨ Mbɨambɨa Sisim, mʉr a pɛ̀h Yesʉs-Krɨst é foo e, di é bɨn nɛʼɛ, lɛɛ ó, nye ópɛ̀h monyʉl mɨn é foo, maa lé edwè e. Nye ódwe monyʉl mɨn tiʼ é zi Sisim we ndɨ é monyʉl mɨn ɨ.

Yʉanes 5:25

Me elɛɛ bɨn cyecye ó nɛɛ: ewala, lé eze—lé mu ó si pyal—jɔʼ odwè, bé ójoʼo twii Mwan mo Zyɛm ɨ. Baa bé ójoʼo nye e, bé óbi tiʼ molu mo mpoʼ mɨmɛh,

Ebrœ̂ 11:12

Zyɛm ze dwe nye nkul ebòno mpoŋbʉr o ndɨ é bul buo bʉr ɨ, dam be mpʉ nye a be ó mpʉ ndwè. Bé ó tɔɔ baatwitwɛn, nkʉ ntɔʼ, tɔɔ mosɨa mo maŋ ndɨ é nkpah maŋ ɨ.

Rôm 3:29

Zê Zyɛm, nye ó njɨ waa oYʉden bé ome ɛ? Ntʉʼ nye ndɨ Zyɛm é l'efu e bʉr o bɨkul bɨfih nteme ɛ? Eee, nye ó kʉ be Zyɛm wɔɔ nteme,

2 Pyɛr 3:8

Obɨɔ o kpɛl bam aa! Ajɨha ga sa yi: é nko paʼ mo Da, dobo egwar, lé ó mpʉ tɔɔyin mɨmbu; tɔɔyin mɨmbu, nye ó mpʉ dobo egwar.

Ebrœ̂ 11:7

É zi buʼo, Noe a si joʼo é jɔʼ Zyɛm a bal nye é lɔb sa yé a be ó, yé ósyɛɛlɨ ɨ. Nye l'apa bee ye e dih, nye a be ó si nʉa lwib mo Zyɛm yaa, gba é nkɔb, ntɔʼ kpaʼ byɛl, du mpʉ Zyɛm a tɨe nye ó, nye saʼ ɛ. Nye ze ni tɨ, bé e mbɛr bʉr we, bɨbɛh ntɔʼ tiʼe. É mbi waa ó nye a dwe bʉʉ bʉr mobe e, nyɛɛ ntɔʼ bi mokebe é mih mo Zyɛm, maa lé eduho é buʼo e.

1 Timotɛ 6:13

Me elɛɛ go é mih mo Zyɛm Sɔŋ, waa lé edwe bɨsa bibyɛh tiʼ ɨ, ndwe e maa mo Yesʉs-Krɨst, mʉr a mɛʼle mbɨmbɨa é mih mo Pɔŋtos Pilat ɨ,

Rôm 9:26

«Gumo me a lɛɛ e be ó: “Ntʉʼ bɨn ndɨ bʉr bam” ɨ, tɨʼ é gumo yaa, mɛm, Zyɛm, me óka gban be, le ejwɨr be die ó: “Bwan mo Zyɛm ndɨ kublakubla ɛ”.»

1 Korɛnt 15:45

Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr efoʼ, Adam, a be ó kublakubla.» Adam a fuʼla ka ze e, nye ó Sisim lé etiʼ bʉr ɨ.

Rôm 4:2

Nkʉ Abraham a be ó be, bi mokebe é mih mo Zyɛm ebe mɨmpaŋ bɨsyɛɛla bye nɛʼɛ, mpa nye a si bi sa edoʼo e tɨ. Sa gwar, nye a baangbaa doʼo e bye é mih mo Zyɛm,

Mɨlʉmlʉ 15:18

waa lé ebɛa gʉa bye, taare mya ɛ.”»

Mataos 3:9

Adɨ lɛɛla ga paʼra win ó: “Bɨna ga bé e sɔŋ ó Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

Rôm 4:18

Sa Abraham a baajala le ebuʼla ó, yé e nkul epyal ɨ, nye a si buʼla sa gwar e gwar yaa e mbɛla wé a be nye é leme e. Nye ntɔʼ fuʼla sɔŋ buobuo bɨkul. Zyɛm a kɛʼ nye ó: «Mpoŋbʉr go óbuo, jala e baatwitwɛn.»

Rôm 9:11

Zyɛm a lɛɛ nye ó: «Tʉl óbe ó syɛl mosa mo ncyom we.» É jɔʼ Zyɛm a lɛɛ no e, lʉʉ egbah, lé a baapa byɛl, apa sa syɛɛla gwar, nkʉ mpaŋ syɛɛla ngwar, nkʉ syɛɛla ebebe gwar. Zyɛm a sa no ó, lé elɛʼle ó, nye esa bɨsa bye ó mpʉ nye lé ekpɛl ɨ. Nye epɛh mʉr, le ejebe nye ó, lé edu mɨtiʼa mɨ leme we nye mʉr tɨ. Nye apɛh mʉr é dɔɔ mɨmpaŋ bɨsyɛɛla mʉr waa a taare sa ɛ.

Ebrœ̂ 11:3

É zi buʼo, yé ó bɨna lé egʉa ga ó, Zyɛm ó b'a cye kʉ e si e lwib ye e. No ó, sa yiyɛh lé enyin ɨ, yé a duho ó, é yaa ndɨ anyin ɨ.