Rôm 4:16 - Kálara Zyɛ̌m Edwán é mpʉ̌n

¹⁶ Ebe no ó Zyɛm a dwe Abraham bé e l'onta be, tiʼ molu mo mpoʼ mɨmɛh ebe taa buʼo bé a jyɛʼ boo nye e. Tiʼ molu mo mpoʼ mɨmɛh Zyɛm a kɛʼ bɨna ga ɛ, yé ó sa lé elɛʼle ncwɨncwɨa we e. Nkɛʼ waa, wé ó sa ebuʼlɔ é paʼ bʉr o mpoŋbʉr mo Abraham bɨbɛh. Yé a baadwɛʼ njɨ mʉr a du motie e. Yé a dwɛʼ nteme ó, mʉr a be e buʼo gwar mo Abraham ɨ. Yé ó, ebe, Abraham, nye ó sɔŋ ga wina, bɨna ga bɨbɛh.

Kálar Nzyɛ̌m : Ejwán é Sáá

¹⁶ Nzyɛ̌m á kɛʼ Abraham, bé le onta bé, sí yɨ̂ʼ ó, ɨ́ lɔ̌b búʼó Abraham á bûʼla nye yɨ́. Nkɛ̌ʼ nyaá, nye bé ó, ntinɨ̂ e ntinɨ̂ njʉ̌m dǐ e njʉ̌m dǐ. Yé á syɛ́ɛ nó ó, Nzyɛ̌m nkʉ̂ dwe bé nyǎ edwɛ́na. Nyě kɛ̌m ó, onta mé Abraham bɨ́bɛ̂h. Yé abe ó, nye á jaa dwe nkɛ̌ʼ nyaá ó, njɨ bʉr o dí ebaʼle métié bá. Nye á kɛʼ ntémé ó, bʉr o dí edyêʼ koo e né, baá o dí enwɨɨla le Abraham ɨ́ nkǒ páʼ búʼó bá. Ebě, Abraham, nye ó sɔ́ŋ gá wɨ́ná, mɨná gá óbɛ̂h. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó:

Rôm 4:16 ပူးပေါင်းရင်းမြစ်များ

Éfɛsɔs 2:8

Ebe, bɨn bé a bi tiʼ molu mo mpoʼ mɨmɛh ó, é zi ncwɨncwɨa mo Zyɛm, é zi buʼo. Tiʼ yaa, yé aduho é bɨn bʉr o tɨ. Yé ó etʉm Zyɛm a ntɨh bɨn ɨ.

Galásia 3:22

Ebe, yé ó tila é Kalara Zyɛm ó, bʉr o si nwaʼ bɨbɛh, bé ó, é mpila mɨsyem myɔɔ. Mɨsyem myɔɔ, myé a si kaʼ bɨbɛh monkara. Sa gwar, Zyɛm, nye ekɛʼ ó, baa bɨbɛh lé ejyɛʼ taa buʼo yɔɔ boo Yesʉs-Krɨst ɨ.

Rôm 9:8

No, yé ó, é bim bwan Abraham a bya ɛ, ntʉʼ bɨbɛh ndɨ bwan mo Zyɛm. Zyɛm a láa ó, bʉr o mpoŋbʉr we, bé ó baa bé a byɛl, du mpʉ nye a kɛʼ Abraham ɨ.

Títos 3:7

Nye a dwe bɨna tiʼ molu mo mpoʼ mɨmɛh ó, bɨna pʉʼa ga é nkar, sɔba é feerɨ ebe ncwɨncwɨa we. Bɨna ga mu ó baa nye a kɛʼ tiʼ molu mo mpoʼ mɨmɛh ɛ. Nkɛʼ waa ó lé esa ó, mɨleme ga mina, myé loŋla e mbɛla.

Éfɛsɔs 2:5

É jɔʼ bɨna bé a be ga odwè é nko paʼ sisim, duho é motie bɨna bé a ntaa ga ɛ, nye a si bana pɛ̀h bɨna ga é mofoo é jɔʼ nye a pɛ̀h Krɨst é we foo e,— bɨn bé a bi tiʼ molu mo mpoʼ mɨmɛh ó, é zi ncwɨncwɨa Zyɛm a lɛʼle bɨn ɨ.

Rôm 15:8

Me eboʼlo bɨn lɔɔ wi: Krɨst a si dwir nye mʉr tɨʼ syɛl mosa é l'efu le oYʉden. Nye a sa no ó, é l'efu le elɛʼle bɨh mpʉ Zyɛm ndɨ mʉr ocyecye e. Nye esa bɨh syɛɛla yaa ó, lé edira monkɛʼ Zyɛm a liʼe bɨmpam bih e ma ɛ.

Rôm 5:1

Zyɛm mu ó si dwe bɨna ga mokebe ebe taa buʼo bɨna lé ejyɛʼ boo Krɨst ɨ. Ebe no ó bɨna ga e boo Zyɛm mu mbɨmbɨa, dumo e Tî ga wina Yesʉs-Krɨst ɨ.

2 Pyɛr 1:10

Obɨɔ ga bam aa! Me elɛɛ bɨn ó nɛɛ: gbaʼ ga monyʉl lé esea é dwiii é l'efu ó, bɨn gʉŋa cyecye ó, Zyɛm a si jebe bɨn, le epɛh bɨn, ebe, ǃbɨn si sa no nɛʼɛ, bɨn bé ákwoʼ duma é syem.

Rôm 4:11

Sɛa mpʉn, wé a cyelɔ é nko paʼ mo Abraham ó, mpʉ dweʼle. Wé a be ó dweʼle, sa lé elɛʼle ó, nye a be ó si bi mokebe ebe taa buʼo nye a jyɛʼ boo Zyɛm ɨ, nye l'apa saŋɔ mpʉn. Zyɛm a dwe nye mokebe no ó, nye nkʉʼ be sɔŋ é l'efu e bʉr bɨbɛh ndɨ ejyɛʼ taa buʼo yɔɔ boo nye, baa l'apa saŋɔ mpʉn ɨ. Nye enʉa be e boo nɔɔ mpʉ ocɨcyel o bʉr.

Lʉkas 19:9

No ó, Yesʉs a lɛɛ e nye ó: «Bʉr o mbɛr wi, bɨ bi tiʼ molu mo mpoʼ mɨmɛh muh, ebe, mʉr nwaʼ nteme, nye ó ma nta mo Abraham.

Rôm 3:22

Zyɛm mu lé edwe bʉr mokebe é mih me ó, njɨ ebe taa buʼo bé lé ejyɛʼ boo Yesʉs-Krɨst ɨ. Zyɛm a kar zi waa ó, é l'efu e baa bɨbɛh lé ejyɛʼ taa buʼo yɔɔ boo nye e, ebe, bʉr bɨbɛh, bé ó jwɨʼ gwar.

Rôm 3:30

ebe, Zyɛm, nye ó njɨ ngwar! É nko paʼ bʉr o b'a saŋɔ mpʉn ɨ, nye edwe be mokebe ó, ebe taa buʼo bé lé ejyɛʼ boo Zyɛm ɨ. Nye edwe mokebe nteme ó, bʉr o b'a baasaŋɔ mpʉn ɨ, ebe buʼo gwar yaa.

Galásia 3:14

Yesʉs-Krɨst a dwih bɨna ga é mpila ebebe no ó, é l'efu e bɨkul bɨfih. Nye mu ó lé eze ntɛŋ bɨn mocyɛʼ mo mpom Zyɛm a kɛʼ Abraham ɨ. Nye a dwih bɨna ga nteme é mpila mɨsyem ó, Zyɛm nkʉʼ dira nkɛʼ we é l'efu ga lɨna, lé entɨh bɨna ga Mbɨambɨa Sisim. Nye entɨh nye ó, ebe taa buʼo bɨna lé ejyɛʼ ga boo nye e.

Galásia 3:16

Mbi ngwar e ngwar waa ó Zyɛm a kɛʼ Abraham ndwe e mʉr mpoŋbʉr we mɨmpaŋ bɨsɔʼɔ ɛ. Yé abe tila é Kalara Zyɛm ó: «bʉr o mpoŋbʉr». Yé a kʉ ka tilɔ ó njɨ mʉr ngwar é mpoŋbʉr we. Nye a lɛɛ ó: «Me edwe ó, bɨn e mʉr mpoŋbʉr go.» No, yé ó, mʉr mpoŋbʉr mo Abraham waa ó ndɨ Yesʉs-Krɨst!